လူမျိုးစကားနဲ့ စာပေ (သို့မဟုတ်) သမိုင်းကို ပြန်လည်ခံစားခြင်း အပိုင်း (၁)

ထားဝယ်မှာသမိုင်းရှိတယ်။

စာရေးသူ – ဦးဉာဏ၀ရ 

မြန်မာနိုင်ငံမှာ လူမျိုး  (၁၃၅) မျိုးရှိကြောင်း မှတ်သားရပါတယ်။ စာရေးသူအနေနဲ့ အမှန်အတိုင်းဝန်ခံရမယ်ဆိုရင်တော့ (၁၃၅) မျိုးလုံးကို ရေပြပါဆိုရင် မရေတတ်ဘူးလို့ပဲပြောရမှာပါ။ ဒါပေမယ့် လူမျိုးကြီးအုပ်စုကိုတော့ မြန်မာ၊ ကရင်၊ ကယား မွန်၊ ချင်း၊ ရခိုင် စသည်ဖြင့် ငယ်ငယ်က ကြားဖူးထားတာမို့ ရေးတတ်နေပါတယ်။ ဒါဆို ထားဝယ်ဆိုတဲ့ လူမျိုးကိုရော ဘယ်အုပ်စုထဲထည့်ရမှာပါလိမ့်? မေးသင့်တဲ့မေးခွန်းလေးပါပဲ။ များသောအားဖြင့် ထားဝယ်အတော်များများဟာ ထားဝယ်လူမျိုးဆိုတာ မြန်မာထဲမှာပါတာပေါ့လို့ ပြောမှာကို ကြားယောင်နေပါသေးတယ်။ စာရေးသူကိုယ်တိုင် ငယ်ငယ်က ထင်ခဲ့ဖူးတဲ့ အထင်မျိုးပါပဲ။ ဒါကလဲ အမှားများလို့ အမှန်ထင်ခဲ့တဲ့ အထင်တစ်ခုပါ။

“ထားဝယ်လူမျိုးများသည် ရှေးကျသော တိုင်းရင်းသားတစ်မျိုးဖြစ်သည်၊ ရှေးပဝေသဏီကပင် တိုင်းပြည် မြို့ပြ ထီးနန်းနှင့်တကွ ထားဝယ်စကားပြောသည့် ထားဝယ်လူမျိုးဟူ၍ ရှိနေသည့်အဖြစ်ကြောင့် ထားဝယ်စကားဟု တစ်ဘာသာ မြန်မာစကားနှင့် လုံးလုံးကွဲ၍လည်းကောင်း စကားတူအသံဝဲ၍လည်းကောင်း ယနေ့တိုင်ပြောနေကြသည်” ဟု
၁၉၇၁ ခုနှစ်ထုတ် မြန်မာ့စွယ်စုံကျမ်း အတွဲ (၅) စာမျက်နှာ(၂၀၂) ဖေါ်ပြချက်ကို သိရတော့မှ ထားဝယ်လူမျိုးများဟာ မြန်မာအုပ်စုထဲမှာ မပါတဲ့ ထားဝယ်တိုင်းရင်းသား
စစ်စစ်ဖြစ်တယ်ဆိုတာကို သိရပါတော့တယ်။

အရင်က အမှားကို အမှန်ထင်ခဲ့တဲ့အရာဟာ မြန်မာ့စွယ်စုံကျမ်းကြောင့် ပျက်ပျယ်သွားပြီဆိုရင်လဲ မှန်မယ်ထင်ပါတယ်။ အမှားကိုပယ် အမှန်ကိုတကယ်သိခွင့် ရလိုက်တဲ့အတွက် ရင်မှာဖြစ်ပွားရတဲ့ ပီတိကတော့ အတိုင်းအဆမဲ့ပါပဲ။ သူများအပြောနဲ့ အမှောင်ကျခဲ့တဲ့ အသိကို အခုတော့ အလင်းနဲ့ဖွင့်ခွင့်ရလိုက်လို့ ၀မ်းသာလို့ မဆုံးခဲ့ဘူးဆိုရင်ကော မှားမယ်တဲ့လား။ ဒါဆိုရင် ထားဝယ်လူမျိုးဆိုတာ မြန်မာနိုင်ငံမှာ တိုင်းရင်းသားတစ်မျိုးအဖြစ် နှစ်ပေါင်းများစွာ တည်ရှိခဲ့တယ်ဆိုတာ လုံးဝသေချာနေပြီပေါ့။ အမေရိက ရောက်နေတဲ့ ဒေါ်အောင်ဆန်းစုကြည်ရဲ့ စကားလေးကလဲ တအားတက်စေပါတယ်။ ပြောတာလေးက ဒီလိုပါ။

 မြန်မာနိုင်ငံဟာလူမျိုးစုံတိုင်းရင်းသားတွေနဲ့တည်ထောင်ထားတဲ့
 ပြည်ထောင်စုကြီးတစ်ခုဖြစ်ပါကြောင်း၊
 မြန်မာကတော့ အုပ်စုကြီးတဲ့ တိုင်းရင်းသားတစ်မျိုးပင်ဖြစ်ကြောင်း ပြောခဲ့တာပါ။
ဒါဟာလဲ မသိပဲ ရမ်းပြောတဲ့ စကားမဟုတ်လောက်ဘူးဆိုတာကိုလဲ ယုံကြည်နေပါတယ်။ ယုံကြည်မှုတွေပိုမို ခိုင်မာလာအောင် သမိုင်းလေးကို တချက်လောက်ငဲ့ကြည့်စေချင်ပါတယ်။

 ပေါ့လို့ လျော့ခဲ့ရသလို ပေါ့လို့ ပျက်ခဲ့ရတဲ့အဖြစ်တွေဟာလဲ မြန်မာသမိုင်းမှာ အထင်အရှားရှိနေပါတယ်။ မြန်မာအရင်ပေါ်ခဲ့တဲ့ ပျူနဲ့ သရေခေတ္တရာ အကြောင်းလေ့လာရင် သိသွားရမဲ့အဖြစ်ပါ။ စာရေးသူအနေနဲ့ ရဲရဲကြီးပြောနိုင်တာကတစ်ခုတော့ ရှိပါတယ်။ ဒါက မြန်မာနိုင်ငံမှာ တည်ရှိနေတဲ့ လူမျိုးတွေထဲမှာ ထားဝယ်လူမျိုး ထားဝယ်တိုင်းရင်းသားဆိုတာ အရင်ကလဲရှိခဲ့ကြောင်း အခုလဲရှိနေဆဲဖြစ်ကြောင်းပါပဲ။ မြန်မာထဲမှာ ပါဝင်တဲ့ လူမျိုးတစ်မျိုးမဟုတ်ဘူးဆိုတာကိုလဲ သေသေချာချာကြီးသိနေပါတယ်။

စာဖတ်သူများရော ဘယ်လိုထင်ပါသလဲ? လေ့လာကြည့်ပါ။

 ပြောတဲ့အတိုင်း ယုံကြည်ရမယ်လို့ မဆိုလိုပါဘူး။

 ခေတ်မီတဲ့ ကာလမှာ မွေးဖွားလာသူများဟာ ပြောစကားကို အရမ်းယုံရမဲ့အခြေအနေ မရှိတော့ပါဘူး။ သိအောင်လုပ်ဖို့နဲ့ အမှန်ကို ရဲရဲယူတတ်ဖို့ပဲရှိပါတယ်။ ဘာဖြစ်လို့ ထားဝယ်လူမျိုးများဟာ လူမျိုးတစ်မျိုး တိုင်းရင်းသားတစ်မျိုးအဖြစ် တည်ရှိနေတယ်ဆိုတာကို ပြောရဲတယ်ထင်ပါသလဲ?

စာဖတ်သူများသာ ထားဝယ်စစ်စစ်ဆိုရင် သာဂရမြို့ဟောင်း (ယခု မြို့ဟောင်းရွာ) ကို ရောက်ဖူးသင့်တယ်ထင်ပါတယ်။ ပြီးတော့ သာဂရမြို့ဟောင်းမှာ ရှင်ဇလွန် စေတီတစ်ဆူရှိတယ်ဆိုတာကိုပါ ကြားဖူးကြမှာပါ။  

စေတီ တော်ရဲ့ခေါင်းလောင်းပုံပတ်လည်မှာ အင်္ဂတေနဲ့ပုံဖေါ်ထားတဲ့ သီရိဝစ္ဆ အမှတ်အသားများကို သတိထားဖူးပါသလား? အဲဒီအမှတ်အသားများဟာ အိန္ဒိယနိုင်ငံမှာ ထွန်းကားခဲ့တဲ့ ဗြဟ္မဏ၀ါဒ၊ ဗုဒ္ဓ၀ါဒ၊ ဇိန (ဂျိန်း)၀ါဒတို့တွင် အထွတ်အမြတ် ထားသော ဘာသာရေးဆိုင်ရာ အမှတ်အသားတစ်ခုပဲ ဖြစ်ပါတယ်။ ရှေးကျတဲ့အမှတ်အသားနဲ့ တည်ငြိမ်စွာ ရပ်ပြီး အေးချမ်းတဲ့အရိပ် နူးညံ့တဲ့အသိများကို ပေးနေတဲ့ ရှင်ဇလွန်စေတီကို အေဒီ (၇၈၈) မှာ တည်ထားခဲ့တယ်ဆိုတဲ့ သက်သေတစ်ခုက ထားဝယ်လူမျိုးများ ကိုယ်ပိုင်ယဉ်ကျေးမှုကို ပိုင်ဆိုင်ပြီး ဗုဒ္ဓဘာသာကိုစောစွာ ကိုးကွယ်ခဲ့တယ်ဆိုတာကိုပါ ပြောပြလျက်ရှိပါတယ်။ ဒါ့တင်ပဲ့လား။ အေဒီ (၇) ရာစုမှ အထိမ်းအမှတ်များကို ထိန်းသိမ်းထားပါတယ်ဆိုတဲ့ ကော့ဂွန်းဂူတွင် လှူဒါန်းထားတဲ့ မြေပုံဘုရားတွင်ပါရှိတဲ့ ဒါယကာ ဒါယိကာမများ အမည်၌ ယိခီ ထ၀ယ်စားသံဗျင်နှင့် ထားဝယ်မြို့စားလို့ မှတ်တမ်းတင်ထားတာကိုက ထားဝယ်လူမျိုးများ မြန်မာနိုင်ငံ၌ စောစွာခြေချခဲ့သူများဆိုတာကိုပါ ထပ်ဆင့်အသိပေးလျက်ရှိပါတယ်။ စာဖတ်သူများ လက်ခံဖို့ခက်ခဲနေတုန်းပဲ့လား။ ဆက်လက်ဖတ်ရှုပါဦး။ ထန်မင်းဆက် သမိုင်းတွင်းပါရှိတဲ့ အေဒီ (၇၅၆) နှောင်းပိုင်း၏ ပျူခေတ် ကာလအခြေအနေကို ဖေါ်ပြတဲ့နေရာမှာ ဒီလိုလေးပြောပြထားပါသေးတယ်။ ထော်ဝမ်၏ ရှေးဟောင်းအသံ ထွက်သည် Da-Van နှင့် နီးစပ်ပါသည်။ ထိုနေရာသည် ဒွါရာဝတီနှင့် ဆက်စပ်သည် ဟုဆိုထား၍ ဒ၀ယ် (ထားဝယ်) ဟုဆိုလျင် သင့်မည်ထင်ပါသည်။ စွေမင်းဆက်သမိုင်းကလည်းကောင်း ထန်မင်ဆက်သမိုင်းကလည်းကောင်း ခမာသည် စမ္ပါနှင့် ထော်ဟွမ် (ထားဝယ်) တို့နှင့် အကြိမ်ပေါင်းများစွာ စစ်ဆင်ခဲ့သည် ဆိုသည်ဟု ပါရှိခဲ့သည်။
 နောက်တစ်နေရာတွင် အနိရုဒ္ဓနှင့် မင်းအဆက်ဆက်တို့ အနီးအပါးကိုချဲ့ထွင်သိမ်းသွင်းသည့်အခါမှ ပေါ်ပေါက်ရာအကျယ်အ၀န်းကား  
မြောက်  ကောင်စင်မှ တောင်တလိုင်သရေနှင့် ထ၀ဲ အထိဖြစ်သည်ဟု ဖေါ်ပြထားခြင်းပင်။ ဒီသမိုင်းမှတ်တမ်းများဟာ မြန်မာ့မြေပေါ်မှာ လူမျိုးတစ်မျိုးဖြစ်ရပ်တည်ခဲ့ရုံမက ကိုယ်ပိုင်စကားနဲ့ ကိုယ်ပိုင်ယဉ်ကျေးမှုကိုပါ ထိန်းသိမ်းထားနိုင်သူတို့အဖြစ် ဖေါ်ပြလျက်ရှိပါတယ်။ 
 ဒါကြောင့် မြန်မာနဲ့မတူ ထားဝယ်လူမျိုးများ တကယ်ရှိခဲ့တယ်ဆိုတာကို ပြောရဲခဲ့တာပါ။ ထားဝယ်လူမျိုးများကရော ကျနော်တို့ဟာ ရှေး ကျလွန်းမက ရှေးကျတဲ့ ရှေးဟောင်းစကားများကို သမိုင်းစဉ်လာမပျက်ပြောနေတဲ့ ထားဝယ်သားများပါဗျာလို့ ပြော ရဲတဲ့သတ္တိ မရှိကြဘူးလား။ ထားဝယ်လူမျိုးပါလို့ရော လူရှေ့မှာ ပြောရမှာ ရှက်ကြောက်နေတုန်းပဲ့လား။ သမိုင်းမရှိလို့ ရှက်ကြောက်နေတယ်ဆိုရင် လက်ခံနိုင်ပေမယ့် သမိုင်းအတိအကျရှိလျက်နဲ့ ရှက်နေတယ် ကြောက်နေတယ်ဆိုရင်တော့ စာဖတ်သူဟာ ထားဝယ်စကားပြောတဲ့ ထားဝယ်သားတော့ မဟုတ်လောက်ပါဘူး။ မြန်မာစကားပြောတဲ့ မြန်မာများပဲဖြစ်မှာပါ။ ကိုယ်ပိုင်ယဉ်ကျေးမှု ကိုယ်ပိုင်စကားကို တန်ဖိုးမထားသူရယ်လို့ ရှိမယ်မ ထင်ပါဘူးလေ။ သမိုင်းအခိုင်အမာရှိနေတဲ့ လူမျိုးတစ်မျိုးဖြစ်နေတာမို့ ထားဝယ်သားပါလို့ ထားဝယ်စကားနဲ့ ရဲရဲကြီးပြောပြလိုက်ပါ။ အထင်သေးစကားနဲ့ ပြောလာခဲ့မယ်ဆိုရင်လဲ ပြောသူကို သမိုင်းမသိသူတစ်ယောက်အဖြစ် စာနာစွာနဲ့ နားလည်ပေးလိုက်ပါ။ ဘာဖြစ်လို့လဲဆိုတော့ စာဖတ်သူကိုယ်တိုင် ရှေးဟောင်းလူကြီး ဖြစ်နေလို့ပါပဲ။ လူကြီးဖြစ်ရင် လူကြီးလူကောင်းပီသဖို့ လိုအပ်လို့ပါ။
လူမျိုးရယ်လို့ဖြစ်လာပြီဆိုရင် စကားဟာ အဓိကအခန်းကဏ္ဍမှာရှိနေတယ်ပြောရင် စာဖတ်သူများလက်ခံနိုင်ပါ့မလား? စကားမရှိပဲ လူမျိုးဖြစ်လာတဲ့လူဆိုတာ ကမ္ဘာမှာရှိနိုင်ပါ့မလား။ ခေတ်နဲ့အညီမွေးဖွားပြီး ပြေးလွှားနေတဲ့ လူသားများအတွက် လေ့လာဖို့ အခွင့်အရေးအများကြီးရှိတယ်ဆိုတာ မမေ့ပါနဲ့။ ထားဝယ်လူမျိုးများဟာ မြန်မာတိုင်းရင်းသားတွေ မသုံးတဲ့ အသုံးအနှုံး မပြောတဲ့စကားလုံးကို ရှေးခေတ်မှသည် အခုထိ ပြောနေတယ်ဆိုတကို ထားဝယ်သားတစ်ယောက်ဖြစ်တဲ့ စာရေးသူကောင်းကောင်းကြီးသိပါတယ်။ လေ့လာလို့သိရတာပါ။ စကားတစ်ချို့တူရုံနဲ့ လူမျိုးတူသွားရတဲ့အဖြစ်ဆိုတာ မရှိလောက်ပါဘူး။ အဲလိုသာဖြစ်သွားခဲ့မယ်ဆိုရင် မြန်မာတစ်မျိုးလုံး အင်္ဂလိပ်လူမျိုးဖြစ်သွားမှာ အသေအချာပါပဲ။ စာဖတ်သူ မျက်စိလည်သွားပါသလား? တစ်ချက်လောက် အာရုံစိုက်ပြီးဖတ်ကြည့်ပါဦး။
မြန်မာလူမျိုးများပြောနေတဲ့စကားထဲမှာ ကွန်ပျူတာ၊ ဖုန်း၊ ကား၊ ဆိုင်ကယ် စတဲ့ စကားတွေပါနေပါတယ်။ ဒါဟာ ကိုယ့်စကားမှာမရှိတဲ့ စကားတစ်ခုကို အလွယ်တကူမွေးစားတဲ့ သဘောတစ်ခုပါပဲ။ ဘာသဘောမှမဟုတ်ပါဘူး။ ဆိုပါစို့။ ကွန်ပျူတာ ဆိုတဲ့အင်္ဂလိပ်စကားကို မွေးစားတာမျိုးမလုပ်ပဲ မြန်မာလိုနဲ့ တိုက်ရိုက်ဘာသာပြန်ကြည့်ပါ။ အတော်ခက်တာကို စာဖတ်သူများတွေ့ရပါလိမ့်မယ်။ မွေးစားပြီးပြောရုံနဲ့ အဲဒီ လူမျိုးဖြစ်သွားတယ် လူမျိုးထဲမှာ ပါတယ်ပြောရင် စာဖတ်သူအပါအ၀င် ဘယ်သူမှလက်ခံမှာမဟုတ်ပါဘူး။ ဒါပေမယ့် သမိုင်းကိုမလေ့လာတဲ့ ထားဝယ်များကတော့ တစ်မျိုးတွေးတာကို ၀မ်းနည်းစွာတွေ့ရပါတယ်။ ထားဝယ်လူမျိုးဆိုတာ မြန်မာစကားကို အသံမပီပဲပြောတဲ့ လူတွေမို့ မြန်မာထဲမှာပါတယ်ဆိုတဲ့အတွေးကို ဘိုးဘွားလက်ထက်ကတဲကယူလာတာမို့ မျိုးဆက်သစ်လူသားများဟာလဲ အလွယ်တကူပဲ လက်ခံသွားပါတော့တယ်။ တစ်ချက်လောက် လေ့လာကြည့်ပါ ထားဝယ်တို့။

ကိုယ်ပိုင်စကားကို အရင်သုံးခဲ့သူများဟာ ဘယ်သူတွေလဲဆို တာကိုပါ။ ၁၉၆၀၊ ၁၉၆၁ ခု တက္ကသိုလ်နှစ်ပတ်လည် မဂ္ဂဇင်းမှာ ဖေါ်ပြချက်လေးကို ဖတ်ကြည့်လိုက်ပါဦး။
 မြန်မာနိုင်ငံတွင် ပထမဆုံးမြို့ပြ ထီးနန်းများ တည်ထောင်ခဲ့ကြသော ပျူများ၏ ယဉ်ကျေးမှုအဆင့်အတန်းကို ဒီလိုဖေါ်ပြထားပါတယ်။  
“ဘာသာစကားအနေဖြင့် တိဗက်-မြန်မာ (Tibeto-Burma) စကားဖြစ်ကြောင်း ရဲရဲ ပြောနိုင်သည်၊ မြန်မာနှင့် အမျိုးနီးစပ်ဟန်ရှိသည်။ တစ်သံလျှင် သဘောအဓိပ္ပါယ်တစ်မျိုးတည်းဟူသော ဘာသာစကားဖြစ်၍ ၀ဏ္ဏသံပိတ်ကိုပင် အတွဲမခံချေ၊ အသံနိမ့်မြင့်ထင်ရှား၍ စာရေးသားရာ၌ အသံအလေးအပေါ့ညွှန်းရန် (၀ိသဇ္ဇနီ)များကို သုံးသည်။ အထူးသဖြင့် သင်္သကရိုက်သက် အမျိုးခြားစကားလုံးများကို ယူငင်သုံးစွဲကြောင်း သိရသည်”။ ထိုအခါ မြန်မာ့စွယ်စုံကျမ်းအတွဲ (၅)တွင် ဖေါ်ပြသော ထားဝယ်လူမျိုးသည် တိဗက်-မြန်မာအစုမှ မြန်မာလူမျိုးအစုဝင်ဖြစ်သည် ဟူသောဖေါ်ပြချက်နှင့် ဆရာမောင်လေးတင့်၏စာတမ်းပါ (ယနေ့ မြန်မာစကား စာအရေးသားတို့တွင် လုံးဝမရှိသော (လ)ဆွဲသံများ (အော)သရနောက် န သတ်သံများသည်များသည် ထားဝယ်စကား၌ ယနေ့တိုင်သုံးစွဲနေဆဲဖြစ်ပြီး ထိုအသံ စာလုံးပေါင်းများသည် မြန်မာထက်စော၍ ပေါ်ခဲ့သည်ဟု ပညာရှင်များခန့်မှန်းအဆိုပြုထားသည့် ပျူစာတွင် ရှိနေခြင်း (မြစေတီကျောက်စာ လေးဘာသာ၊ နိုင်ငံတော်ပြတိုက်၊ ယဉ်ကျေးမှုဗိမာန်၊ ၁၉၅၄) ဟူသောဖေါ်ပြချက်ဟာ ထားဝယ်လူမျိုးများ မြန်မာနိုင်ငံမှာ ဘယ်လောက် စောစောပေါ်ခဲ့တယ်ဆိုတာ ခန့်မှန်းနိုင်ပါတယ်။ 
 စာဖတ်သူများ သိသာအောင် (လ)ဆွဲသံ (အော)သရနောက် နသတ်သံနဲ့ သုံးစွဲနေတဲ့ ထားဝယ်စကားများအကြောင်းကို တင်ပြပါရစေဦး။

ထားဝယ်စကားထဲမှာ မြန်မာနိုင်ငံသားအားလုံးမသုံးနိုင်တဲ့စကားဖြစ်တဲ့
 ပ္လပ် (ညာတာ၊ လိမ်တာ)။  ပ္လီး (ပိန်း)။  ပ္လေါန်း (ပြောင်း)။  ပ္လေး (ပြေး) ။ က္လောန်း (ကျောင်း)
 က္လီး (ကျီးကန်း)။ စတဲ့စကားများပါပဲ။

ဒီလို စကားမျိုးနဲ့ အသံကို မြန်မာနိုင်ငံသားအားလုံး ထားဝယ်သူ ထားဝယ်သားမှလွဲရင် ဘယ်သူမှ မပြောနိုင်ဘူးဆိုတာ ရဲရဲကြီးပြောရဲပါတယ်။

 ပြီးတော့ (အော)သရနောက် န သတ်အသံများကတော့.....
 ကောန်း (ကောင်းတယ်)။  အောန်း (မျက်စိစွေ)။
 တောန်း (တောင်းသည်) ။
 ဆောန်း (ဆောင်းထားသည်)။ စတဲ့စကားလုံးများကိုပါ ကိုယ်ပိုင်အသံအနေနဲ့ သုံးစွဲနေတာပါ။ ဒါ့တင်ပဲလားဆိုတော့ မြန်မာစကားနဲ့ လုံးဝကွဲလွဲတဲ့ စကားလုံးများကိုပါပြောဆိုနေတဲ့ လူမျိုး တစ်မျိုးဖြစ်တယ်ဆိုတာကိုပါ ယုံထားပါ။ စာဖတ်သူများ အခုရေးပြလိုက်တဲ့စကားများကိုတွေ့ရင် သိသွားပါလိမ့်မယ်။
 ဖောတ်သန်းခ္လေးချောတ် (ပုတ်သင်ညို)
ရှိးဂိုသီး (သဘောင်္သီး) စတဲ့စကားတွေပါ။ ဘာသာဗေဒအနေနဲ့ သေသေချာချာ လေ့လာချင်တယ်ဆိုရင် တောနယ်များကိုသွားပြီး
 လေ့လာသင့်ပါတယ်။ ထားဝယ်များ ရှေးကျလွန်းတဲ့စကားကို မြတ်မြတ်နိုးနိုးအခုထိ သုံးစွဲနေတယ်ဆိုတာကို အံ့သြစွာတွေ့ရပါလိမ့်မယ်။ ရှေးကျတဲ့စကားပြောရလို့ ရှက်နေတာလား။ ရှက်စရာလို့ ထင်ရင် အမျိုးကို သစ္စာဖေါက်ရာရောက်တယ်ဆိုတာကိုရော စာဖတ်သူများသိပါရဲ့လား။ သစ္စာဖေါက်သူအတွက် တန်ပြန်အကျိုးအနေနဲ့ ရောက်လာမှာကတော့ ဘယ်သူမှ လူရာသွင်းမှာမဟုတ်သလို လူမျိုးများကြားမှာလဲ မျက်နှာသာပေးခံရမှာ မဟုတ်ပါဘူး။ ထားဝယ်လူမျိုးဆိုတာ အေဒီ (၈)ရာစုလောက်ကတည်းက ရှေးစကားကိုပြောပြီး အမျိုးကိုစောင့်ရှောက်ခဲ့သူအဖြစ် ရှေးကျလွန်းတဲ့စကားကို အခုထိပြောရင်း လူမျိုးနဲ့ သိက္ခာကို စောင့်ထိန်းထားဆဲပါ။
သမိုင်းကို ကျောခိုင်းချင်တဲ့ အသိမဲ့ ခေတ်ပေါ်လူငယ်များကြောင့် ရှေးစကားကို နှစ်ထောင်နဲ့ချီပြီး ထိန်းသိမ်းခဲ့တဲ့ ရှေးထားဝယ်လူမျိုးများကို သစ္စာဖေါက်ရာ ရောက်မနေဘူးလား။ 
 ရှေးရှေးက ကိုယ့်စကား ကိုယ့်ယဉ်ကျေးမှုကို ထိန်းသိမ်းရင်း ကိုယ့်နေရာဒေသကိုကာကွယ်ခဲ့တဲ့ ရှေးထားဝယ်ကြီးများကို ကျေးဇူးအထပ်ထပ် တင်နေမိတယ်။ တွေးရင်းနဲ့ မျက်ရည်ဝဲမိတယ်။ လူအနည်းစုဖြစ်ပေမယ့် ကိုယ်ပိုင်စကားနဲ့ ကိုယ့်လူမျိုးကို နှစ်များစွာ ထိန်းထားနိုင်ခဲ့တဲ့ အစွမ်းနဲ့ သတ္တိကိုလဲ ချီးကျူးမိပါရဲ့။

ထားဝယ်ဟာ မြန်မာလူမျိုးထဲမှာပါတယ်လို့ သမိုင်းကို ကျောခိုင်းတဲ့ လူတွေကြောင့် ရှေးထားဝယ်လူကြီးများကို မျက်နှာပူမိပါရဲ့။ 

သမိုင်းကို သေသေချာချာလေ့လာရင် ကိုယ့်အဆင့်အတန်း ကိုယ့်အခြေအနေ ဘယ်လိုရှိခဲ့တယ် ဘယ်လိုဆက်ထိန်းသွားရမယ်ဆိုတာကိုပါ သိသွားပါ လိမ့်မယ်။ သမိုင်းစာအုပ် ဘယ်မှာလဲ အဲဒီသမိုင်းကရော မှန်မှာတဲ့လား စတဲ့သံသယမေးခွန်းများနဲ့ ဒီစာကိုဖတ် ခဲ့မယ်ဆိုရင်……………..ပြောလိုက်ပါရစေဦး… ဗိုလ်ချုပ်အောင်ဆန်းအကြောင်း ဦးသန့်အကြောင်းကို တရားဝင် ထုတ်ခွင့်ရခဲ့တာတောင် အမှန်တွေဘယ်လောက်ပါပါ သလဲ။ စာဖတ်သူများလေ့လာကြည့်ရင် သိမှာပါ။ ဒါဆို ထားဝယ်သမိုင်းကိုရော ထုတ်ခွင့်ရခဲ့မယ်ဆိုရင် အမှန်ဘယ်လောက် ပါမယ်ထင်ပါသလဲ။ သိမ်းထားတဲ့စာအုပ်ကို ချကိုက်လို့ ဟေတုပစ္စယောမှ ဟေတပစ္စယောပြောင်းသွားတာကို ဟေတုများဖြစ်နိုင်ကောင်းပါရဲ့
လို့ပြင်ခွင့်ရပေမယ့် ဆင်ဆာထိထားတဲ့ စာအုပ်မှာပါတဲ့ စာကြောင်းများကို ဘယ်လိုများပြင်ခွင့်ရမှာတဲ့လဲ။ ပြင်ခွင့်မရမဲ့အတူတူ တရားဝင် မထုတ်တာဟာ ပိုကောင်းမယ်လို့ တွေးမိတဲ့ သမိုင်းပညာရှင်များ လက်ရေးနဲ့ရေးထားတဲ့ သမိုင်းစာအုပ်ကို စာဖတ်သူများ ဖတ်ခွင့်မရတာနဲ့ သမိုင်းမရှိတော့ဘူးလို့ ယူဆတော့မှာလား။ သမိုင်းစာအုပ်မရှိခဲ့ဘူးဆိုရင်တောင် ဖြစ်ပျက်ခဲ့တဲ့နေရာမှာ သမိုင်းကိုပြောပြနေတဲ့ သက်သေတွေ လူမျိုးများပြောနေတဲ့ စကားက သမိုင်းကိုပြောပြနေတယ်ဆိုတဲ့ သက်သေတွေကိုရော မေ့ထားလိုက်တော့မှာလား။ စာအုပ်ကိုပဲ သမိုင်းလို့ယူဆရမှာလား? သို့မဟုတ် နေရာဒေသမှာ တကယ်ဖြစ်ပျက်ခဲ့တဲ့အရာများ၊ တင်ခဲ့တဲ့မှတ်တမ်း သက်သေများကိုပဲ သမိုင်းလို့ ယူဆရမှာလား? လူမျိုးတစ်မျိုးရဲ့ သမိုင်းကိုလေ့လာမယ်ဆိုရင် တည်ရှိနေတဲ့လူမျိုးတို့ရဲ့နေရာနဲ့ ပြောနေတဲ့ စကားများကိုလေ့လာတာဟာ သမိုင်းကို ပိုမိုတိကျစေမယ်လို့ယုံကြည်ပါတယ်။
လူမျိုးတစ်မျိုးလို့ သတ်မှတ်ခံရဖို့ ဆိုရင်
၁။ ကိုယ်ပိုင်ဘာသာစကား
၂။ ကိုယ်ပိုင်ယဉ်ကျေးမှုနဲ့
၃။ ကိုယ်ပိုင်စာပေရှိရမယ်လို့ မှတ်သားခဲ့ဖူးပါတယ်။
တကယ်ရော ဒီမူတွေဟာ လူမျိုးတစ်မျိုးကို သတ်မှတ်တဲ့နေရာမှာ တိကျတဲ့စံတစ်ခုဖြစ်ရဲ့လား? ဒါပေမယ့် လူမျိုးမရှိပေမယ့် စာပေရှိနေတဲ့အဖြစ်တွေကိုရော စာဖတ်သူများ ဘာမှတ်ချက်တွေပေးချင်ပါသလဲ။ ဆိုပါစို့ ပါဠိ ဆိုတဲ့စာပေနဲ့ လက်တင်စာပေတို့ဟာ လူမျိုးရယ်လို့မရှိပါဘူး။ စာပေကတော့ အခုထိရှင်သန်နေဆဲပါပဲ။

 ပြီးတော့စာပေနဲ့လူမျိုးပါရှိခဲ့တဲ့ပျူများ မြန်မာ့မြေပေါ်က ပျောက်သွားရတဲ့အဖြစ်ကိုရောမှတ်ချက်
မပေး နိုင်တော့ဘူးလား
(မွန်၊ မြန်မာ၊ ပါဠိ၊ ပျူနဲ့ရေးခဲ့တဲ့ မြစေတီကျောက်စာကို ကိုးကား)။
တကယ်တော့ မူဆိုတာ ယူသင့်မှ ယူရတယ်ဆိုတာကို အထက်ကအဖြစ်အပျက်တွေက သက်သေပြနေပါတယ်။

ထားဝယ်စကားကို ပထမဆုံးလေ့လာသုတေသနပြု မှတ်တမ်းတင်ပေးခဲ့တဲ့ ဘာသာဗေဒပညာရှင် ဆရာကြီး ဦးဖေမောင်တင် အဆိုအမိန့်က ထားဝယ်လူမျိုးနဲ့ ထားဝယ်စကားများ ယဉ်ကျေးမှုနဲ့ပြည့်စုံနေတယ်ဆိုတာကို ညွှန်းဆိုနေပြန်ရော။ အဆိုအမိန့်က ဒီလိုပါ။
ရှေးဟောင်း ပုဂံကျောက်စာများနှင့် ပြိုင်သော ထားဝယ်စကားသည် တိုးတက်လျက်ရှိသော ယခု မြန်မာစကားထက် နှစ်ပေါင်း (၈၀၀) ခန့်စော၍ ယဉ်ကျေးမှုသက်သေခံလျက်ရှိသည်။ ထို့ကြောင့် ကျွန်ပ်တို့သည် မြန်မာနိုင်ငံရှိ ဒေသန္တရစကားများကို တတ်အားသမျှလေ့လာကြရာ၏။ ယဉ်ကျေးမှုမဲ့သည်ဟု အထင်ခံရသော ထားဝယ်စကားသည် ယဉ်ကျေးမှုနှင့်ပြည့်ဝလျက်ရှိကြောင်း သိရသကဲ့သို့  ကျန်ဒေသန္တရဘာသာ စကားများ၌လည်း ယဉ်ကျေးမှု အချက်အလက်တွေ့ရလိမ့်မည်  တဲ့။

ရိုးသားတဲ့ ထားဝယ်လူမျိုးများမှာ ကိုယ်ပိုင်စာပေမရှိခဲ့ဘူးလား? မေးဖို့ကောင်းတဲ့ မေးခွန်းတစ်ခုပါပဲ။ တကယ်လို့သာ ကိုယ်ပိုင်စာမရှိခဲ့ဘူးဆိုရင် ထားဝယ်မှာ ရှေးကျတယ်လို့သတ်မှတ်ခံရတဲ့ သာဂရမြို့ဟောင်းတူးဖေါ်တုန်းက ရရှိခဲ့တဲ့မှတ်တမ်းတွေကိုရော ဘာစာများနဲ့ မှတ်တမ်းတင်ခဲ့ပါလိမ့်။ မြန်မာစာ မြန်မာစကားနဲ့ မှတ်တမ်းတင်ခဲ့ တယ်ပြောရင်တော့ စာရေးသူအနေနဲ့ လက်ခံဖို့ငြင်းရပါလိမ့်မယ်။ ဘာဖြစ်လို့ပါလဲ။

သမိုင်းပညာရှင် ဒေါက်တာ သန်းထွးန်ရဲ့မှတ်တမ်းလေးကို ခဏလောက်ဖတ်ကြည့်လိုက်ပါ။ 
 ပျူနဲ့ မွန်တွေက မြန်မာတွေကို ဗုဒ္ဓဘာသာနဲ့ စာရေးနည်းပညာကို သင်ပေးခဲ့လို့ မြန်မာတွေ ခရစ်နှစ် (၁၀)ရာစုလောက်ကပဲ ဗုဒ္ဓဘာသာဝင်တွေဖြစ်လာပြီး ခရစ် (၁၁) ရာစုနှစ်မှာ စာရေးတတ်ပြီလို့ ပြောလို့ပြောနိုင်ပါတယ်။ ဒီမှာ ကျနော်ဆိုလိုတာက ယနေ့မြန်မာနိုင်ငံလို့ခေါ်တဲ့ ဒေသမှာနေကြတဲ့ ပျူတွေဟာ ခရစ်နှစ် တစ်ရာစုကစပြီး စာရေးနည်းတတ်ပြီး မွန်တွေလဲ ပျူတွေနဲ့ တန်းတူ စာရေးနည်းပညာကိုတတ်မယ်။ ဘာဖြစ်လို့လဲဆိုတော့ ပျူရော မွန်ပါ ဗုဒ္ဓသာသနာဝင်မဖြစ်မီက ဗြဟ္မဏ သာသနာဝင်တွေဖြစ်ခဲ့တယ်လို့ ရှေးဟောင်းသုတေသန (Archaelogy) အများကြီးပြနိုင်ပါတယ် လို့ဆိုခဲ့တာ ကြောင့်ပါ။

ရှင်ဇလွန်ကို အေဒီ (၇၈၈)မှာ တည်ခဲ့တယ်ဆိုတဲ့မှတ်တမ်းကို ရေးခဲ့တာဟာ မြန်မာစာနဲ့ မဟုတ်တာတော့ လုံးဝသေချာသွားပါပြီ။ ဒါဆို ထားဝယ်စာ သို့မဟုတ် ပျူစာ သို့မဟုတ် မွန်စာနဲ့များ မှတ်တမ်းတင်ခဲ့လေ မလားပဲ။ မသေချာတဲ့ အတွေးတစ်ခုက စိတ်ကိုေ၀၀ါးစေပါတယ်။ သေချာတာကတော့ မှတ်တမ်းကျန်ခဲ့တယ် ဆိုတာပါပဲ။ ဘာဖြစ်လို့ ထားဝယ်လူမျိုးများမှာ စာပေမရှိတော့တာလဲ။ တကယ်ရော စာပေမရှိခဲ့တာလား။ စာပေမရှိ ပညာမတတ်ပဲနဲ့ ဘယ်လိုများ ကိုယ်ပိုင်စကားနဲ့ ကိုယ်ပိုင်ယဉ်ကျေးမှုကို ထိန်းခဲ့ပါသလဲ။ ဒါဆို ကိုယ်ပိုင်စာပေက ဖျက်ဆီးခံလိုက်ရတာလား သို့မဟုတ် ကွယ်ပျောက်သွားတာလား။ ဒီမေးခွန်းများကတော့ စာရေးသူရဲ့ စိတ်ထဲနဲ့ နှလုံးသားထဲမှာ ထာဝရရှင်သန်နေမဲ့ အရာတွေပါပဲ။

       လက်လှမ်းမီသလောက် အတွေးကိုဆွဲဆန့်ကြည့် မိတော့ စာပေမရှိပဲနဲ့ လူမျိုးလို့ သတ်မှတ်ခံရသူများ။ လူမျိုးသတ်မှတ်ပြီးမှ စာပေပေါ်ခဲ့သူများ ကမ္ဘာမှာ ရှင်သန်နေတာကိုတွေ့ရပြန်ပါတယ်။ အရှေ့တောင်အာရှမှာ စီးပွားရေး အင်အားကြီး နိုင်ငံဖြစ်တဲ့ စင်္ကာပူဟာ မလေးရှားက ခွဲထွက်ထားတဲ့နိုင်ငံဆိုတာ သမိုင်းသိသူများလက်ခံမယ်ထင်ပါတယ်။ စင်္ကာပူနိုင်ငံဆိုတာ မလေးနဲ့ တရုတ်တို့ အုပ်စိုးတဲ့နိုင်ငံဆိုရင်လဲ မှားမယ်မထင်ပါဘူး။
၁၉၅၀ ထိ စင်္ကာပူနိုင်ငံနဲ့ စင်္ကာပူလူမျိုးဆိုတာ ကမ္ဘာမှာမရှိသေးပါဘူး။ ဒါပေမယ့် ပြောင်းလဲချင်တဲ့စိတ်နဲ့တည်ဆောက်ထားတဲ့ လူသားများဖြစ်လို့ ပြောင်းလဲရင်းနဲ့ အခုဆိုရင် ကမ္ဘာမှာ စင်္ကာပူလူမျိုးရယ် ပြီးတော့ စင်္ကာပူစာရယ်လို့ ပေါ်ပေါက်နေပြီလေ။
မလေးရှားလူမျိုးလဲ ထိုနည်းလည်း ကောင်းပါပဲ။ စာပေမရှိတဲ့လူမျိုးပါ။
  စာပေမရှိလို့ အင်္ဂလိပ်စာကို အသံထွက်နဲ့ ရေးနည်းကိုထွင်ခဲ့တာမို့ အခုဆိုရင် မလေးစာဆိုတာကိုပါ ကမ္ဘာကလက်ခံနေပြီလေ။ စာပေမရှိလို့ လူမျိုးဆိုတာ လက်ခံစရာမလိုဘူးလို့ စာဖတ်သူ တွေးနေတုန်းပဲ့လား။ စာပေဆိုတာ လူမျိုးရှိမှ ပေါ်တဲ့အရာ လူတွေက အသံထွက်သင်္ကေတနဲ့ သတ်မှတ်ထားတဲ့ အရာဆိုတာကို စာဖတ်သူလက်ခံမယ်ထင်ပါတယ်။ စာပေမရှိပေမယ့် မလေးရှားလူမျိုး စင်္ကာပူလူမျိုးလို့ လက်ခံ သတ်မှတ်ထားတဲ့ စာဖတ်သူဟာ စာပေမရှိသေးပေမယ့် လူမျိုးနဲ့ စကားဆိုတာ အခုထိပြောဆိုရှင်သန်နေတဲ့ ထားဝယ်လူမျိုးများကို လူမျိုးမရှိဘူး ယဉ်ကျေးမှုမရှိဘူးလို့ ဘာလို့များ စွေစောင်းတဲ့ အသိနဲ့ကြည့်နေရတာလဲ။ ကမ္ဘာကြီးဟာ နေ့စဉ်နဲ့အမျှ ပြောင်းလဲနေပါတယ်။ ပြောင်းလဲမှုနဲ့အတူ ပြောင်းလဲဖို့ကြိုးစားနေတဲ့ သူတွေထဲမှာ လူတွေပါနေတယ်ဆိုတာကို စာဖတ်သူများငြင်းနိုင်မယ်မထင်ပါဘူး။

 ခေတ်နဲ့အညီ ပြေးလွှားနေတဲ့ စာဖတ်သူလူ သားများဟာ သမိုင်းတိကျတဲ့ အဖြစ်တစ်ခုကို လက်ခံဖို့ငြင်းဆန်နေဦးမယ်ဆိုရင်တော့ စာဖတ်သူဟာ ခေတ်နဲ့ အညီနေပြီး ခေတ်ကိုလက်ခံသူတစ်ယောက်မဟုတ်ဘူးလို့ပဲ ယူဆရလိမ့်မယ်ထင်ပါရဲ့။ အသိတွေနဲ့ ပြည့်စုံရုံမက ခေတ်နဲ့ပါ အညီနေနိုင်တဲ့ စာဖတ်သူများဟာ သမိုင်းနဲ့ ပြည့်စုံခြင်းမက ပြည့်စုံလွန်းလှတဲ့ ကိုယ်ပိုင်စကား ကိုယ်ပိုင်ယဉ်ကျေးမှု ကိုယ့်လူမျိုးများကို ဘာလို့တန်ဖိုးမထားနိုင်ရမှာလဲ။

 ခေတ်တွေ ဒီရေလို စီးဆင်းပြီး အမြဲပြောင်းလဲသွားပေမယ့် ဘော၊ ဘောင် ၊ဘင်၊ ဘီ၊ ဘေး ၊ဘိုး၊ ဘ ကတည်းက စောင့်ထိန်းခဲ့တဲ့ အမျိုးသားယဉ်ကျေးမှုနဲ့ ကိုယ်ပိုင် ဘာသာစကားများကို စာဖတ်သူများရဲ့ သား၊ မြေး၊ မြစ် ၊တီ ၊တွတ်၊ ကျွတ်၊ ကျွတ်ဆက်၊ ဆိုတဲ့ ဆွေခုနစ် ဆက် မျိုးခုနစ်ဆက်ထိ မပြောင်းမလဲ ဆက်လက်စီးဆင်းသွားအောင်လုပ်ဖို့က စာဖတ်သူရဲ့လက်ထဲမှာရှိနေ တယ်ဆိုတာကို မမေ့ပါနဲ့။ စာဖတ်သူဟာ သမိုင်းတစ်ခေတ်ထူထောာင်သူဆိုတာကို သို့မဟုတ် ဆွေခုနစ်ဆက် မျိုးခုနစ်ဆက်ရဲ့ သမိုင်းပေးတာဝန်ကို ဆက်လက်သယ်ဆောင်သူဆိုတာကို မမေ့ဘူးဆိုရင် တာဝန်သိစိတ်နဲ့ ဆက်လက်တာဝန်ယူသွားဖို့ပါပဲ။
သမိုင်းပေးတာဝန်ကျေသူများဖြစ်ပါစေ။ ။
 စာရေးသူ – ဦးဉာဏ၀ရ  (၂၅၊ ၉၊ ၂၀၁၂)
http://www.tavoyanvoice.com/?p=951 မှတိုက်ရိုက်ကူးယူဖော်ပြသည်။
ဆရာတော်အား ကျေးဇူးတင်စွာ အကြိမ်ကြိမ်ဦးခိုက်ပါသည်ဘုရား...
                                      ပြန်လည်ဝေမျှသူ...လွင့်မောင်မောင် (ထားဝယ်)

မြွေဆိုး

မြွေဆိုး    “ခင်နိုင်ဦး”ရေးသည်

ည ၁၂း ၀၀ နာရီ
ဆေးရုံကြီး၊ အထူးကြပ်မတ်ကုသဆောင်၊ မော်လမြိုင်မြို့ ။
“ပိုးထိတယ်”  “ပိုးထိတယ်”  ဟု အော်ဟစ်ကာ
လူတစ်မလောက် ဆေးရုံထဲ သုတ်သီးသုတ်ပြာဖြင့် ၀ုန်းဆန်ပြီးဝင်ချလာသည်။
သည်အချိန် သူတို့ကို တားမိလျှင် တားသောသူကား အစိတ်စိတ်အမွှာမွှာ ကြွေမွသွားနိုင်လောက်သည်။
ခေါင်းဆောင်ဟု ထင်ရသူက ထိပ်ဆုံးမှ သုတ်ချလာပြီး လက်တွင်ကိုင်လာသော အထုပ်တစ်ထုပ်ကို အထူးကြပ်မတ်ကုသဆောင်ထဲ အလုပ်များနေသော ကျနော်တို့ ရှေ့ တွင် ပစ်ချ လိုက် သည်။
“ဘုမ်း”!!
“အမလေး ....လေးးး” “(အား ဘားဘား)”
ဆေးရုံအရေးကြီးလာနာခန်းထဲရှိ လူနာများလူနာစောင့်များ ထ အော် ကြသည်

''မြွေထုပ်ကြီး''

''ဆရာဝန်  သည်မှာ မြွေ ၊  ... သည်မှာ လူနာ
 မြွေဆိပ်ဖြေဆေး ထိုးတော့  အခုထိုး...
ကြာနေမှာစိုးလို့ပြောတာ  အခု တစ်ခါတည်း ထိုးတော့
ဟုတ်တယ်မှတ်လား 
မြွေပါတစ်ခါတည်း ရအောင်ကို ရိုက်သတ်လာတာ  စကားအများကြီးပြောနေရမှာစိုးလို့
အဲ့မှာ မြွေပွေး  ထိုးတော့  '' 
သူ့ အသံကအတော်ပြင်းထန် ပြီး အမိန့် ပေးသံ


''နေပါဦး  နေပါဦး  
ဘယ်အချိန်က ကိုက်တာလဲ  ဘယ်နေရာကို ကိုက်တာလဲ'''

ကျနော် ခပ်ဆတ်ဆတ် ပြန်မေးဖြစ်သည်..
ဗိုလ်ချုပ်တို့လုပ်ကြံခံရတဲ့နေ့က အတွင်းဝန်ရုံးခန်းထဲက သေနတ်သမားတွေကို ဗိုလ်ချုပ်လက်ကာပြပြီး စကားထပြောသည့်အခန်းကို
ဘာမဆိုင်ညာမဆိုင် သွားပြေးမြင်မိလိုက်သေးသည်

''ဆေးထိုးဖို့က အဓိက မဟုတ်လား ဆရာ
ထိုးတော့လေ  ဘာလဲ ဆေးမရှိ ဘူးလားး''
လူအများကြီးထဲမှာ သည်ခေါင်းဆောင်ကြီးက ဘဲ ပြောနေသည်


'' ရှိပါတယ် ဆေးက အပြည့်အစုံရှိပါတယ်
ဘယ်အချိန်က ကိုက်ခံရသလဲ  ဘယ်နေရာကို ကိုက်သလဲ  ပြောပါဦး''

''မြွေတောင် ပါနေပြီလေ ဆရာ မြွေကိုက်ပါတယ် လို့ပြောနေတာ''

''ခြေထောက်ကို ဆရာ  ခြေထာက်ကို  နာရီဝက်လောက်ဘဲ ရှိဦးမယ်''
 ဟု ဘေးက လူလတ်ပိုင်းအမျိုးသမီးက ပြန်ဖြေသည်

'' အင်း ကြည့်စမ်းပါဦးမယ် '' 

မြွေကိုက်ဒဏ်ရာကို စစ်ကြည့်သည်  ဘယ်ဘက်ခြေကျင်းဝတ်မှာ အစွယ်ရာ တွေ့ရသည်
ဒဏ်ရာက အနည်းငယ်ရောင်နေသည်  လူနာက ခပ်အေးအေးပင် ဖြစ်သည်
လိုက်ပို့ သော လူအုပ်ကြီး ကြောင့် အနည်းငယ် စိတ်လှုပ်ရှားဟန်ရှိသည်

ဆေးရုံပေါ်သို့ အရေးပေါ်လူနာရောက်ပြီဆိုလျှင် ကျွမ်းကျင်နေပြီးသော ဆရာမများက အခြေအနေကိုလိုက်၍ မိမိတို့ ဘာသာ
လုပ်ဆောင် အလိုလျောက်လုပ်ဆောင်တတ်ကြသည်။

ယခုလည်း လူနာအားနေရာချခြင်း၊ အပ်ထိုးခြင်း ၊ အဖျားတိုင်းခြင်း ၊ သွေးဖောက်ခြင်း ၊ လိုအပ်ပါက အောက်ဆီဂျင်ပေးခြင်း တို့ကို
စက္ကန့်ပိုင်းအတွင်း အသင့် လုပ်ဆောင်နေကြပြီ ဖြစ်သည်။ ထို့ အတူ အလုပ်သင်ဆရာဝန်များ၊ လက်ထောက်ဆရာဝန်များကလည်း
သွေးဖိအားတိုင်းခြင်း၊ ရောဂါစစ်တမ်း အမြန်ယူခြင်း၊ နှင့် လူနာ၏ အခြေအနေအားသုံးသပ်ပြီး ကုသချက်ကို ညွှန်ကြားပေးနေပြီ ဖြစ်သည်။

လူနာ၏ Vital Sign အားလုံး ကောင်းမွန်ခြင်း နှင့် လူနာ၏ ယျေဘုယျအခြေအနေကို ကောင်းမွန်ခြင်းကြောင့်
လတ်တလော အခြေအနေအရ လူနာမှ မိမိတို့ ရှေ့တွင် ဖြုတ်ကနဲ သေမည့် အခြေအနေမဟုတ် ဟု သိနေသည်။   မြွေကတော့ မြွေပွေးသေချာနေသည်။
တစ်ချိန်ထဲမှာ ဘဲ CT ဖောက်ခြင်း ၊ ECG ဆွဲခြင်း ပုံမှန်ဆေးးစစ်မှုများကို
လုပ်နေကြသည်။လူနာရှင်နှင့် လူနာအား အခြေအနေကို ရှင်းပြသည်။

''ဆေးမထိုးသေးဘူးလား  မြွေဆိပ်ဖြေဆေးမထိုးကြသေးဘူးလား
ဘာလုပ်နေကြတာလဲ    ''
စောစောက ခေါင်းဆောင်ကြီး က ထပ်အော်ပြောပြန်သည်

''သည်မှာ  ကျနော်ပြောပြမယ်
စိတ်ကို အေးအေးထား  လိုအပ်တာတွေကို ချက်ခြင်းလုပ်ပေးနေတယ်
ဒါပေမဲ့ မြွေကိုက်လို့တက်လာတဲ့ လူနာတိုင်းကို မြွေဆိပ်ဖြေဆေးမထိုးဘူးးးး''

''ဗျာ........မထိုးဘူးလား ? ''

''ဟုတ်တယ် လူနာရဲ့ အခြေအနေကို ကျနော်တို့ စစ်နေတယ်
မြွေဆိပ်ဖြေဆေးက သူ့ကို ထိုးရမယ်ဆိုတဲ့ သတ်မှတ်ချက်တွေ ရှိမှ ထိုးတယ်
ခင်ဗျားပြောသလို ရောက်တာနဲ့ တန်းထိုးတာမျိုး မဟုတ်ဘူး''

''သည်မြွေကိုက်တာ ဘယ်လောက်ကြာပြီလဲ တိတိကျကျပြောကြည့်ပါ''

''နာရီဝက်ဘဲ''

''မဟုတ်သေးဘူး စရောက်တုန်းက လဲ နာရီဝက် ခင်ဗျားပြောတာ အခုလဲ နာရီဝက်ဘဲ လား
တစ်နာရီတော့ ထားလိုက်ပါ''

''ဒီလိုဆရာ  လယ်ဝန်းထဲမှာ ဖားသွားရိုက်တာ အိမ်ကို ပြန်လာတာဆို နာရီဝက်
ကားငှားတာနဲ့ ဆို နာရီဝက် သည်ကို လာတာ လမ်းမှာ နာရီဝက်လောက်ဆိုတော့ တစ်နာရီ ခွဲ သာသာ တစ်နာရီမတ်တင်းလောက်ရှိပြီ'' ဟု
ဘေးက အမျိုးသမီးက ၀င်ပြောပေးရှာသည်

''အဲ့ဒါပြောတာပေ့ါ
အစ်မက သူနဲ့ ဘာတော် သလဲ''

'' ကျမ အမျိုးသားပါ ဆရာ''

''ကိုက်တာက သည်မြွေဆိုတာရော သေချာလား''

''ဟား  ဟုတ်တယ် ဆရာ ဟုတ်တယ်  ''
စောစောက ဆရာကြီးက ၀င်ဖြေသည်

''မှောင်နေတယ်လေ မြင်လိုက်လို့လား လူနာက''
ကျနော် လူနာကိုလှည့် မေးလိုက်သည်

''ဆစ်ကနဲ ဆိုဖြစ်သွားတော့ ဘေးနားကမြတ်ဖုတ်တွေ လှုတ်သွားတယ်
အဲ့ဒါနဲ့ အဲ့သည်နေရာကို ကျနော် မိးထိုးပြီး ရှာတော့ သည်ကောင်ကို
တွေ့တာဘဲ အဲ့ဒါနဲ့ ရိုက်သတ်လာတာ''

'' ဟုတ်ပါပြီ
 အော်  . . . . ခင်ဗျာကရော   ဘာတော်လဲ ...''
စောစောက ဆရာကြီးကို ကျနော် မေးလိုက်သည်...

''ကျုပ်က သုံးဘီးမောင်းတာ လိုက်ပို့တာ ဘာမှ မတော်ဘူး ကျုပ်တို့ ရွာသားဘဲ
အသိစိတ်ဓါတ်နဲ့ ကူညီတာ''

''ဟုတ်ပါပြီ
တခါခါကျတော့လဲ ကိုက်တဲ့ အကောင်က တခြား ရိုက်သတ်လာတာ တခြား ဖြစ်တတ်တယ်
သည်တော့ ကျနော်တို့က လူနာကို မြွေဆိပ်သင့်တဲ့ လက္ခဏာ ရှိမရှိ ကြည့်ရတယ်
ပြီးတော့ ကိုက်တဲ့မြွေအမျိုးအစားကို သုံးသပ်ကြည့်ရတယ် ''

''ဒါဆို ဒီမြွေက ရိုက်လာလဲ အပိုဘဲ လား''

''အပိုဘယ်ဖြစ်မလဲ မြွေပါတော့ သူ့ကို ထည့်စဉ်းစားရတာပေ့ါ
သည်မြွေကိုက်တာ သေချာတယ်ဆိုရင်
အဆိပ်ရှိတဲ့မြွေလား  ရိုးရိုးလား  ဘာမြွေလဲ သိရတာပေ့ါ
ဆေးကုတဲ့နေရာမှာ အများကြီး ကူညီတယ် တချို့ကျတော့လဲ မြွေပါလာမှ ရမယ်ဆိုပြီး
မြွေမမိသေးလို့ အချိန်အတော်ကြာမှ ရောက်လာတာလဲ ရှိတယ်  အဆင်မပြေဘူး
တချို့ကျတော့လဲ တွေ့တဲ့မြွေ ဆွဲရိုက်လာတယ်  .... ..
ခင်ဗျားသိတာဘဲ  သည်လည်ကွင်းထဲမှာ မြွေလိုက်ရှာရင် မတွေ့ဘဲ နေမလား
ဆေးရုံကို လာတတ်တာ ကျေးဇူးတင်ပါတယ်''

''အားကိုးပါတယ် ဆရာ ကျမတို့လဲ ဘာမှ မသိဘူး ကောင်းသလို ကြည့်လုပ်ပေးပါ''
လူနာ၏ ဆွေမျိုးများက ၀ိုင်းပြောကြသည်

''မြွေကိုက်တယ်ဆိုတော့ သည်ကိုရောက်လာတဲ့ လူနာတိုင်းက အခုလို ဘဲ စိုးရိမ်တတ်ကြပါတယ်
အခု လုပ်ရမယ့် ဟာအားလုံးကို ကျနော်တို့ လုပ်ပေးနေတယ်
စိတ်အေးအေးထားပါ  ခင်ဗျားတို့ အဲ့လောက်ကြီး မစိုးရိမ်ပါနဲ့  လူနာကို အားပေးပါ
ဆေးရုံက ဆရာဝန်၊ ဆရာမတွေ ညွှန်ကြားထားတဲ့အတိုင်း လုပ်သွားပါ ''  

လူနာခင်မြာ အတော်လေး တည်ငြိမ်သွားသည် 
အခြေအနေအရ လူနာကို မြွေဆိပ်ဖြေဆေးထိုး ပေးသည်။ ဆေးထိုးနေပြီ ဖြစ်ကြောင်း လဲ အသိပေးထားသည်။
အေးအေးဆေးဖြစ်မှ  စောစောက လူအများနဲ့ စကားပြောဖြစ်သည်။

''ညအချိန်ကြီး ဖားသွားရိုက်တာ မီးယူသွားမှာပေ့ါ  ဘယ်လို ဖြစ်သွားတာလဲ''

''မီးက အဲ့သည်ည က သိပ်မလင်းဘူး  ဘထ္ထရီအားနည်းနေတယ် ထင်တယ်''

''အင်း လယ်လုပ်တယ်မဟုတ်လား
ကိုယ်ပိုင်လား  အငှားလား''

''လယ်ပိုင်ပါ  ဖားလေးငါးလေး စားရအောင်လို့ပါ
သိတယ်မို့လားဆရာ  နှစ်ပေါက်မှ စပါးပေါ်မှ ပိုက်ဆံရတာကိုး 
ကလေးတွေ ကျောင်းဖွင့်တော့ မယ်
ကျောင်းအပ်စားရိတ်လဲ ရ  အိမ်လဲ ဈေးဖိုးဝင်ခုအောင်လို့
မနှစ်က စုထားတာက မျိုးချရင် သုံးရတော့မယ်လေ
လောက်မယ်လားတော့ မသိဘူး''

''အင်းပေ့ါ  ကျနော့် မိဘတွေကလည်း လယ် သမာ မျိုးရိုးပါဘဲ နားလည်ပါတယ် ခင်ဗျား
ကျနော် ကိုယ်တိုင်လဲ တောရွာပါဘဲ''

''ဟုတ်ပါတယ် ဆရာရယ် ဖြစ်မှတော့ ဆေးရုံဆေးခန်းလာရပြီပေ့ါ
တယ်ကိုမလာချင်ဘူးးးး ရှိတာကုန်တော့မယ်''

''လာရမှာပေ့ါ  အထူးသဖြင့် မြွေကိုက်ခံရရင်တော့ ဆေးရုံကို အချိန်မှီလာစေချင်တယ်
အပြင်က နဲ့ မကုစေချင်ဘူး
ဖြစ်လို့မှ ဖြစ်ရင်တော့ သေမှာ ... ဆေးရုံလာတတ်တာကို ကျေးဇူးတင်တယ်
အရင်ခေတ်နဲ့ မတူတော့ဘူး
ဆေးရုံတွေမှာ တချို့  အတိုင်းအတာ အထိ အခမဲ့ ကုပေးနေပြီ

ဆရာဝန် ၊ဆရာမတွေအတွက် ကုသခလုံးဝပေးစရာ မလိုဘူး

လုံးလုံးကြီး အခမဲ့ တော့ လူတိုင်းအတွက် မလွယ်သေးဘူးပေါ့ဗျာ

ဒါတောင် တချို့  လူနာတွေဆိုရင် လုံးဝမတက်နိုင်ရင် လုံးဝကို အခမဲ့ အစအဆုံးကုပေးတာမျိုးရှိတယ်

ကျနော်ကြုံဖူးတဲ့ မော်လမြိုင် သားဖွားမီးယပ်ဆောင်မှာ ဆိုရင် တချို့   ခွဲရမယ့် ကိုယ်ဝန်သည်တွေ ၊ အရေးပေါ်လူနာတွေဆိုရင်
အစအဆုံးခွဲပြီး တဲ့အထိ၊ ဆေးရုံက ဆင်းတဲ့အထိကို တစ်ကျပ်မှ မယူဘဲ ကုပေးခဲ့တာ ကျနော် ကိုယ်တွေ့ဘဲ
ဒါ အရင် နိုင်ငံတော်က ဆေးကုသမှုကို တစ်ပြားတစ်ချပ်မှု မပေးခင်ကတည်းက သည်လို လုပ်ပေးခဲ့တာ
သည်အတွက်ကုန်ကျစားရိတ်တွေကို ဆေးရုံတက်ခဲ့တဲ့ အလှူရှင်တွေရဲ့ အလှူငွေတွေထဲကနေပေးတယ်
အဆင်မပြေရင် အိုဂျီဆရာဝန်မကြီးက ပေးတာမျိုး၊ ဆရာဝန်တွေက စိုက်ပေးတာမျိုးလဲ ရှိဖူးတယ်

ကျနော်တို့ လူမျိုးတွေကလဲ သိတယ် မဟုတ်လား
အလကာပေးတယ်ဆို  အကုန်ယူတာ တချို့  တွေဆို အိုဂျီဆောင်ကို စရောက်တည်းက အရပ်ထဲကဆရာမကြီးက ဒိုင်ခံ သူ့အမျိုးတွေကို ခေါ်ခေါ်လာပြီး ပိုက်ဆံတပြားမှ မရှိပါဘူးဆိုပြီး စ လာ တာမျိုး
အများကြီး ကြုံရတယ်
ထားပါတော့ ဒါက ပြောပြတာ ''

''ဟုတ်တယ် ဆရာ ကျမတို့ ကတော့ လူနာအသက်ရှင်ဖို့ ပါဘဲ''

''ဟုတ်ပါပြီ အတက်နိုင်ဆုံးကြိုးစားကြပါမယ်  ''

ဤတွင်

''ဟုတ်တယ် ဆရာ ဆေးရုံမှာ အခမဲ့ ကုပေးတယ်ဆိုပြီးတော့ ပိုက်ဆံတောင်းတယ်''
တက္ကဆီ ဆရာကြီးက ၀င်ထောက်သည်

''သည်လိုမျိုးပေ့ါ အရင်စနစ်က အခုမဲ့ကုသမှုပေးတဲ့စနစ်
ဆေးကုသဖို့အတွက် ဆရာဝန်ကို ဆေးကုသခ ( ၀ါးခ) ပေးစရာမလိုဘူး ဒါပေမဲ့ ဆေးဖိုးကတော့ ပေးရတယ်

အခုကတော့ ဆေးဖိုးကိုပါ နိုင်ငံတော်က တစ်စိတ်တစ်ပိုင်း ကူညီပေးလာပြီ
သည်တော့ အခုဆိုရင် လူနာက ရှင်က ဆရာဝန်၊ ဆရာမကို ပေးစရာလဲ မလိုတဲ့ အပြင်ကို
 ဆေးတစ်ချို့ ကိုပါ  အခမဲ့ရလာပြီ ။   လိုအပ်တဲ့ ဆေးဖိုးအချို့  ကိုတော့ ပေးရနိုင်တယ်။''

''  မြန်မြန်ကျန်းမာပါစေလို့ ကျနော်ဆုတောင်းပေးပါတယ်။
စိုက်ပျိုးတဲ့ စပါးဆန်ရေသည်လည်း ရန်သူမျိုးငါးပါး၏ နှောက်ယှက်ဖျက်ဆီးခြင်းမှ ကင်းဝေးပါစေ။
ခင်ဗျားတို့ လယ်သမားတွေအပေါ်မှာလည်း နိုင်ငံတော်က သနားပြီးတော့ သည်ထက်ကို ဆယ်ဆ ကူညီပါစေ  ဆိုပြီး
ဘုန်းကြီး အသံနဲ့ ဆန္ဒပြုပေးခဲ့တယ်။

ဖား တော့ ဆက်မရိုက် ကြပါနဲ့ပေ့ါဗျာ  လို့ ။

''ကျေးဇူးတင်လိုက်တာ ဆရာရယ် '' တဲ့ 

အဲ့သည်ညက ကျနော် တစ်မိနစ်မျှ မအိပ်ခဲ့ရပါ။ အခြားလူနာများ ဆက်ရောက်လာ သည်။
ဒါပေမဲ့ စိတ်ကတော့ ကြည်လင်နေခဲ့သည်။
ယခု သည်လူနာလည်း ကောင်းလို့ ဆေးရုံက ဆင်းသွားပြီ။
မော်လမြိုင်ဆေးရုံကြီးတွင်  မြွေထိသည့်  လူနာများလည်း နေ့ည မပျက် စည်ကား လျက် ပင် ရှိနေသေးသည်။

                                                                        သဗ္ဗေသတ္တာ ကမ္မသကာ
                                                                                       ခင်နိုင်ဦး
                                                                                       (၂၇၊ ၅၊ ၁၃)

ထားဝယ်မြို့၊ဆန်းချီ အ-မ-က ရပ်ကွက်လုံးကျွတ် မြတ်ဆရာ ပူဇော်ပွဲ(၁၉၆၃ မှ ယနေ့ ထိ) ရုပ်-သံ

ထားဝယ်မြို့၊ဆန်းချီ အ-မ-က 

ရပ်ကွက်လုံးကျွတ် မြတ်ဆရာ ပူဇော်ပွဲ

အခမ်းအနားအစီအစဉ်( ၁ ) ကာလများစွာကင်းကွာခဲ့သောကျောင်းကလေး၏ခေါင်းလောင်းသံအားပြန်လည်ခံစားခြင်း

အခမ်းအနားအစီအစဉ်( ၂ )ကန်တော့ကြမည့်ကျောင်းသား/သူများနေရာယူခြင်း။

အခမ်းအနားအစီအစဉ်( ၃ )အသက်၇၀နှစ် နှင့်အထက်ဆရာ ၊ဆရာမကြီးများနေရာယူခြင်း

အခမ်းအနားအစီအစဉ်( ၄ )မြတ်ဆရာဂုဏ်ပြုတေးဖြင့် အခမ်းအနားကိုဖွင့်လှစ်

ဆန်းချီရပ်ကွက်သူ ဒေါ်သန်းညွန့် ဂုဏ်ပြုတေးဖြင့် ဂါရ၀ပြုပါသည်။

အခမ်းအနားအစီအစဉ်( ၅ ) မြတ်ဆရာပူဇော်ပွဲကျင်းပရေးကော်မတီအဖွဲ့ဝင် “မောင်အေးမင်း” မှ နှုတ်ခွန်းဆက်ဂါရ၀ စကားပြောကြားခြင်း။

ဤသို့ပြောကြားရာတွင် ဆရာတစ်ယောက်၏အရည်အချင်းများဖြစ်သော ၀ါသနာ၊စေတနာ၊အနစ်နာ ဆိုသော “နာသုံးနာ” မှ အနစ်နာခံခြင်းကို အဓိကထား၍ပြောကြားသွားပါသည်။ ဆရာတို့သည် မိမိတပည့်များအပေါ်တတ်စေချင်သောဆန္ဒလောဘ၊တော်စေချင်လွန်းသောဆန္ဒလောဘ၊
လိမ်မာစေချင်လွန်းသောဆန္ဒလောဘ၊နှင့် သွန်သင်ဆုံးမသည်ကိုမလိုက်နာလျှင်ဖြစ်ပေါ်လာသောဒေါသ တို့ကြောင့် ရုတ်တရက်သေဆုံးမည်ဆိုလျှင် ....ဒေါသနှင့်သေလျှင်“ငရဲ” ၊ လောဘနှင့်သေလျှင်“ပြိတ္တာ” ကလွဲ၍ တခြားလားရာသည်မရှိ။ထို့ ကြောင့်ဆရာဆိုသည်မှာ သံသရာတစ်ခုလုံး“နစ်” သည်အထိ “အနာခံ” တတ်သောပုဂ္ဂိုလ်များ” ဟု မှတ်ယူရမှာဖြစ်ကြောင်းပြောကြားသွားသည်။

ဆရာမကြီးဒေါ်လှရွှေမှ ရင်ထဲပီတိစကားနှင့် ဆုံးမသြ၀ါဒပေးခြင်း

 
ဆရာမကြီးဒေါ်ခင်ကြူ မှ ရင်ထဲပီတိစကားနှင့် ဆုံးမသြ၀ါဒပေးခြင်း
ကျောင်းသား ဟောင်း ဦးတင့်ဆွေ မှ ရင်ထဲပီတိစကားနှင့်ကျေးဇူးတင်စကားပြောကြားခြင်း ကျောင်းသူ ဟောင်း ဒေါက်တာခင်မျိုးဆင့် မှ ရင်ထဲပီတိစကားနှင့်ကျေးဇူးတင်စကားပြောကြားခြင်း

မြတ်ဆရာပူဇော်ပွဲ အောင်မြင်ခြင်းအထိမ်းမှတ် အောင်ခရေပင်စိုက်ပျိုးခြင်း

အောင်ခရေပင်ကို မြတ်ဆရာပူဇော်ပွဲကော်မတီအဖွဲ့ဝင် ဦးဇော်မောင်မှ စိုက်ပျိုးပေး၍
ဆန်းချီ အ-မ-က ပထမဆုံး ကျောင်းအုပ်ကြီးဦးအုန်းလွင်မှ ရွှေရည် ကိုလည်းကောင်း၊
ယခုကျောင်းအုပ်ဆရာမကြီးဒေါ်တင်တင်ယု နှင့် မြတ်ဆရာပူဇော်ပွဲကော်မတီအဖွဲ့ဝင် ဦးဖေခင် တို့မှ ငွေရည် များသွန်းလောင်းကြပါသည်။


ကျောင်းသားဟောင်းများမှ မိမိတို့ချစ်ခင်လေးမြတ်ပြုရသော မိမိဆရာများအားသီးသန့်ကန်တော့ကြ၍ အခမ်းအနားကိုရုတ်သိမ်းသည်။

ဆန်းချီအ-မ-က အငြိမ်းစားဆရာမကြီးများနှင့် တာဝန်ထမ်းဆောင်ဆဲဆရာမများ

ဆန်းချီ အ-မ-က တွင်တာဝန်ထမ်းဆောင်ဆဲ ဆရာမများ

---

နှစ်ပေါင်း ၁၀၀ ကျော်ကာလအတွင်းပထမဆုံး ရွှေတောင်စားစေတီ ထီးတော်တင်လှူမည်

ရွှေတောင်စားစေတီ ထီးတော်တင်လှူခြင်းသည် နှစ်ပေါင်း၁၀၀ ကျော်ကာလအတွင်း
 မြန်မာအစိုးရလက်ထက်အဆက်ဆက်ပထမဆုံး တင်လှူခြင်းဖြစ်သည်။

ရွှေတောင်စားစေတီတော်၊ထားဝယ်မြို့

ဖိုးဇော်(ထားဝယ်)   ၁၁ မတ် ၂၀၁၃
       တနင်္သာရီတိုင်းဒေသကြီး၊ထားဝယ်မြို့၏ကျက်သရေဆောင်“ရွှေတောင်စားစေတီတော်”၏
 ရွှေထီးတော်တင်မဟာမင်္ဂလာ အခမ်းအနားကိုလာမည့် မတ်လ(၁၃)ရက်နေ့ နံနက်တွင် ခမ်းနားသိုက်မြိုက်စွာဆင်ယင်ကျင်းပတော့မည်ဖြစ်သည်။

သမိုင်းမှတ်တမ်းများအရ ရွှေတောင်စားစေတီတော်ကို သက္ကရာဇ် ၁၁၂၄ ခုနှစ်တွင် မင်းရှင်ဇော် ကတည်ထားခဲ့ခြင်းဖြစ်သည်။မင်းရှင် ဇော်၏ ဖခင်ဖြစ်သူ ပန်းပဲဆရာကြီးဦးရွှေခေါင်သည် မြို့စားဦးနဲလှ လက်ထက်က ရွှေတောင်အရပ်မှရွှေတောင်ကိုစားရသူဖြစ်သ ဖြင့် မင်းရှင်ဇော် မင်းပြုသောအခါ ရွှေတောင်စား အဆက်ဖြစ်သည်ကိုအစွဲပြု၍ ရွှေတောင်စားမင်းဟု ခေါ်တွင်ခဲ့သည်။

ထိုကြောင့် မင်းရှင်ဇော်၏ ကောင်းမှုဖြစ်သောစေတီတော်ကို ရွှေတောင်စားစေတီ ဟု ခေါ်ဝေါ်ခဲ့ကြောင်းသိရသည်။

ထိုကာလတွင်ပထမဆုံးအကြိမ် ထီးတော်တင်လှူခြင်းဖြစ်ပြီး၊ဒုတိယအကြိမ်ထီးတော်ကို (၁၃၆)နှစ်အကြာ တွင် ဗြိတိသျှအစိုးရလက်ထက် သက္ကရာဇ် ၁၂၆၂ ခုနှစ်၊ကဆုန်လပြည့်နေ့တွင် တင်လှူပူဇော်ခဲ့သည်။

ဒုတိယအကြိမ် ထီတော်တင်ပြီး (၁၁)နှစ်အကြာသက္ကရာဇ် ၁၂၇၃ ခုနှစ်တွင်လေပြင်းဒဏ်ကြောင့် ထီးတော်ပျက်စီးခဲ့ရာ ဗြိတိသျှအစိုးရလက်ထက် သက္ကရာဇ် ၁၂၇၃ ခုနှစ်၊ တန်ခူးလပြည့်ကျော်(၄)ရက်နေ့တွင် တတိယအကြိမ် ထီးတော်ကို တင်လှူခဲ့ကြောင်းသိရသည်။

ယခု သက္ကရာဇ် ၁၃၇၄ ခုနှစ်၊ တပေါင်းလဆန်း(၂)ရက်နေ့တွင် တင်လှူမည့်ထီးတော်သည် ရွှေတောင်စားစေတီတော်၏ စတုတ္ထမြောက် ထီးတော်ဖြစ်သည်။
ထို့ကြောင့် သမိုင်းမှတ်တမ်းများကိုလေ့လာလျှင် ရွှေတောင်စားစေတီ ၏နှစ်ပေါင်း (၂၅၀) ကာလအတွင်း စတင်တည်သည့်အချိန်ကလွဲ၍မြန်မာအစိုးရလက်ထက်အဆက်ဆက်တွင်ပထမဆုံး
အကြိမ်တင်လှူပူဇော်နိုင်သည့်ရွှေထီးတော်ဖြစ်ကြောင်းတွေ့ရမည်ဖြစ်သည်။

ထို့အပြင်ဦးဆောင်တင်လှူမည့်ပုဂ္ဂိုလ်မှာလည်း နိုင်ငံတော်တွင်
တပ်မတော်ကာကွယ်ရေးဦးစီးချုပ်အဖြစ်အဆင့်မြင့်တာဝန်ထမ်းဆောင်နေသူ ထားဝယ်ဒေသသားတစ်ဦးဖြစ်နေခြင်းကလည်း ထူးခြားမှုတစ်ရပ်ဖြစ်ကြောင်းတွေ့ရသည်။

ဖိုးဇော်(ထားဝယ်)
၁၁ မတ် ၂၀၁၃

တြိစက္ကဇာတာကိုJagannatha Hora Software ဖြင့် (၁၀ )မိနစ်အတွင်းတွက်နိုင်ပြီ

                      တြိစက္ကဇာတာကို(၁၀ )မိနစ်အတွင်းတွက်နိုင်ပြီ
        နက္ခတ္တဗေဒကိုဝါသနာပါသူတိုင်း Jagannatha Hora Software  ဖြင့်   
      တြိစက္ကဇာတာကို(၁၀)မိနစ်အတွင်းတွက်နိုင်ပြီ။
    - Jagannatha Hora Software .Version 7.64 ကို
  http://www.vedicastrologer.org/jh/#download
       မှာ Download  လုပ် ပါ ။ 
      Updateကိုပါ  Down ပါ။
    - ပြီး ရင် ကွန်ပျူတာတွင် Install လုပ်ပါ။  (လုပ်ဆောင်ရန်အလွန်လွယ်ပါသည်။)
    - ပရိုဂရမ်ကို ဖွင့်ပါ ။
   -  Edit-> Birthdata ကိုclickပါ။



-အောက်ပါ အတိုင်း- မွေးနေ. မွေးချိန်- နှင့် မွေးဖွားရာ ဒေသ ကိုပေးသွင်းရန်-
 Dialog Box ပေါ်လာပါမည်။




- မိမိ၏ Birthdate : Barthtime :City name (မွေးဖွားရာချက်မြှုပ်မြို့ ) တို့ကိုဖြည့်သွင်း ။
  မိမိ၏မြို့ မရှိလျှင် အနီးဆုံးမြို့ ကိုယူပါ ။
- Calendar used တွင် Gregorian ကိုရွေး ။
- Barthtime ၏နောက်ဆုံးကွက်တွင် 0-24hrs ကိုရွေး။
-Gender: တွင် male သို့မဟုတ် female ကို ရွေး ။
-နိုင်ငံအတွက် ->USAတွင်မွေဖွားသူများအတွက် All the state in USA မှာရွေးပါ ။
-ကျန်နိုင်ငံများအတွက် All the countries (Except USA ) မှာရွေး ။
- Rest of the World ကို click လိုက်ရင်.. ဟော..!!
  အောက်ဘက်က အကွက်တွေ အလိုလျှောက်ဖြည့်ပြီးသားဖြစ်နေပါလိမ့်မယ် ။
  ကဲ.OK ကို နှိပ် ချလိုက်တော့ ။ ရာသီဇာတာ ၊ နဝင်းဇာတာ နှင့်အတူ အသင့်တွက်ပြီးသားData များစွာ
   ကိုအောက်ပါအတိုင်းတွေ့ရမယ် ။



    
 ဒါပေမဲ့ ဇာတာပုံစံက အသုံးပြုနေကျပုံစံ မဟုတ် ပါ။မြန်မာတို့အသုံးများသော
       အိန္ဒိယ-အေ့ ရှတိုင်းပုံစံသို့ပြောင်းရမည်။
         ဇာတာပုံစံကို ဒီလိုပြောင်းမယ်။
- Preference --> Related to Display --> Chart Style and Language ကို အဆင့်ဆင့်နှိပ်ပါ။

ပေါ်လာတဲ့- Language & Chart Style- Dialog Box ရဲ့ Choose the chart Style မှာ
East Indian frame ကို ရွေး ။ ကျန်တဲ့အကွက်တွေမှာ English ကိုရွေး။ OK နှိပ် ။
             

                                                 ဒီလိုပေါ်လာမယ်။



လာဟီရိ ဂြိုဟ်သွား ပြက္ခဒိန်မှ အာယာန အံသာ ကို အသုံးပြု တွက်ချက် စေရန် အတွက်
Preferences --> Related to Calculation --> Ayanamsa အတိုင်းအဆင့်ဆင့် နှိပ်ပါ။
  ပုံမှာကြည့်ပါ ။

 
-Select Ayanamsa- Dialog Box ပေါ်လာတဲ့အခါ Lahiri (Chitrapaksha) ကိုရွေးပါ ။




- ဆက်၍- ရာဟုနှင့် ကိတ်တို့ကို တွက်ချက်ရန်-
Preferences --> Related to Calculation --> Planet Calculation Options  အတိုင်းအဆင့်ဆင့် နှိပ်ပါ။
 

Planet Calculation Options - Dialog Box ကျလာတဲ့အခါ....
အတိအကျ နေရာ (True Position)၊( True Node) ဖြင့် တွက်စေရန် ရွေးပေးထား လိုက်ပါ။

                 လုပ်ဆောင်ချက် အားလုံးပြီးပါပြီ။
         အသင့်တွက်ပြီး ၊ ရာသီ(Rasi) ၊ နဝင်း (Navamsa) ၊ ဘာဝ(House) နှင့်တကွ
      ဒသာ(Dasa) ၊ ယုဂ် (Yogas ) ၊ ဂြိုဟ်စီး ဂြိုဟ်မြင် (Transits) ....စသည်Data     
                    များစွာကိုစုံလင်စွာအောက်ပါအတိုင်းတွေ့ရမည်။

 

File -> Print Preview အတိုင်းဖွင့်ကြည့်ပါ ။ စာမျက်နှာ(၁၁) မျက်နှာရပါမည် ။
ရော ... Print လိုက်တော့ ။
ဤဇာတာပါ အတိုချုပ်စကားလုံးများ၏အဓိပ္ပာယ်များ
As=Ascendent=Lagna=လဂ္ဂဏ=လဂ် (မြန်မာဇာတာတွင် “ လ ” ဟုရေးသည်)
Su=Sun =တနင်္ဂနွေဂြိုဟ် (မြန်မာဇာတာတွင် “ ၁ ” ဟုရေးသည်)
Mo=Moon=တနင်္လဂြိုဟ်(မြန်မာဇာတာတွင် “ ၂ ” ဟုရေးသည်)
Ma=Mars=အင်္ဂါဂြိုဟ် (မြန်မာဇာတာတွင် “ ၃ ” ဟုရေးသည်)
Me=Mercury=ဗုဒ္ဓဟူးဂြိုဟ်(မြန်မာဇာတာတွင် “ ၄ ” ဟုရေးသည်)
Ju=Jupiter=ကြာသပတေးဂြိုဟ်(မြန်မာဇာတာတွင် “ ၅ ” ဟုရေးသည်)
Ve=Venus=သောကြာဂြိုဟ်(မြန်မာဇာတာတွင် “ ၆ ” ဟုရေးသည်)
Sa=Satum=စနေဂြိုဟ်(မြန်မာဇာတာတွင် “ ၀ ” ဟုရေးသည်)
Ra=Rahu=ရာဟုဂြိုဟ်(မြန်မာဇာတာတွင် “ ၈ ” ဟုရေးသည်)
Ke=Ketu=ကိတ်ဂြိုဟ်(မြန်မာဇာတာတွင် “ ၉ ” ဟုရေးသည်)
ဝါသနာရှင်တို့ ဒီလောက်ဆို အဆင်ပြေကြမယ်ထင်ပါရဲ့။
                      အားလုံးအဆင်ပြေကြပါစေ ။

ကဲ  ကွန်ပျူတာဖြင့်ဇာတာဖွဲ့ပေးသည်။ ဟုအိမ်ရှေ့မှာ ဆိုင်းဘုတ်ချိတ်လိုက်တော့  ။     ။

                                                                        အညွန့်ကိုချိုးလျှင်အခက်လက်ဝေစည်တတ်သော
              သံယောဇဉ်ချစ်ခြင်းများစွာဖြင့်
              လွင့်မောင်မောင်(ထားဝယ်)
                  ၁၈-၁-၂၀၁၁