မြန်မာ့ဆေးဖက်ဝင် နန်းလုံးကြိုင်ပင်

Item Name --------- Cassia Flower (နန်းလုံးကြိုင်)
Category ------------ Raw Material
Botany Term -------- Acacia farnesiana Willd
Species Family ----- Mimosaceae

မြန်မာ နိုင်ငံ အနှံ့အပြား တွင် ပေါက်ရောက်သည်။ သဘာဝ အလျောက်အလေ့ကျ ပေါက်ရောက်သည်။

♥ အပင်

အပင်ငယ် မျိုးဖြစ်သည်။ အမြင့် ၁၀-၁၂ ပေ ခန့်ထိမြင့် သည်။ အကိုင်းအ ခက်များပြီး ဆူးရှိသည်။ အကိုင်းအခက်များပြီး ဆူးရှိသည်။ အကိုင်း အခက်များ ဆစ်ချိုး ထွက် သည်။ ပင်စည် ပေါ် တွင် အညိုနုရောင် အစက်ကလေး များ ပါရှိသည်။ အခေါက်မှ အစေးထွက် သည်။ အခေါက် စိမ်းညိုရောင် ရှိသည်။

♥ အရွက်

နှစ်ခါ ငှက်မွေး ရွက်ပေါင်း ဖြစ်ကာ ရွက်ဆိုင်ထွက် သည်။ ရွက်မြွာ များသည်သေးငယ် သည်။ ရှည်မျောမျော ပုံသဏ္ဍာန် ရှိပြီး မျက်နှာချင်း ဆိုင် ထွက်သည်။ ရွက်ပြား နူးညံ့သည်။ အနားညီ သည်။ 


♥ အပွင့်

အ၀ါရောင် ရှိ၍ သေးငယ်ပြီး ပန်းခိုင်ထိပ် တွင်ဘောလုံး သဏ္ဍာန်စု ပြုံ၍ထွက် သည်။ အနံ့မွှေး သည်။ တပေါင်းလ ၀ါခေါင်လ အတွင်း ပွင့် သည်။

♥ အသီး

အသီး တောင့် ဖြစ်၍ နှစ်ဖက် ချွန်ပြီး ပြောင်ချောသည်။ အညိုရင့် ရောင်ရှိသည်။ အခန်း ၄-၅ ခန်း ပါသည်။ တစ်ခန်းလျှင် အစေ့ တစ်စေ့စီ ပါရှိ၏ ။ အစေ့ အနည်းငယ်ပြား၍အညို ရောင်ရှိသည်။ နယုန်-၀ါဆို တွင် သီးသည်။

► အသုံးဝင်ပုံ

အခေါက် ၊ အရွက်။

♥ အာနိသင်။

မြန်မာ ဆေးကျမ်းများ အလိုအရ အခေါက်သည် ခါး၏ ၊ ပူ၏ ၊ စပ်၏ ၊ အဆိပ်ကို ပယ်တတ်၏ ။ သွေးဖောက်ပြန်ခြင်း ၊ ယားယံခြင်း နှင့် အနာပေါက် ရောဂါတို့၌ အကျိုးပြု၏ ။အစေးသည် ချို၏ ။ ခွန်အားကို ဖြစ်စေ၏ ။ ကာမကို အားပေး၏ ။

 ► အခေါက်အသုံးပြုပုံ

၁ ။ အခေါက်ကို ထက်ဝက်ခန်း အောင်ပြုတ်၍ ဖန်ရည် အဖြစ်ပလုတ် ကျင်းခြင်း၊ ငုံခြင်းပြု လုပ်ပါက သွားနာကျင် ခြင်း ၊ သွားဖုံးများ ရောင်ခြင်း ၊ သွားဖုံးများမှ ပြည်ယိုခြင်း နှင့် သွေးများ ယိုစီးခြင်း များပျောက်သည်။
၂ ။ အခေါက်ကို ပြုတ်၍ အနည်းငယ် မျှသောက်ပါက အလွန်အမင်း သွားသော ၀မ်းရောဂါ ပျောက်၏ ။ 

► အရွက်အသုံးပြုပုံ

၁ ။ အရွက်ကို ကြိတ်၍ ဆီးကင်းခန့် လုံးပြီး နံနက်ည တစ်လုံးစီ သောက်က ညောင်းကျ ရောဂါ ပျောက်စေသည်။

မြန်မာ့ဆေးဖက်ဝင်အပင်များ
photo by google search
♥ မည်သူမဆိုလွတ်လပ်စွာကူးယူဖေါ်ပြနိုင်ပါသည်။ ♥
♥ ကျန်းမာရေးဗဟုသုတတိုးပွါးစေရန် Like,share, ,Credit ပေးခြင်းဖြင့်လည်းကူညီနိုင်ပါသည်။ ♥

အကြောတက် ခြင်းနှင့် ကန်စွန်းရွက်

 
မကြာခဏ ဇက်ကြောတက်ကြသူများ၊ ဇက်တောင့်တင်းခြင်း၊ ကိုယ်ငွေ့နွေးနွေးနှင့် ဖျားချင် သကဲ့သို့ ဖြစ်ပြီး ကိုယ်လက်များ လေးလံခြင်း၊ ချွေးငုပ် ခြင်းများ ခံစားရပါက သိန္ဓောဆား အနည်းငယ်မျှကို ကန်စွန်းရွက် ကြိတ်ညှစ်ရည် စပ်ပေးပါ။

ထိုဆေးရည်ကို လူကြီး ဆေးတစ်ခွက်စာ အတွက် ဟင်းစာ စတီးဇွန်းနှင့် တစ်ခွန်းကို နံနက် တစ်ကြိမ်၊ နေ့လယ် တစ်ကြိမ်၊ ညတစ်ကြိမ် တစ်နေ့ သုံးကြိမ် တိုက်ကျွေးပေးပါ။ အဆိုပါ လက္ခာဏာများ အတွက် ဤဆေးရည် တစ်စက်ကို သန့်ရှင်းသော ရေဆယ်စက်နှင့် ရောစပ်၍ မျက်စဉ်း ဆေးရည် အဖြစ် ခပ်ပေး နိုင်ပါသည်။

ဟင်းလျာတစ်ခွက် ကျန်းမာရေးအတွက်

လတ်ဆက်သည့် ကန်စွန်းရိုးနီ၊ ရွက်ကျ ပန်းလိန်ရွက်ကို ရေးနွေးနှင့် ဖျောပါ။ ထို့နောက် ပါးပါးလှီး ဖြတ်တောက်၍ ငါးကျည်းခြောက်၊ ငရုတ်၊ ကြက်သွန်နီ၊ ဆီ၊ ဆား ထည့်၍ သံပရာရည် ဆမ်းကာ အသုပ်အဖြစ် စားသုံးပေးခြင်းဖြင့် အူလမ်းကြောင်းတွင် ဖြစ်ပေါ် နိုင်သော ဝမ်းကိုက် ရောဂါ၊ သွေးဝမ်း ကိုက်ရောဂါ၊ အမျိုးသမီးတို့တွင် ဖြစ်ပေါ်တတ်သော မီးယပ် သွေးပုပ် ကျန်သော ရောဂါ၊ မီးယပ် သွေးမမှန်သော ရောဂါ၊ သားအိမ်လျှောကျသော ရောဂါ၊ သားမြတ်နာ (နို့အုံနာ)၊ နို့ထွက်နည်းခြင်း၊ ဇက်ကြောထိုးခြင်း၊ ဇက်ကြောတက်ခြင်း၊ ချောင်းဆိုးခြင်း၊ အသားအရေနှင့် ပတ်သက်သော အရေပြား ရောဂါများ၊ အသံဝင် အသံပျက် ရောဂါအပြင် ဆီးအိမ်နှင့် ပတ်သက်သော ရောဂါတို့တွင် ကုသရာ၌ အသုံးဝင် စေပါသည်။

ကျန်းမာရေး

မကြာခဏ ကန်စွန်းရွက်ကို စားသုံး ပေးခြင်းဖြင့် ကျန်းမာမှုကို မြှင့်တင် ပေးနိုင်ပြီး ခွန်အား ဗလရှိခြင်း၊ ဝမ်းတွင်း ရောဂါကို သန့်စင်ပေးခြင်း၊ အပူဒဏ်၊ အအေးဒဏ်ကို ခံနိုင်ရည် ရှိ စေခြင်း၊ ရောဂါ တစ်စုံတစ်ရာ လွယ်ကူစွာ ဝင်ရောက်မှုကို တားဆီး ကာကွယ် စေနိုင်ပါသည်။ ထိုကဲ့သို့ အသုံးဝင်သော ကန်စွန်းရွက်နှင့် တိုင်းရင်းဆေး ခေါင်းစဉ်ဖြင့် စာဖတ် ပရိသတ်များ ထံသို့ ရေးသား တင်ပြ လိုက်ရပါသည်။

Health Digest

ပန်းနာရင်ကျပ်ရောဂါ (Asthma)

်


ပန်းနာရင်ကျပ် ရောဂါဟာ အဆုတ် တွင်းရှိ အသက်ရှူ လမ်းကြောင်း ကို ထိခိုက် စေသော နာတာရှည် ရောဂါ တစ်မျိုး ဖြစ်ပါတယ် .. အမေရိကတွင် လူဦးရေ ၁၇ သန်းကျော် ပန်းနာရင်ကျပ် ရောဂါ ခံစားနေရပြီး သုံးပုံ တစ်ပုံမှာ ကလေးများ ဖြစ်ပါတယ်.. ၂၀၀၂ ခုနှစ် တွင် ပန်းနာရင်ကျပ် ရောဂါကြောင့် ဆေးရုံ တက်ရ သူပေါင်း ၄၇၈,၀၀၀ ဦး ရှိပြီး ၄,၆၅၇ ဦး သေဆုံးခဲ့ ပါတယ်...
အဆုတ်ရဲ့ လုပ်ငန်း တာဝန် အကြောင်း ပထမဆုံး ပြောပြ ချင်ပါတယ်.. ရှူသွင်းလိုက်တဲ့ လေထဲမှ အောက်ဆီဂျင် နဲ့ ခန္ဓာကိုယ် ထဲမှ ကာဗွန် ဒိုင် အောက်ဆိုဒ် တို့ ဖလှယ်ခြင်း သည် အဆုတ်၏ အဓိက လုပ်ငန်း တာဝန် ဖြစ်ပါတယ်... အောက်ဆီဂျင် ကြွယ်ဝ သော ရှူသွင်း လိုက်တဲ့ လေဟာ လေမျို (Larynx)၊ လေပြွန်မကြီး (Trachea)၊ လေပြွန် (Bronchus)၊ လေပြွန်ငယ် (Bronchiole) တို့ကို အဆင့်ဆင့် ဖြတ်သန်းပြီး လေအိတ် (Alveoli) များ သို့ ရောက်ရှိ တဲ့အခါ အဆုတ် သွေးလွှတ်ကြော ငယ် (Pulmonary arteriole) များထဲမှ ကာဗွန် ဒိုင် အောက်ဆိုဒ် နဲ့ ဖလှယ် ကြ ပါတယ် (Gas Exchange) ... အဲဒီမှ တစ်ဆင့် အဆုတ် သွေးပြန်ကြော (Pulmonary veins) များမှ နှလုံး သို့ ပို့ဆောင်ပြီး နှလုံးမှ ခန္ဓာကိုယ် တစ်ခုလုံး သို့ ဖြန့်ဝေ ပို့လွှတ်ပါတယ်... ဒါ့ကြောင့် အောက်ဆီဂျင် ကို ခန္ဓာကိုယ် အနှံ့အပြား မှ တစ်ရှူးများ၊ ဆဲလ် များ အသက် ရှင်သန် ရေးအတွက် အသုံး ပြုနိုင် ကြပါတယ်..

ပန်းနာ ရင်ကျပ် ရောဂါ ခံစား ရပြီ ဆိုလျှင် အဆုတ်ဟာ အဓိက တုန့်ပြန်မှု (၃) ရပ် ဖြစ်ပေါ် ပါတယ်...
1 အဆုတ် လေပြွန်ငယ် များ (Bronchioles) ကျဉ်းမြောင်း လာခြင်း (Bronchoconstriction)
o လေပြွန်ငယ် များရှိ ကြွက်သား များ ကျုံ့ခြင်း ကြောင့် လေပြွန်ငယ် များ ကျဉ်း လာပါတယ်.. ဒါ့ကြောင့် အသက် ရှူထုတ် တဲ့ အခါ ၀ီစီ ကဲ့သို့ အသံ မြည်ပြီး မောလာ တတ်ပါတယ်..
2. အဆုတ် လေ၀င် ရာ လမ်းကြောင်း တစ်လျှောက် ယောင်ရမ်းပြီး အချွဲများ (mucus) ထွက်လာခြင်း (Bronchial Inflammation)
o ဓါတ်မတည့် ပစ္စည်း တစ်မျိုး ခန္ဓာ ကိုယ်တွင်း ၀င်ရောက် လာပါက လေပြွန်ငယ် နံရံ တစ်လျှောက် မှ ယောင်ရမ်း ခြင်းကို ဖြစ်စေသော ဓာတု ပစ္စည်း များ (Histamine, Leukotrienes) ထွက်လာပြီး လေပြွန် ငယ် များက်ို ယောင်ရမ်း စေပြီး ချွဲပြစ်သော အရည်များ (mucus) ထွက်လာပါတယ်.. လေပြွန်ငယ် ယောင်ရမ်း မှု၊ ချွဲထွက် လာမှု ကြောင့် လေပြွန်ငယ် ကျဉ်းခြင်း ပိုဆိုး လာစေ ပါတယ်...
3. အဆုတ် လမ်းကြောင်း တစ်လျှောက်မှ တုန့်ပြန်မှု လွန်ကဲခြင်း (Hyperreactivity)
o ဓာတ်မတည့် မှုကြောင့် ကြာရှည်စွာ လေပြွန်ငယ် ယောင်ရမ်း ခြင်း ၊ လေပြွန်ငယ် ကျဉ်းမြောင်း ခြင်း ဖြစ်ခြင်း ကြောင့် ဓာတ်မတည့် မှု ပစ္စည်း များ ကို ပို၍ တုန့်ပြန်မှု များ လာပါတယ်...(Hypersensitivity)
ရောဂါလက္ခဏာများ
ပန်းနာ ရင်ကျပ် ရောဂါ လက္ခဏာ များမှာ တစ်ဦးနှင့် တစ်ဦး ကွဲပြား နိုင်ပါတယ်... အဓိက အဖြစ်များ ဆုံး လက္ခဏာ (၄)မျိုး မှာ
1. အသက် ရှူခက် လာခြင်း (Shortness of Breath)
2. အသက် ရှူထုတ် ရာတွင် ၀ီစီသံ ကဲ့သို့ အသံ မြည် လာခြင်း (Wheezing)
3. ရင်ကျပ်လာခြင်း (Tightness of chest)
4. ချောင်းဆိုးခြင်း (Coughing)
တို့ ဖြစ်ပါတယ်..
ရင်ကျပ် မှု ပြင်းထန်ပါက လေအိတ်မှ ကာဗွန် ဒိုင်အောက် ဆိုဒ် နဲ့ အောက်ဆီ ဂျင် ဖလှယ် ခြင်း လုပ်ငန်း ထိခိုက် လာ၍ သွေးတွင်း အောက်ဆီ ဂျင် လျော့ကျပြီး ကာဗွန် ဒိုင် အောက်ဆိုဒ် များလာ ပါတယ်... အောက်ဆီ ဂျင် နည်းလာ၍ ခြေသည်း လက်သည်း နှင့် နှုတ်ခမ်း များ ပြာလာခြင်း (cyanosis)၊ နံရိုး ကြား ကြွက်သား များ အသုံးပြု ၍ ပြင်းထန်စွာ အသက်ရှူ ရခြင်း တို့ ဖြစ်ပေါ် တတ် ပါတယ်...
ပန်းနာ ရင်ကျပ် ဖြစ်စေတဲ့ အကြောင်းရင်း ဟာ ကိုယ့်ပတ်ဝန်းကျင် အခြေအနေ (Environmental factors) ကြောင့်လား? မျိုးရိုး ဗီဇ (Genetic factors) ကြောင့်လား? ဆိုတာကို တိတိကျကျ မသိရ သေးသော်လည်း အဓိက အားဖြင့် နှစ်မျိုး နှစ်စား တွေ့ရှိ ရပါတယ်.. ပြင်ပ မှ ဓါတ်မတည့် မှု (allergies or extrinsic) ကြောင့် ဖြစ်သော ပန်းနာ နှင့် ခန္ဓာ ကိုယ်တွင်း အခြေ အနေ (nonallergies or intrinsic) ကြောင့် ဖြစ်သော ပန်းနာ ဆိုပြီး တွေ့ရ ပါတယ်.. ဓါတ်မတည့် မှု (allergies or extrinsic) ကြောင့် ဖြစ်သော ပန်းနာဟာ အတွေ့ များပြီး လူနာ အားလုံး၏ ၉၀ % ရှိပြီး ကျန် ၁၀ % ကသာ ခန္ဓာ ကိုယ်တွင်း အခြေ အနေ (nonallergies or intrinsic) ကြောင့် ဖြစ်သော ပန်းနာ ဖြစ်ပါတယ်.. ဓါတ်မတည့် ဖြစ်စေသော ပစ္စည်း များမှာ -
• နေအိမ် ပတ်ဝန်းကျင် ရှိ နေ့စဉ် ထိတွေ့ နေကျ အရာများ
o တိရစ္ဆာန် အညစ်အကြေးများ နှင့် အမွှေးအမျှင်များ၊ ဖုန်နှင့် အမှိုက်သရိုက်များ (Dust)၊ ပိုးဟပ် အညစ်အကြေးများ (cockroach )၊ အဆောက်အဦး၊ နံရံဟောင်း များ ရှိရေညှိ ပင်များ (mold)၊ ပန်းဝတ်မှုန်များ (Pollen)
• နေအိမ် သုံး ပစ္စည်းများ ၏ အနံ့အသက် များ
o ရေမွှေး နှင့် အမွှေး နံ့သာများ၊ ဆပ်ပြာ ဆပ်ပြာရည် ခေါင်းလျှော်ရည် များ၊ hair spray, hair gel, sun screen, cosmetics, facial cream, deodorant, shaving cream ကဲ့သို့ အသုံး အဆောင် ပစ္စည်း များ၊
• အစား အစာများ
o နွားနို့ (Cow's Milk)၊ မြေပဲ (Peanut)၊ ပဲပုတ် (Soy)၊ ငါး (Fish)၊ တိရိစ္ဆာန် ဥများ (Eggs)၊ ပုဇွန် နှင့် အခွံမာ ပင်လယ်စာများ (Shrimp & other shellfish)၊ ကြာရှည် အထားခံ သော အစားအစာ များ (Preservative Foods)
• သုံးစွဲ နေသော ဆေးများ
  - အက်စ်ပရင် (aspirin)၊ beta-blockers (propranolol, atenolol)၊ ပင်နစလင်များ၊
• စက်ရုံ နှင့် ပတ်ဝန်းကျင် မှ အငွေ့များ
o ဆာလဖိုက် ဓာတ်ငွေ့များ၊ ကလိုရာမင်း ဓာတ်ငွေ့များ၊ စက်ပစ္စည်း များမှ အိပ်ဇော ငွေ့များ၊ ဆေးလိပ်ငွေ့၊ ခြင်ဆေးခွေ ငွေ့များ၊ အစ ရှိသဖြင့်...
• အသက်ရှူ လမ်းကြောင်းဆိုင်ရာ ဗိုင်းရပ်စ်ပိုးများ
  - အဓိက အားဖြင့် အသက်ရှူ လမ်းကြောင်း အထက်ပိုင်း ဗိုင်းရပ်စ်ပိုး ၀င်ရောက်မှု (Upper respiratory tract infection) ကြောင့် ပန်းနာ ရင်ကျပ် ဖြစ်ခြင်းသည် လူကြီး အားလုံး၏ ၈၀% နှင့် ကလေးအားလုံး ၏ ၆၀% တွေ့ရှိ ရပါတယ်...ဓာတ်မတည့် ခြင်းဖြစ်စဉ် တွင် တစ်ဦးနှင့် တစ်ဦး ဓာတ်မတည့် ပစ္စည်း ချင်း၊ ဓာတ်မတည့် နိုင်ချင်း တူညီ နိုင်မှာ မဟုတ်ပါ..
ပန်းနာရင်ကျပ် ရောဂါ ကုထုံးများ
အဓိက အားဖြင့် အာနိသင် (၂) မျိုး လိုအပ် ၍ သာ စားဆေး၊ ထိုးဆေး၊ ရှူဆေး အနေဖြင့် ထုတ်လုပ် ကြခြင်း ဖြစ်ပါတယ်... ပထမ အာနိသင် မှာ လေပြွန် ကို ကျယ်စေခြင်း ဖြစ်ပြီး ဒုတိယ အာနိသင် မှာ လေပြွန် ယောင်ရမ်း မှုကို ကျစေ ခြင်း ဖြစ်ပါတယ်.. လေပြွန် ကို ကျယ်စေ တဲ့ ဆေးများ မှာ beta 2 agonist (salbutamol, terbutaline, ...), anticholinergic drugs (ipratropium bromide), methyxanthine (Theophylline, Aminophylline, ..); လေပြွန် ယောင်ရမ်း မှုကို ကျစေသော ဆေးများ မှာ corticosteroids (Prednisolone, Beclomethasone, Triamcinolone, Budesonide, ...), Leukotriene modifiers (montelukast, zafirlukast, pranlukast, and zileuton), Cromoglycate (Cromolyn sodium) တို့ ဖြစ်ကြ ပါတယ်.. ရှူဆေးများ (Inhalers) မှာ လေပြွန် ကို တိုက်ရိုက် သက်ရောက်မှု ရှိ၍ ရောဂါ လက္ခဏာ ကို မြန်ဆန်စွာ သက်သာ စေပြီး ဘေးထွက် ဆိုးကျိုး မှာလည်း သောက်ဆေး၊ ထိုးဆေး ထက် စာလျှင် နည်းပါး ပါတယ်... ထို့ကြောင့် ရောဂါ ပြင်းထန် မှုပေါ် မူတည်၍ ရှူဆေး၊ သောက်ဆေး များကို ရွေးချယ် ပေးခြင်း ဖြင့်၎င်း၊ ဆေး တစ်မျိုး နှင့် မလုံ လောက်ပါက နှစ်မျိုး သုံးမျိုး တွဲပေး ခြင်း ဖြင့်၎င်း ကုသ နိုင်ပါ တယ်... လိုအပ် ပါက အောက်ဆီ ဂျင် ပေး၍၎င်း၊ ဆေးများကို စက်ဖြင့် မှုတ်သွင်းနည်း (Nebulizer) ဖြင့်၎င်း လူနာ အခြေ အနေ ပေါ် မူတည်၍ ကုသ ပေးရ ပါမယ်...
ရောဂါ ကာကွယ် ရေး အနေဖြင့် မိမိနှင့် မတည့်သော ဓာတ်ပစ္စည်း များ၊ အစား အသောက် များ၊ အသုံး အဆောင်များ ဂရုစိုက် ရှောင်ရှား ဖို့လို ပါမယ်.. လူဦးရေ ထူထပ် သော နေရာ လေထု ညစ်ညမ်း သော နေရာ များ ကို ရှောင်ရှား ရပါမယ်.. ဆေးလိပ် သောက်သူ ဖြစ်ပါက ဆေလိပ် လုံးဝ ဖြတ်ရ ပါမယ်... ဒါ့ကြောင့် မိမိ ရင်ကျပ် တတ်သော အခြေ အနေ၊ နေရာ ဒေသ၊ အသုံး အဆောင်၊ အပြု အမူ များကို ဂရု စိုက် ရှောင်ရှား ရင်း ကျန်းမာ စွာ နေထိုင် နိုင်ရေး ကို အလေး ထား သင့် ကြောင်း ရေးသား လိုက်ရပါတယ်.. ဘေးဘယာ ရောဂါ အပေါင်းမှ ကင်းဝေး နိုင်ပါစေ..
This article is Posted by Dr. Win Thein | May 2, 2009
---------------------------
ရင်ကျပ်ပန်းနာ ဆိုလိုက်တာနှင့် ။
ဒီတစ်ခေါက် မကွေး ပြန်ရောက်တော့ ပါမောက္ခ၊ ဌာနမှူး အဆင့်မို့ အလုပ်ပိုများလာသည်။ မိသားစုရှိရာ ရန်ကုန်သို့ ခဏခဏ မပြန်ဖြစ်။ ရန်ကုန်က ဆေးခန်းကိုလည်း သူငယ်ချင်းနှင့် ထားခဲ့ရသည်။ အဲဒီ သူငယ်ချင်းက ဘွဲ့အားလုံးနီးနီး ကျွန်တော်နဲ့ အတူတူ ရခဲ့ပြီး အသက်တောင် ၁၃ရက်တည်း ငယ်သည့် တန်းတူအဆင့် ဆရာဝန်ကြီးပါ။ စိတ်ရှည်တဲ့ နေရာမှာ ကိုယ့်ထက် သာသေးသည်။
ဟိုတစ်လောက ရန်ကုန် ခဏပြန်ရင်း ဆေးခန်းတစ်ရက် ပြန်ထိုင်တော့ လူနာရှင် မိဘတစ်ဦးက သူ့ကလေး ပန်းနာ ရင်ကျပ် ချောင်းဆိုးတာ သူငယ်ချင်း ဆေးပေးတာ မပျောက်ဟု ဆိုကာ ကျွန်တော့်ကို ပြန်လာပြသည်။ သူငယ်ချင်း တိုက်ထားသည့် ဆေးကို ကြည့်လိုက်တော့ ကျွန်တော်လည်း တိုက်ချင်သည့် ဆေးပါပဲ။ ဘယ်နှရက် တိုက်ပြီးပြီလဲဟု မေးကြည့်တော့ အံ့သြစရာ။ လုံးဝ မတိုက်ရသေးပါတဲ့။ ဘာဖြစ်လို့ မတိုက်တာလဲဟု မေးတော့ ဆရာ့ သူငယ်ချင်းက ကျွန်မကလေးကို ပန်းနာရှိတယ်လို့ ပြောတယ်။ ပြီးတော့ ဆေးအပြင်းတွေ တိုက်တာကိုးဟု ဖြေသည်။ ကျွန်တော်လည်း ရင်ကျပ် ရှိတယ်လို့ ပြောဖူးတာပဲ။ အဲဒီဆေး တိုက်ဖူးတာပဲဟု စာအုပ်ကို နောက်ပြန် လှန်ရှာပြီး ပြောတော့မှ အံ့သြရသည်။
အင်္ဂလိပ်စကားက Asthma ပန်းနာဟု ဘာသာပြန်ပြန် ရင်ကျပ်ဟု ဘာသာပြန်ပြန်၊ လေပြွန်လေးတွေ ကျဉ်းကျဉ်း သွား၍ ချောင်းဆိုးပြီး မောနေတတ်သည်ဟု အဓိပ္ပာယ်ရသည်။
အဲသည် နာမည်ကလေး တပ်ရုံနှင့်တော့ ပြူးပြူးပြာပြာ မဖြစ်သင့်ကြဟု ကျွန်တော်ထင်သည်။ ဆေးပြင်းသည် ဆိုသည့်စကား ဘာမှ အဓိပ္ပာယ် မရှိကြောင်း ကျွန်တော် ခဏခဏ ရေးဖူးပါသည်။ ဆေးမတိုက်ဘဲ ထားတော့ ရောဂါကရော အန္တရာယ် မရှိတာ ကျနေတာပဲ။
ကျွန်တော်က ဖြည့်ပြောပြတတ်တာလေး တစ်ခုပါပဲ။
ဒီရောဂါ ဖြစ်သည့်အချိန်မှာ ဆေးပေးလည်း ခဏသာ ယခုတစ်ခေါက်သာ သက်သာမည်။ ပြန်ဖြစ်တတ်သည်။ ဘယ်လောက် တစ်ခါ ပြန်ဖြစ်သည် ဆိုတာက တစ်ယောက်နှင့် တစ်ယောက် မတူ။ တစ်နှစ်မှာ တစ်ခါလောက် ဖြစ်တတ်သည့် ကလေးကတော့ ဖြစ်လာလျှင် ဆေးသောက် လုံလောက်သည်။ တစ်လတစ်ခါ ဖြစ်နေလျှင်တော့ ကာကွယ်ဆေးတွေ မှန်မှန်ရှူဖို့ လိုမည်။ လူကြီး ရင်ကျပ်ရောဂါနှင့် မတူတာကတော့ ကလေး ရင်ကျပ်ပန်းနာ ဝေဒနာရှင် ထက်ဝက်ခန့်က လူကြီးဘဝအထိ ပါမသွား။ ကြီးလျှင် ပျောက်သွားမည်ဟု အဲသလို ပြောပြလျှင် လက်ခံကြတာများသည်။
ကဲ… ဘာပဲဖြစ်ဖြစ်။
ရေးဖူးတာ များနေပြီးသား သည်ပန်းနာရင်ကျပ်ရောဂါ ကလေးအကြောင်း မပြောရသေးတာ တချို့တော့ ဖြည့်စွက် ရတော့မည် ထင်မိ၏။
ကလေးတွေဘာကြောင့် ရင်ခဏခဏကျပ်
အာဂန္တု ရောဂါတွေလည်း ရှိသည်။ တစ်ခါကျပ်ပြီး နောက်ပြန်မကျပ်တော့တာမျိုး။ များသောအားဖြင့် အသက် နှစ်နှစ်အောက် စိန်တုံးကြီးများ အရွယ်မှာ တွေ့ရတတ်တယ်။
ခဏခဏ ပြန်ကျပ်နေရင်တော့ ပန်းနာရင်ကျပ်ကို စဉ်းစားရမည်။ ဒါမျိုး မျိုးရိုးလည်း လိုက်တော့လိုက်သည်။ ကူးစက်ရောဂါတော့ မဟုတ်။
ရင်ကျပ်သည့် ကလေးကို ကျပ်စေသည့် အရာတွေကတော့
(၁) ဗိုင်းရပ်ပိုးဝင်ခြင်း
(၂) ဓာတ်မတည့်ခြင်း
(၃) ရာသီဥတု
(၄) လေ့ကျင့်ခန်းနှင့် (၅) စိတ်လှုပ်ရှားခြင်း တို့ကြောင့်ဖြစ်သည်။
ကျပ်လာလျှင် ကလေးက ချောင်းဆိုးမည်။ မောမည်။ ရင်ဘတ်အောက်နှင့် နံရိုးကြားတို့ ချိုင့်ဝင်ပြီး အသက်ရှူရမည်။ တစ်ခါတစ်လေ တရွှီရွှီ အသံကို ကြားရမည်။
မောတာ သိပ်ဆိုးလာလျှင် စကားတစ်ကြောင်းပြည့်အောင် မနားဘဲ မပြောနိုင်တော့။ အဲသည်အဆင့်က အရေးကြီးသည်။
ရင်ကျပ်ပန်းနာမှန်း ဘယ်လိုသိ
တစ်ခါကျပ်တိုင်းတော့ ရင်ကျပ်ပန်းနာဟု မသတ်မှတ်။ ပေးသည့် ဆေးကတော့ အဲသည် ရင်ကျပ်ပန်းနာ ပျောက်ဆေးတွေ ပါပဲ။ အဲဒါတွေနှင့် သက်သာ၊ မသက်သာ စောင့်ကြည့်ရမည်။
နှစ်ခါကျပ်လျှင် နည်းနည်း သတိထားတော့။ ဆေးကတော့ သည်ဆေးတွေပါပဲ။
သုံးခါကျပ်လျှင်၊ ပြီးတော့ တစ်ခြား အကြောင်းရင်း ရှာမရလျှင်တော့ ဆရာဝန်က ရင်ကျပ်ပန်းနာဟု သတ်မှတ်တော့မည်။ ဘာမှမလိုပါ။ နားကြပ် တစ်ချောင်းနှင့် သတ်မှတ်နိုင်ပါသည်။
ဆရာဝန်ကိုလည်း စိတ်မဆိုးပါနှင့်။ ကု၍ မပျောက်သော ရောဂါကြီးဟု ပြောတာမဟုတ်ပါ။ ကြီးလာလျှင် ပျောက်မှာပါ။ သို့သော် ကြီးလာလျှင် ပျောက်မပျောက်က ငယ်စဉ်မှာ ထိရောက်သော ကာကွယ်စောင့်ရှောက်မှုများ စောစောစီးစီး လုပ်လာခဲ့ပါသလား၊ မလုပ်ခဲ့ဖူးလား အပေါ်မှာ တည်မှီ နေပါသည်။ ဒါကြောင့် စောစော စကုချင်လို့ သတ်မှတ်တာပါ။
တန်ဆေးလွန်ဘေးတဲ့။
ကုသမှုကလည်း ဘေးထွက် ဆိုးကျိုးတော့ ရှိတာအမှန်ပင်။ သို့သော် ရောဂါကလည်း လွှတ်ထားလို့မရ။ သည်တော့ လူနာကို မှန်မှန် ပြန်ခေါ်ကြည့်၍ ဆေးကိုလိုတိုး ပိုလျှော့ ချိန်ဆရသည်။ အဲဒါကို step-up နဲ့ step-down လုပ်သည်ဟု ခေါ်သည်။
ဘယ်လို ကုသမှာလဲ
ဆေးက နှစ်မျိုး၊ နှစ်အုပ်စု ရှိသည်။
ဖြစ်လာလျှင် ရင်ကျပ်လျှင် ပေးထားသော ဆေးအမျိုးအစားနှင့် မကျပ်အောင် ကြိုတင်၍ ပေးထားသော ကာကွယ်ဆေး အမျိုးအစားတို့ဖြစ်သည်။
ကျပ်လာလျှင်ပေးသော ဆေးများကို သောက်ဆေးလည်း တိုက်၍ ရသည်။ ရှူဆေးလည်း ရှိသည်။ ရှူဆေးက ပိုကောင်းသည်။ ရှူဆေးက ပိုကောင်း၍ ပိုဘေးကင်းသည်။ သို့သော် ဈေးပိုကြီးသည်။ ကလေးအငယ်များတွင် မရှူတတ်မှာ စိုး၍ အလယ်က ပလတ်စတစ် ပြောင်းတစ်ခု ခံရသေးသည်။ အဲသည်ပြောင်းက ပို၍ ဈေးကြီးသေးသည်။ ပြီးတော့ စနစ်တကျ ရှူတတ်အောင် လေ့ကျင့်ပေးရသည်။ သိပ်ကျပ်သည့် အချိန်မှာတော့ Nebulizer ခေါ် ရေနွေးငွေ့ စက်ငယ်ဖြင့် မှုတ်ပေးရသည်။ ထိရောက်မှုအား ကောင်းသော်လည်း ဆေးပမာဏက ရှူဆေး ရိုးရိုးထက် ၁၀ဆ ခန့်များသည်။ နည်းနည်း ကျပ်ရုံမျှဖြင့်တော့ မသုံးသင့်။
ကာကွယ်ဆေးတွေကတော့ ရှူဆေးချည်း သက်သက် လိုပါပဲ။ ဟိုတုန်းက Ketasma ခေါ် သောက်ဆေးတစ်မျိုး ပေါ်ဖူးသည်။ အန္တရာယ် သိပ်မရှိသဖြင့် ကျွန်တော်တို့ ယခုထက်ထိ သုံးနေကြတုန်းပါပဲ။ Montelukast ကတော့ ယခုမှပေါ်လာသည်။ နိုင်ငံခြားမှာတော့ လက်ခံကြပြီ။ သည်မှာတော့ ယခုမှ စမ်းသပ်ဆဲ ဖြစ်သည်။
ခဏခဏမကျပ်အောင်
ဆေးနှင့် ကာကွယ်ရတာ များမှာစိုးလျှင် ကျပ်စေသည့် အကြောင်းတရားများကို ရှောင်ရမည်။ ဒါကလည်း အမြဲတော့ မဖြစ်နိုင်ပါ။ နိုင်သလောက်တော့ လုပ်သင့်သည်။
(က) ဓာတ်မတည့်ခြင်း နည်းစေဖို့
ဖုန်မှုန့်၊ ဝတ်မှုန်၊ ပန်းမှုန် လေထဲမှာ များသည့် အချိန်မျိုးတွင် ပြတင်းတံခါးများ ပိတ်ထးပါ။ ကြောင်တွေ၊ ခွေးတွေ ကလေး အနားမှာ မထားပါနှင့်။ အိမ်ထဲမှာ မြင်ရသော၊ မမြင်နိုင်သော ပိုးမွှား၊ မှိုအစရှိသည့်တို့ အားလုံး ကင်းစင်အောင် ရှင်းလင်းထားပါ။
(ခ) ဗိုင်းရပ်ပိုးမဝင်စေဖို့
ကလေး၊ လူကြီးအားလုံး လက်မှန်မှန်ဆေးပါ။ တုပ်ကွေးအဖြစ် များနေချိန်တွင် လူထူထူရှိရာ ခေါ်မသွားပါနှင့်။
(ဂ) လေ့ကျင့်ခန်း
လေ့ကျင့်ခန်း ပြင်းပြင်းထန်ထန် လုပ်မိပါက ကျပ်တတ်သော ကလေးမျိုး ရှိပါသည်။ ထိုကလေးများအတွက် လေ့ကျင့်ခန်း လုပ်ခါနီး ကြိုပေးရသော ဆေးတချို့လည်း ရှိပါသည်။ ရှာ၍ ဆောင်ထားပါ။
(ဃ) အိမ်တွင်းက အငွေ့တချို့
စီးကရက် မီးခိုးက ပိုဆိုးပါသည်။
လူကြီးက ကလေးအနားမှာ မသောက်တောင် သောက်တတ်သည့် လူကြီးကိုယ်မှာ စွဲနေသည့် အငွေ့ကြောင့် ကလေးက မကြာခဏ ရင်ကျပ်တတ်ရုံသာမက နားပြည်ပါ ယိုတတ်သည်။ ကလေး ရှိလျှင်တော့ ထိုကလေး ရင်ကျပ်ပန်းနာ ရှိရှိမရှိရှိ ဆေးလိပ် ဖြတ်ပစ်သင့်ပါသည်။ ဆက်သောက်နေသော မိဘကို ဘာအမည် တပ်၍ ဆူပူ ကြိမ်းမောင်းရမှန်း ကျွန်တော် စဉ်းစား၍ပင် မရပါ။ ရေမွှေး၊ ပေါင်ဒါနှင့် ငါးကြော်သည့် အနံ့များကြောင့်လည်း ဖြစ်တတ်ပါသေးသည်။
(င) အကောင်ပလောင်တွေ
ပိုးဟပ်ကို ရင်ကျပ်ရောဂါ၏ နံပါတ်တစ် တရားခံဟု တွေ့ထားကြသည့် သုတေသနတွေလည်း ရှိသည်။ ပိုးဟပ်ကကျသည့် သွားရည်နှင့် မစင်ကို မတည့်သူတွေ တော်တော်များသည်။
House dust mite ဟုခေါ်သော သာမန်မျက်စိနှင့် မမြင်ရသည့် အင်းဆက် တစ်မျိုးကလည်း တော်တော်ဆိုးသည်။ သူက လူ့အရေပြားက ထွက်ကျသည့် အစအနလေးများကို စား၍ နေတတ်သည့် အကောင်တစ်မျိုးပါ။ အိပ်ရာခင်း၊ ခန်းဆီး၊ ကော်ဇော၊ မွေးပွရုပ် အစရှိသည်တို့မှာ နေတတ်ပါသည်။
(စ) မှိုစွတ်စို ထိုင်းမှိုင်းသည့် အိမ်တွင်း၊ အိမ်ပြင် နေရာများတွင် ရှိနေတတ်သော မှိုများသည်လည်း ရင်ကျပ်စေပါသည်။
(ဆ) တိရစ္ဆာန်ခွေးတွေ ကြောင်တွေကြောင့် ရင်ကျပ်တတ်သော ကလေးတွေလည်း ရှိပါသည်။
ကောင်းတာကတော့ အောက်က အချက်လေးတွေကို လိုက်နာပါ။
၁။ ထမင်းစားခန်းနဲ့ မီးဖိုချောင်မှာပဲ အစားအစာ စားကြပါ။
၂။ ရေခဲသေတ္တာထဲ ထည့်ရန် မလိုသော အစားစာများကို လုံခြုံ တင်းကြပ်စွာ ဖုံးအုပ်ထားပါ။
၃။ အမှိုက်နေ့စဉ်စွန့်ပစ်ပါ။
၎။ စားပွဲ၊ ဗီရို၊ ကောင်တာများ မှန်မှန်သန့်စင်ပါ။
၅။ နံရံ အက်ကြောင်း ကွဲကြောင်းများ မှန်မှန်ပြုပြင်ပါ။
၆။ သစ်သား ကြမ်းပြင်များကို အဝတ်စိုဖြင့် မှန်မှန်သုတ်ပါ။ (ပိုးသတ်ဆေးအချို့ တည့်နိုင်ပါသည်။)
၇။ ဖုန်မှုန့်များ အဝတ်စိုဖြင့် မှန်မှန်သုတ်ပါ။
၈။ ကော်ဇောကို ဖုန်စုပ်စက်ဖြင့် မှန်မှန်စုပ်ပေးပါ။ မလုပ်နိုင်လျှင် ကော်ဇော မထားပါနှင့်။
၉။ အိပ်ရာခင်း၊ ခေါင်းအုံးစွပ်၊ စောင်များ မှန်မှန်ပြုတ်လျှော်ပါ။
၁၀။ အမှုန် ခိုအောင်းနိုင်သော ပစ္စည်းများ ရှင်းပစ်ပါ။ (မွေးပွအရုပ်၊ ဆုတံဆိပ်… စသည်) ရေဆေး၍ ရသော အရုပ်များသာ ဝယ်ပေး၍ မှန်မှန် ဆေးကြောပါ။
၁၁။ အိမ်ကို တတ်နိုင်သလောက် ခြောက်သွေ့စေပါ။(နေရောင် ဝင်ပါစေ)
၁၂။ ဆေးလိပ် မသောက်ပါနှင့်။ (မိဘ ဆေးလိပ်သောက်လျှင် ရင်ကျပ် မဖြစ်သေးသော ကလေးပင်လျှင် ရင်ကျပ်ပန်းနာ ဖြစ်ရန် အခွင့်အလမ်း နှစ်ဆ ရှိပါသည်)
၁၃။ တိရစ္ဆာန်များနှင့် ကလေး တစ်နေရာတည်း မနေရပါ။ တစ်လှည့်စီလည်း မနေရပါ။ ကလေးနေနေကျ နေရာကို တိရစ္ဆာန်မလာစေရပါ။
၁၄။ နိုင်ငံခြားမှာတော့ အမှုန်အမွှား မကပ်နိုင်အောင် ဖုံးအုပ် ကာကွယ်သော အစွပ်များ၊ ရင်ကျပ်ပန်းနာ ရောဂါသည် ကလေးရှိသော အိမ်များအတွက် သီးခြား ဒီဇိုင်းလုပ် ထုတ်လုပ်သည်ဟု ကြားဖူးသည်။ ဒီမှာတော့ မတွေ့သေးပါ။
စိန်တုံးကြီးတို့ ရင်ကျပ်ပန်းနာဘေး ကင်းဝေးကြပါစေ။
  ဒေါက်တာရဲ(ကလေးအထူးကုဆရာဝန်)
Credit To : perfectmagazine
WEDNESDAY, JANUARY 06, 2010

(ဤမူလဆောင်းပါးရှင်များအား Credit ပေးစေလိုပါသည်။ MOMO Pharmacy Myanmar မှ အများဖတ်ရှု နိုင်အောင် ပြန်လည်ကူးယူ တင်ပြ ထား ခြင်းသာ ဖြစ်ပါသည်။)

ဆီးချိုသွေးချိုအတွက် အံ့မခန်းဆေးဗောက်ပင်

ဗောက် ပင် အစွမ်း အံ့မခမ်းလမ်းဘေးမှာအလေ့ကျ ပေါက်နေတဲ့
ဗောက်ပင်လေးတွေကို လူတိုင်းလိုလိုသိကြမြင်ကြပေမဲ့ အမှတ်တမဲ့ပဲ နေမိကြမှာပါ။
ဗောက်သီးမှည့်လေးတွေ ကတော့ အလွန်ချိုပါတယ် ကလေးတွေကြိုက်ကြတယ်။

  ထူးခြားတာက ဗောက်ပင်တပင်လုံးကိုပဉ္စငါးပါး(အမြစ်မှအညွန့်)အားလုံးကို
ရေစင်ကြယ်အောင်ဆေးကြောပြီးအိုးသန့်သန့်မှာထည့် ရေမက်ခွက်
၃ခွက်ထည့်ပါ ရေ တစ်ခွက်စာကျန်သည့်တိုင်အောင် မီးအေးအေးနှင့်ကျိုချက်ပြီး
တစ်နေ့ကို၃ ကြိမ်ခန့် သောက်ပေးပါကဆီးချို သွေးချို ရောဂါကို ဒိဌ သက်သာ
ပျောက်ကင်းစေပါတယ်။
အရသာကခါးပေမဲ့ အကုန်ကျ အလွန်နည်းပါးတာကြောင့် ဝေဒနာခံစားရေရသော မိတ်ဆွေများ
အတွက်ဖြန့်ဝေ ပေးလိုက်ပါတယ်။
ဆီးချို သွေးချို ဝေဒနာ သက်သာပျောက်ကင်းကြပါစေ။
 ဦးကြည်သန်း(ထားဝယ်)
U Kyi Than  Facebook စာမျက်နှာမှ- 

ဆီးချိုရောဂါအတွက် ကြက်သံပုရာပေါင်း ဆေးနည်း

ဆီးချိုရောဂါသည်တွေအတွက် ကိုယ်တွေ့ကြုံခဲ့ရသူတွေဆီက ဓာတ်စာ ဆေးနည်းကို တဆင့်ပြန်လည် 
ဖောက်သည်ချ လိုက်ပါရစေ။ 

 ဆီးချိုရောဂါရဲ့ လက္ခဏာများ 

ဆီးချိုရောဂါသည်တွေအနေနဲ့ ဆီးချိုတိုင်းတာပြီး ဆီးချိုအမှတ် အရမ်းတက်နေတယ်ဆိုရင် လုပ်ရမယ့် အစားအသောက် ဆေးနည်းတမျိုးပါ။ 

လုပ်နည်းလုပ်ဟန်

ကြက်သား ၁၀ ကျပ်သားကို ဆားနဲ့ နနွင်း နယ်ပြီး ( ကျန်တာ ဘာဆို ဘာမျှ မထည့်ရ) သံပုရာ သီး စစ်စစ် တလုံး( မခွဲမစိပ်ပဲ သဘာဝ အလုံးအတိုင်း ) နဲ့အတူ ရောပြီး ပေါင်းရပါမယ်။ အကယ်၍ ကြက်သား ကို ၂၀ ကျပ် သားဆိုရင် သံပုရာသီးက ၂ လုံး ဖြစ်ပါမယ်။ 

ပေါင်းပြီးသား ကြက်သားနဲ့ ပေါင်းရည်ကို သောက်ခြင်းဖြင့် ဆီးချိုအမှတ် တက်မှုဟာ သိသိသာသာ ကျလာမှာဖြစ်ပါတယ်။ အရသာကတော့ နည်းနည်း ခါးသက်သက်နေပါလိမ့်မယ်။ 

ဒီနေရာမှာ အထူး သတိပြုစရာတခုကတော့ ကြက်သံပုရာပေါင်းရည်ကို သောက်လို့ ဆီးချိုအမှတ်ကျ လာ မှာဖြစ်ပေမယ့် ဆီးချို တိုင်းတာတဲ့ ကိရိယာနဲ့ တိုင်းတာခြင်း သို့မဟုတ် ဆရာဝန်နဲ့ တိုင်ပင်ပြသပြီး ဆီးချို အမှတ် ကျနေပြီဆိုရင် ကြက် သံပုရာ ပေါင်းရည်သောက်တာကို ရပ်ဆိုင်းထားရပါလိမ့်မယ်။ 

အကယ်၍ ဆီးချိုအမှတ်ကျနေပါလျှက် ပုံမှန်ဆီးအနေအထား ရောက်နေပြီး ဆက်သောက်မယ်ဆိုရင် လူ့ ခန္ဓာကိုယ်မှာ သကြားဓာတ်အလွန်ကျဆင်းသွားပြီး အခက်တွေ့ပါလိမ့်မယ်။ ဒါကို အထူးသတိထားဖို့တော့ လိုပါတယ်။ 

ဆီးချိုရောဂါ ၂ မျိုး ရှိပါတယ်။ တမျိုးက ခန္ဓာကိုယ်ထဲက အင်ဆူလင်ဓာတ် ထုတ်လုပ်မှု မလုပ်နိုင်တော့တာ မျိုး ဖြစ် ပါ တယ်။ ဒါကို အင်္ဂလိပ်လို "insulin-dependent diabetes mellitus" (IDDM) or "juvenile diabetes" လို့ လည်း ခေါ်ဆိုပါတယ်။ 

နောက်တမျိုးကတော့ ခန္ဓကိုယ်ထဲက အင်ဆူလင်ဓာတ်ကို သုံးစွဲမယ့် ဆဲလ် ပျက်စီးတာမျိုးပါ။ သူ့ကိုတော့ non insulin-dependent diabetes mellitus (NIDDM) or "adult-onset diabetes" ခေါ်ပါတယ်။

ဆီးချိုရောဂါ ဆိုတာ တကယ်တော့ သွေးထဲမှာ သကြားဓာတ်လွန်ကဲမှုဖြစ်နေတာကို ခေါ်ဆိုတာပါဘဲ။ ဆီးချိုရောဂါ ခံစားရပြီ ဆိုရင် သွေးထဲမှာ သကြားဓာတ်လွန်ကဲမှုကြောင့် ခကြာခဏဆီးသွားတာ မျိုး
တွေ ဖြစ်ပြီး ရေငတ်ခြင်း၊ မကြာခဏ ဆာ လောင် မွတ်သိပ် တာမျိုးတွေ ဖြစ်တတ်ပါတယ်။ 

ဆီးချိုရောဂါရဲ့ ဆိုးကျိုးတွေကြောင့် နောက်ဆက်တွဲ အနေနဲ့ နှလုံးရောဂါ ဖြစ်နိုင်သလို ကျောက်ကပ်လည်း ပျက်ဆီးနိုင်ပါတယ်။ ဒီအပြင် မျက်လုံးလည်း အမြင်အာရုံပျက်စီးစေတတ်ပါတယ်။ ဒီအပြင် အနာတခု ခန္ဓာ ကိုယ်မှာ ဖြစ်ခဲ့ရင် သွေးထဲမှာ သကြားဓာတ်လွန်ကဲမှုကြောင့် သွေးဖြူဥ အားနည်းပြီး အနာကို အမြန်ကျက်
ပြီး ပျောက်ကင်းစေမှုအားနည်းကာ တော်တော်နဲ့ အနာမကျက်ပဲဖြစ်တတ်ပါသေးတယ်။

ဒါကြောင့် ဆီးချိုရောဂါသည်တွေအတွက် အခု ကြက်သံပုရာပေါင်း ဆေးနည်းကို သုံးဆောင်ခြင်းဖြင့် 
သွေး ထဲက သကြား ဓာတ်လွန်ကဲမှုကို လျော့ကျစေနိုင်မှာဖြစ်ပါတယ်။ 

ကြက်သားနဲ့ သံပုရာသီးကို ပေါင်းလိုက်လို့ ထွက်လာတဲ့ ဓာတ်တမျိုးဟာ သွေးထဲက သကြား ဓာတ် လွန်ကဲနေတာတွေကို လျှော့ချနိုင်စွမ်းရှိပါတယ်။ 

ဆီးချိုရောဂါသည်များ စိတ်ချမ်းသာ ကိုယ်ကျန်းမာပြီး သက်သာ ပျောက်ကင်းနိုင်ကြပါစေ။ 

အိမ့်သံစဉ် ~ 

ပန်းသေပန်းညှိုးခြင်းအတွက် အစွမ်းထက် ကုထုံးသစ်တစ်ခုကို စမ်းသပ်နေ

 

ပန်းသေပန်းညှိုးခြင်းအတွက် အစွမ်းထက် ကုထုံးသစ်တစ်ခုကို စမ်းသပ်နေ ဓာတ်ငွေ့ ဖြည့်တင်းထားသည့် အလွန်သေးငယ်သော ပုတီးစေ့လေးများ

ပန်းသေပန်းညှိုး ဝေဒနာသည် အမျိုးသားများအတွက် ကုသရေး နည်းလမ်းသစ် တစ်ခုကို သုတေသီများက အတည်ပြု စမ်းသပ်နေကြောင်း သိရှိရသည်။ ဓာတ်ငွေ့ ဖြည့်တင်းထားသည့် အလွန်သေးငယ်သော ပုတီးစေ့လေးများသည် အမျိုးသားများ၏ လိင်မှုဘဝကို စိတ်ဆင်းရဲ၊ ကိုယ်ဆင်းရဲဖြစ်အောင် ဖိနှိပ်သည့် အခြေအနေကို တွန်းလှန်ရန် အကောင်းဆုံး အဖြေတစ်ခု ဖြစ်လာဖွယ် ရှိနေသည်။ ဆေးဘက်ဆိုင်ရာ သုတေသီများက ယင်းနည်းလမ်းသည် ဗီယာဂရာ ဆေးဝါးများထက် ပိုမို၍ အကျိုးသက်ရောက်မှု ထူးကဲမည်ဟု မျှော်လင့်လျှက် ရှိသည်။ စမ်းသပ်ဆဲ အဆင့်တွင်သာ ရှိနေသေးသည့် ယခုကုထုံးတွင် အလွန်သေးငယ်သော ပုတီးစေ့လေးများကို ဝေဒနာသည် အမျိုးသား၏ သုက်လွှတ်တံအတွင်း ထည့်သွင်းပေးရမည် ဖြစ်သည်။

အစောပိုင်း သုတေသန ရလဒ်များအရ ယခုနည်းလမ်းသည် ဆေးဝါးများ သုံးစွဲခြင်းထက် သက်ရောက်မှု အားကြီးကြောင်း သုတေသီများက ထောက်ခံထားသည်။ အကျယ် (၁)မီလီမီတာပင် မရှိသည့် အလွန်သေးငယ်သော ပုတီးစေ့လေးများကို ဝေဒနာရှင် အမျိုးသား၏သုက်လွှတ်တံ အနီးတဝိုက်တွင် ထည့်သွင်းပေးပြီး ယင်းတို့က နိုက်ထရစ်အောက်ဆိုက် ဓာတ်ငွေ့ကို ဖြည်းဖြည်းချင်း ထုတ်လွှတ်ပေးနေမည် ဖြစ်သည်။ အဆိုပါ ဓာတ်ငွေ့သည် သွေးကြောများကို ကျယ်ပြန့်စေသည့် အာနိသင်မျိုး ရှိနေပြီး ဝေဒနာသည်၏ မျိုးပွားအင်္ဂါ တစ်ဝိုက်တွင် သွေးရောက်ရှိမှုကို အထောက်အပံ့ ဖြစ်စေသည်။ ပန်းသေပန်းညှိုးခြင်းသည် သုက်လွှတ်တံတစ်လျှောက်ရှိ သီးခြား အခန်းငယ်လေး အတွင်းသို့ သွေးဝင်ရောက်နိုင်မှု မရှိတော့၍ဖြစ်ရာ ယခုကုထုံးက ယင်းဖြစ်စဉ်ကို တွန်းလှန်နိုင်မည်ဟု သိရသည်။

အဆိုပါ အခန်းငယ်လေးများသည် သဘာဝအလျောက် ရှုပ်ထွေးလွန်းသော သွေးကြောငယ်များဖြင့် ယှက်ဖြာနေပြီး ယင်းတို့၏ အတွင်းပိုင်း သွေးစီးဆင်းမှု အကြောင်းတစ်ခုခုဖြင့် အဟန့်အတား ဖြစ်လာခြင်းက ပန်းသေပန်းညှိုး ပြဿနာကို ပေါ်ပေါက်လာစေသည်။ ယခုပုတီးစေ့လေးများကမူ အဆိုပါ ဧရိယာတွင် သွေးလှည့်ပတ် ဝင်ရောက်မှုကို အားပေးနိုင်မည် ဖြစ်သည်။ အမျိုးသားများ ပန်းသေပန်းညှိုး ဝေဒနာ ကြုံရသည့် အကြောင်းရင်းများ၌ သွေးတိုးခြင်း၊ ဆီးချိုရောဂါရှိခြင်း၊ ကိုလက်စထရော များလွန်းခြင်းတို့လည်း အပါအဝင်ဖြစ်သည်။ ယခုနည်းလမ်းသည် ဆီးချိုကြောင့် လိင်သာယာမှု ပျောက်ဆုံးသွားသူများအနက် (၅၀)ရာခိုင်နှုန်းမှ (၇၅)ရာခိုင်နှုန်းထိကို အကူအညီ ပေးနိုင်မည်ဟု ပညာရှင်များက ခန့်မှန်းထားသည်။

ယခင်က နိုက်ထရစ် အောက်ဆိုက် ဓာတ်ငွေ့သည် နှလုံးသွေးကြောများကို ကျယ်စေသဖြင့် နှလုံးသွေးကြောကျဉ်း ရောဂါသည်များအတွက် အသုံးပြုရန် နည်းလမ်းတစ်ခုအဖြစ် တွေ့ရှိခဲ့သည်။ အမေရိကန်နိုင်ငံ၊ ရိုက်စ်တက္ကသိုလ်မှ သုတေသီများကမူ ယင်းအခြေခံ အာနိသင်ကို အခြားနည်းလမ်း တစ်ရပ်တွင် ပြောင်းလဲ အသုံးချခဲ့ခြင်း ဖြစ်သည်။ တိရစ္ဆာန်များဖြင့် စမ်းသပ်မှု ရလဒ်များအရ (၃)ပတ်မျှ အတောအတွင်း စွမ်းဆောင်ရည်ပိုင်း နိုးကြားမြင့်မားလာသည်ကို အတည်ပြု တွေ့ရှိထားပြီး ဖြစ်သည်။ ယခုစမ်းသပ်ချက်များသည် Type 2 ဆီးချိုနှင့် စပ်လျဉ်းသည့် ပန်းသေပန်းညှိုး ပြဿနာတွင်သာ အကျုံးဝင်သော်လည်း အခြားအကြောင်းရင်းများနှင့် ဆက်စပ်သည့် ဝေဒနာရှင်များအတွက်ပါ ကုထုံးကောင်းတစ်ခု ဖြစ်လာမည်ဟု ပညာရှင်များက ယုံကြည်လျှက် ရှိသည်။ ယခုအခါ ရိုက်စ်တက္ကသိုလ်မှ သုတေသီများသည် လူသားများနှင့် စမ်းသပ်ရန် စီစဉ်နေပြီ ဖြစ်သည်။

အခြားသော သတင်းများအရ သိပ္ပံပညာရှင် အချို့သည် ပန်းသေပန်းညှိုးမှု ဖြစ်နိုင်ခြေကို သိသိသာသာ လျှော့ချပေးမည့် စက်ဘီးထိုင်ခံ တစ်မျိုးကိုလည်း ဖန်တီးထားကြောင်း သိရှိရသည်။ ယခင် သုတေသန ရလဒ်များက စက်ဘီးစီးရာတွင် ပုံမှန်အားဖြင့် ကပ်ပယ်အိတ်ကို ထောက်ပံ့သည့် ပေါင်ခြံသွေးကြောများကို ပြင်းထန်စွာ ဖိနှိပ်ထားမှု ဖြစ်ပေါ်နေစေကြောင်း အတည်ပြု ဖော်ထုတ်ထားနိုင်ခဲ့သည်။ ရလဒ်အနေဖြင့် အမျိုးသား စက်ဘီးသမား တစ်ဦးသည် စက်ဘီးစီးနေချိန်တွင် သုက်လွှတ်တံသို့ သွေးပို့လွှတ်မှု (၇၀)ရာခိုင်နှုန်းမျှ လျော့ကျနေမည် ဖြစ်သည်။ ယင်းအခြေအနေ ကာလရှည်ကြာ သက်ရောက်နေပါက ပန်းသေပန်းညှိုး ပြဿနာ ကြုံနိုင်ခြေ မြင့်တက်လာမည်ဟု ဆိုသည်။ ပညာရှင်များက (၃)နာရီအထက် စက်ဘီးစီးမှုများသည် ရေရှည်တွင် အမျိုးသားများ၏ လိင်မှုဘဝကို ထိခိုက်စေနိုင်ကြောင်း သတိပေးထားသည်။

စပိန်နိုင်ငံ အလီဆန်တီ တက္ကသိုလ်မှ ပညာရှင်များကမူ ယင်းပြဿနာကို ဖြေရှင်းပေးမည့် စက်ဘီးထိုင်ခုံ တစ်ခုကို တီထွင်ဖန်တီးနေကြောင်း ပြောဆိုခဲ့ကြသည်။ အောက်ခြေတွင် ပတ္တာကဲ့သို့ နေရာရွှေ့ပြောင်းနိုင်သည့် ဒီဇိုင်းသစ် ထိုင်ခုံသည် ခန္ဓာကိုယ် တည်ရှိပုံ ထောင့်ချိုး အပြောင်းအလဲမျိုး ဖြစ်လာစေပြီး စက်ဘီးစီးနေစဉ် ပေါင်ခြံသွေးကြောများကို ဖိနှိပ်ထားခြင်းအား ရှောင်လွှဲနိုင်မည် ဖြစ်သည်။ ယင်းပစ္စည်းသည်လည်း စမ်းသပ်ဆဲ အဆင့်တွင်သာ ရှိနေပြီး ပန်းသေပန်းညှိုး ဝေဒနာကို ဆန့်ကျင်တိုက်ဖျက်ရာတွင် မည်သည့် ပမာဏထိ ထိရောက်အောင်မြင်မည်ကို သုတေသန ပြုနေဆဲဟု သိရှိရသည်။

Planet Myanmar Network

ဇရာအိုနဲ့ ဆီးကျိတ်ရောင် ရောဂါ

အမျိုးသားတွေဟာ အမျိုးသမီးတွေနဲ့မတူတဲ့ ကွဲပြားမှုတွေ ရှိကြတာ ပြောဖို့လိုမယ် မထင်ပါဘူး။ ငယ်ရွယ်စဉ် မသိသာသေးပေမယ့် အပျိုဖော်၊ လူပျိုပေါက် ဝင်ပြီးတဲ့နောက်မှာတော့ ပိုမိုသိသာထင်ရှား လာတယ်။အသံအနေအထား စတင်ပြောင်းလဲလာတယ်။ အမွှေးအမျှင်တွေ ပေါက်ရောက်လာတယ်။အတွေးအခေါ်၊ အမူအကျင့်၊ ကိုယ်နေဟန်ထား ပြောင်းလဲလာတယ်။ ကွဲပြားချက်တွေထဲမှာ အမျိုးသားတွေမှာသာ ပါရှိတဲ့ ဆီးကျိတ်ကလည်း တခုပါ။ အသက်ကြီးလေ ပိုမိုသိလေ ဆိုချင်ကြသူတွေအတွက် ဆီးကျိတ်က ဥပမာကောင်းတခု ဖြစ်ပါလိမ့်မယ်။ အသက်ကြီးသူများဟာ ဆီးကျိတ်အကြောင်းပိုသိလာသလို ဝေဒနာတွေ ခံစားလာရတယ်။ဆီးကျိတ်ရောင်ခြင်းက အသက်ငါးဆယ်ကျော် ခြောက်ဆယ်အရွယ် အမျိုးသားတွေကို ဒုက္ခကောင်းကောင်းပေးတတ်ပါတယ်။
အသက်ခြောက်ဆယ်ကျော် အမျိုးသားတွေရဲ့ ထက်ဝက်ခန့်ဟာ ဆီးကျိတ်ရောင်ရောဂါ ဖြစ်တတ်ကြပေမယ့် ဖြစ်သူစုစုပေါင်းရဲ့ ၁၀ရာခိုင်နှုန်းခန့်သာ ဆေးကုသဖို့ လိုတယ်ဆိုတဲ့ အချက်က စိတ်သက်သာစေပါတယ်။ ဆီးကျိတ်ရောင်တယ်လို့ အလွယ်ပြောကြပေမယ့် ဆီးကျိတ်ကြီးတယ် ဆိုတာကမှ အမှန်တရားနဲ့ ပိုမိုနီးစပ်ပါတယ်။ ဆေးပညာအခေါ်အဝေါ်အရကို benign prostatic hyperplasia (BPH)လို့ ဆိုတာကိုး။ hyperplasia ဆိုတာက ဆဲလ်တွေ ပုံမှန်ထက်များပြားလာပြီး ကြီးထွားတယ် ဆိုတဲ့အဓိပ္ပါယ်မျိုး သက်ရောက်ပါတယ်။ ဆီးကျိတ်ရောင်တယ်ဆိုရင်ပဲ BPH ကို ရည်ညွန်းမှန်း နားလည်ကြပါတယ်။


ဆီးကျိတ်ဆိုတာ ဘာလဲ။
--------------------------
ဆီးကျိတ်ဟာ ဆီးအိမ်ရဲ့အောက်ဖက် ကပ်လျက်မှာတည်ရှိပြီး ဆီးပြွန်ကို ဝန်းရံထားတယ်။ ဆီးအိမ်နဲ့ တဆက်တည်းဖြစ်တဲ့ ဆီးသွားပြွန်ဟာ ဆီးကျိတ်ကို ဖြတ်သန်းပြီး သွားရတယ်။ အမျိုးသားတွေမှာသာ ပါရှိပြီး ပုံမှန်အရွယ်အစားအားဖြင့် သစ်ကြားသီး(သို့) ကွမ်းသီးလုံးခန့်သာ ရှိပါတယ်။ ဆီးကျိတ်ဟာ အသက်ကြီးလာတာနဲ့အမျှ တဖြည်းဖြည်း ထူပြီးရောင်လာတယ်။ အရွယ်အစားဟာ ပုံမှန်ထက် နှစ်ဆ၊ သုံးဆခန့်ရှိတဲ့အခါမှာ ရောဂါလက္ခဏာ စတင်ပြသတော့တယ်။ နောက်ဆုံးမှာ သူဝန်းရံထားတဲ့ ဆီးပြွန်ကို ညှစ်တဲ့အခါ ဆီးကောင်းကောင်း မသွားနိုင်တော့ဘဲ ဒုက္ခပေးတော့တယ်။ အများအားဖြင့် ရောဂါလက္ခဏာစတင်ပေါ်ပေါက်မှသာ သတိထားမိတတ်ကြတယ်။ ဆီးကျိတ်ဟာ လူပျိုပေါက်အရွယ်မှာ တကြိမ်၊ အသက်သုံးဆယ်ကျော်အရွယ်မှာ တကြိမ် စုစုပေါင်း နှစ်ကြိမ် ကြီးထွားပါတယ်။ အသက်သုံးဆယ်ကျော်အရွယ်က စတင် ကြီးထွားတဲ့ ဆီးကျိတ်ဟာ အသက်ငါးဆယ်ကျော်ခန့်မှသာ ရောဂါလက္ခဏာ သိသာထင်ရှားကြတယ်။

ဆီးကျိတ်ရောင်တာ ဘာကြောင့်ဖြစ်သလဲ။
--------------------------------------------
ဖြစ်စေတဲ့အကြောင်းရင်းကို အတိအကျ မသိသေးပါ။ သီအိုရီများ၊ ယူဆချက်များအရ အသက်အရွယ်ကြီးရင့်၍ ဆီးကျိတ်ကြွက်သားများ ထူလာခြင်းကြောင့် ဖြစ်ပေါ်စေသလို ဟော်မုန်းဓာတ် ပြောင်းလဲမှုကြောင့် ဖြစ်ပေါ်စေပါတယ်။ အမျိုးသား ဟော်မုန်း တက်စတိုစတီရုန်း(testosterone) ပြောင်းလဲမှုကြောင့် ဖြစ်ပေါ်စေသည်ဟု လက်ခံထားသည်။ဟော်မုန်းဓာတ်နှင့်ဆိုင်သော သောက်ဆေးများပေးသောအခါ ဆီးကျိတ်ကြီးထွားမှုကို သိသာစွာလျော့နည်းစေသည်။ ထို့ပြင် အစားအသောက်၊ အနေအထိုင်နှင့်လည်း ဆက်စပ်မှုရှိပြန်သည်။

ဆီးကျိတ်ရောင်ခြင်းရဲ့ လက္ခဏာတွေက ဘာတွေလဲ။
--------------------------------------------------------
တဖြည်းဖြည်း ကြီးထွားလာတဲ့ ဆီးကျိတ်ဟာ ဆီးပြွန်ကို ဖိညှစ်ပြီး ပိတ်ထားတဲ့အတွက် ဆီးတွေဟာ ဆီးအိမ်ထဲ ပြန်ရောက်ပြီး ရောဂါလက္ခဏာတွေ စတင်ခံစားရပါတယ်။ ဒါ့အပြင် ဆီးအိမ်အထွက်မှာ ဖိညှစ်ထားတဲ့အတွက် ဆီးအိမ်ကို တင်းစေတဲ့ အပြင် ဆီးကောင်းကောင်းမသွားနိုင် ဖြစ်ရတယ်။ လက္ခဏာရပ်တွေကို ခြုံကြည့်ရင်
- ဆီးအိမ်တင်းတာ၊
-ဆီးကောင်းကောင်းသွားမရတာ၊
-ဆီးသွားပြီးတိုင်း ဆီးကျန်တာ၊
-အရင်ကထက် ပိုညှစ်ရတာ၊
-ညှစ်တဲ့အခါ ဆီးလုံးပိုသေးတာ၊
-ဆီးကအဝေးမရောက်တာ၊
-ဆီးမထိန်းနိုင်တာ၊
-မကြာခဏဆီးသွားချင်စိတ်ပေါ်တာ၊
-ဆီးသွားပြီးခါနီးရင် တစက်စက်ကျတာ၊
-သွားချင်စိတ်ရှိပေမယ့် တော်တော်နဲ့မထွက်တာ၊
-အရင်ကထက် ဆီးအကြိမ်ရေတွက် ပိုများတာ စ တာမျိုးတွေ ဖြစ်နိုင်ပါတယ်။ ကုသမှုမရှိရင် ရောဂါလက္ခဏာတွေဟာ ပိုပိုပြီးဆိုးလာတတ်ပါတယ်။ နောက်ပိုင်းမှာ နောက်ဆက်တွဲဆိုးကျိုးတွေပါ လိုက်လာတော့တယ်။ ဆီးလမ်းကြောင်းပိုးဝင်ခြင်း၊ဆီးအနည်ထိုင်ခြင်းမှတဆင့် ဆီးအိမ်ကျောက်တည်ခြင်း၊ဆီးမထုတ်နိုင်ခြင်း၊ နောက်ဆုံး ကျောက်ကပ် ပျက်ဆီးခြင်းတို့ကြောင့် အသက်သေဆုံးသည်အထိ ဖြစ်နိုင်ပါတယ်။ ဒါ့ကြောင့် ရောဂါလက္ခဏာ ပေါပေါက်လာတာနဲ့ အမြန်ဆုံး ဆရာဝန်နဲ့တိုင်ပင်ပြီး ဆေးကုသမှုခံယူသင့်ပါတယ်။

ဘယ်လိုအချိန်မှာ ကုသမှုခံယူရမလဲ။
---------------------------------------
အမျိုးသားများဟာ အသက် ငါးဆယ်ကျော်တာနဲ့ ဆီးကျိတ် ရောဂါဖြစ်နိုင်သူများ အဖြစ်သတ်မှတ်ပါတယ်။ ဒါ့ကြောင့် အသက်ငါးဆယ်ကျော်လျင် ရောဂါလက္ခဏာမရှိပေမယ့် တနှစ်တခါ ဆေးစစ်သင့်ပါတယ်။ တခါတရံ ဆေးစစ်ရင်း မတော်တဆ တွေ့တာမျိုးလည်း ရှိတတ်ပါတယ်။ ကြိုသိတဲ့အခါ ဆေးစား ဆေးသောက်ရုံနဲ့ သက်သာသွားတတ်ပါတယ်။ ရောဂါသိပ်ဆိုးလာမှ ကုသတဲ့အခါ ခွဲစိတ်ရတာ၊ခြစ်ထုတ်ရတာမျိုး လုပ်ရတတ်ပါတယ်။ ရောဂါလက္ခဏာနဲ့ ဆီးလမ်းကြောင်းပိတ်တဲ့အခြေအနေကို ကြည့်ပြီး ကုသဖို့ သတ်မှတ်ချက်တွေ ရှိပါတယ်။ international prostate symptom score(IPSS) အပြည်ပြည်ဆိုင်ရာ ဆီးကျိတ်လက္ခဏာ သတ်မှတ်ချက်တွေအရ ရောဂါ ကုသင့်၊ မကုသင့် ဆုံးဖြတ်ပါတယ်။
အဆင့်လေးဆင့် သတ်မှတ် ပြဌာန်းပါတယ်။
အဆင့်(၁) ရောဂါလက္ခဏာ မရှိသလို ဆီးလမ်းကြောင်း ပိတ်ဆို့မှု မရှိတဲ့ အဆင့်၊
အဆင့်(၂) ဆီးလမ်းကြောင်းနဲ့ဆိုင်တဲ့ လက္ခဏာတွေရှိပေမယ့် ဆီးလမ်းကြောင်း ပိတ်ဆို့မှုမရှိတဲ့အဆင့်၊
အဆင့်(၃) ဆီးလမ်းကြောင်း ပိတ်ဆို့တဲ့အဆင့်၊
အဆင့်(၄) ဆီးကျိတ်ရောင်တာ ကြာရှည်တဲ့အတွက် နောက်ဆက်တွဲဆိုးကျိုးတွေ ပေါ်ပေါက်လာတဲ့အဆင့်၊
ရောဂါအဆင့်(၁)မှာ ကုသမှုမလိုသေးဘဲ ဆရာဝန်ရဲ့ အနီးကပ်စောင့်ကြပ်မှုနဲ့ အစားအသောက်၊ အနေအထိုင် ဆင်ခြင်ဖို့သာ လိုအပ်ပါတယ်။ ဆေးစစ်မှုကို အချိန်မှန်မှန် လုပ်သင့်ပါတယ်။
အဆင့်(၂)မှာ ရောဂါလက္ခဏာသက်သာအောင် ဆေးပေးမှုတွေ လိုအပ်ပါတယ်။
အဆင့်(၃)မှာ ဆီးလမ်းကြောင်းပိတ်ဆို့တဲ့အတွက် ခွဲစိတ်ပြီး ဖြတ်ထုတ်တာ၊ ခြစ်ပစ်ရတာ၊heat အပူစွမ်းအင်ပေးကုသတာ၊ waveနဲ့ ကုသတာ၊ ethanolအရည်ထိုးထဲ့ပြီး အသားကို ရှုံ့စေတာ စသဖြင့် အမျိုးမျိုးအဖုံဖုံပေးပြီး ကုသကြပါတယ်။
အဆင့်(၄)မှာ နောက်ဆက်တွဲဆိုးကျိုးတွေဝင်ရောက်လာတဲ့အတွက် ခွဲစိတ်ဖြတ်ထုတ်ဖို့ လိုအပ်ပါတယ်။ ဆီးအိမ်ကျောက်တည်တာ၊ နောက်ဆုံးကျောက်ကပ် အလုပ်မလုပ်တာတွေထိပါလာပြီဖြစ်လို့ အသက်အန္တရာယ် စိုးရိမ်ရတဲ့အတွက် မလုပ်မဖြစ်လုပ်ရမယ်လို့ အကြံပြုထားပါတယ်။

ဘယ်လိုကုသနည်းတွေနဲ့ ကုသသလဲ။
-----------------------------------------
အဆင့် (၂) ကစပြီး ကုသဖို့ လိုအပ်ပါပြီ။ ဆီးကျိတ်ဆေးပေးတဲ့အခါ လက္ခဏာတွေကို သက်သာစေတဲ့ alpha blocker သောက်ဆေး အမျိုးအစားနဲ့ ဆီးကျိတ်အရွယ်အစားကို သေးငယ်စေတဲ့ 5-alpha reductase inhibitor ဆေးတွေကို အဓိက အသုံးပြုကြပါတယ်။ ပထမဆေးအမျိုးအစားက ဆီးကျိတ်ကြွက်သားတွေနဲ့ ဆီးအိမ်ကြွက်သားတွေကို ပြေလျှော့စေပြီး ရောဂါလက္ခဏာကို သက်သာစေပါတယ်။ tamsulosin,alfuzosin,prazosin,doxazosin,terazosin စတဲ့ဆေးတွေကို အသုံးပြုကြပါတယ်။ tamsulosin နဲ့ alfuzosin တို့က ဆီးကျိတ်အတွက် အဓိကအသုံးပြုတဲ့ဆေးတွေ ဖြစ်ပါတယ်။ testosterone ကျားဟော်မုန်းက DHT(dihydrotesterone) ကို ပြောင်းလဲပေးတဲ့ အင်ဇိုင်းဓာတ်(5alpha- reductase)ကို တားမြစ်စေခြင်းကြောင့် ဆီးကျိတ်ရဲ့အရွယ်အစားကို သေးငယ်စေပါတယ်။ finasteride,dutasteride စတဲ့ဆေးတွေကို ၆လမှ တနှစ်ထိ သောက်သုံးတဲ့အခါ ဆီးကျိတ်အရွယ်အစားကို ၄ပုံ ၁ပုံခန့် လျှော့ကျစေတယ်လို့ ဆိုပါတယ်။ သို့သော် အဆိုပါဆေးများဟာ ရေရှည်သောက်သုံးဖို့ လိုအပ်သလို side effect ဘေးထွက်ဆိုးကျိုးတွေလဲ ပိုမိုခံစားရတတ်ပါတယ်။ ပန်းသေပန်းညှိုးအတွက် အသုံးပြုသော sildenafil,ကြွက်သားများပျော့ပျောင်းစေသည့် tolterodine တို့ကိုလည်း သုံးစွဲသူက သုံးကြသည်။ဆီးကျိတ်မှာ အဆိုပါသောက်ဆေးများအပြင် herbal တိုင်းရင်းဆေးများကိုလည်း အသုံးပြုတတ်ကြပါတယ်။ အသုံးအများဆုံးနှင့် နာမည်အကျော်ကြားဆုံးတိုင်းရင်းဆေးမှာ saw palmetto (မြန်မာအခေါ် ဆေးထန်းပင်သီး ) ဖြစ်သည်။ ဆေးထန်းပင်သီးမှ ထုတ်သည့် အဆီအနှစ်သည် ရောင်ရမ်းခြင်းကိုကျဆင်းစေသည့်အပြင် ဆီးကျိတ်အရွယ်အစားကိုပါ သေးငယ်စေသည်။ သို့သော် အမေရိကား FDA ကမူ လက်မခံသေးဘဲ ထပ်မံစမ်းသပ်စစ်ဆေးမှုတွေပြုလုပ်သင့်သည်ဟု သတိပေးထားသည်။ အခြားတိုင်းရင်းဆေးများစွာကိုလည်း ဆီးကျိတ်အတွက် အသုံးပြု ကြသည်။
အဆင့်(၃) ရောဂါအတွက် ဆီးလမ်းကြောင်းပိတ်ဆို့မှုကို သက်သာစေသည့် ဆီးကျိတ်အတွင်းနံရံကို ဖြတ်ထုတ်ပစ်သည့် TURP(transurethral resection of prostate ) ခွဲစိတ်နည်းကို အသုံးပြုကြသည်။အခြားနည်းများမှာ စွမ်းအင်လှိုင်းသုံး၍ကုသခြင်း(transurethral microwave therapy)၊အပူပေးကုသခြင်း(transurethral needle ablation)၊ laser နှင့် ကုသခြင်း၊ ethanol ထိုးထဲ့၍ ကုသခြင်း၊ စသဖြင့် အမျိုးမျိုး ကုသနိုင်သည်။

ဘယ်လိုနေထိုင်စားသောက်ဖို့ လိုသလဲ။
-------------------------------------------
ဆေးမလိုသေးသူတွေဟာ အနေအထိုင်၊ အစားအသောက် ဆင်ခြင်ရုံနဲ့ သက်သာတတ်ပါတယ်။
-ဆီးသွားချင်စိတ် ပေါ်တာနဲ့ ဆီးသွားထားပါ။
-အရက်၊ကော်ဖီ ရှောင်ကြဉ်သင့်တယ်။အထူးသဖြင့် ညပိုင်းတွေမှာ ပိုမိုသတိထားရတယ်။
-တကြိမ်ထဲနဲ့ ဗိုက်တင်းအောင် ရေအဝ မသောက်ပါနဲ့။ နဲနဲစီခွဲပြီး မကြာခဏ သောက်သုံးသင့်တယ်။
-ညမအိပ်ခင် နှစ်နာရီအတွင်း ရေသောက်ခြင်းမှ ရှောင်ကြဉ်ပါ။
-အေးတဲ့ရာသီဥတုက ဆီးသွားစေတဲ့အတွက် နွေးနွေးထွေးထွေး နေပါ။
-ကိုယ်လက်လှုပ်ရှား အားကစားကို ပုံမှန်လုပ်ဆောင်သင့်တယ်။
-အအေးမိနှာစေး ပျောက်ဆေးတွေကို သတိနဲ့သောက်သုံးသင့်တယ်။
-တင်ပဆုံကြွက်သားလေ့ကျင့်ခန်း(kegel exercise) က ဆီးကျိတ်ရောဂါအတွက် သင့်တော်တယ်လို့ ဆိုပါတယ်။
-မကြာခဏစိတ်လှုပ်ရှားခြင်း၊ စိတ်ဖိစီးမှုများခြင်းက ဆီးသွားချင်စိတ်ကို ပိုမိုဖြစ်ပေါ်စေလို့ သတိထားသင့်တယ်။
ရှောင်ကြဉ်သင့်တဲ့အစားအစာတွေက အဆီအဆိမ့်များတဲ့ အစားအစာတွေ၊ကစီဓာတ်များတဲ့ အစားအစာ၊ ထောပတ်၊ချီးစ်၊မာဂျရင်း၊ ကော်ဖီ၊ အရက်၊ ဘီယာ၊ ဆေးလိပ် စတာတွေ ဖြစ်ပါတယ်။
စားသုံးသင့်တဲ့ အစားအစာတွေက ဟင်းသီးဟင်းရွက်၊ သစ်သီးဝလံ၊ ငါး၊ ပန်းသီး၊ စပျစ်သီး၊ ဖရုံသီး၊ ကြက်သွန်နီ၊ ပဲပုတ်၊ လက်ဖက်စိမ်းရွက်(စို၊ခြောက်)စသည်တို့ ဖြစ်ပါတယ်။ omega3 ပါတဲ့ အစားအသောက်၊ဆေးဝါးတွေကို သောက်သုံးသင့်တယ်။ ဝမ်းမချုပ်စေဖို့တော့ အထူးဂရုပြုသင့်တယ်။ နောက်ဆုံးအနေနဲ့ ဆေးဝါးတွေကို ဆရာဝန်ခွင့်ပြုချက်နဲ့သာ သောက်သုံးသင့်ကြောင်း အကြံပေးပါရစေ။


ဒေါက်တာ အေးမင်းထူး
ဆေးပညာဆိုင်ရာဆောင်းပါးများhttps://www.facebook.com/HealthArticles2013

Irritable bowel syndrome(IBS)ခံစားမှုရဲ့ စေ့ဆော်ရာ အူလမ်းကြောင်းလှုပ်ရှားမှု ရောဂါ

လူ့ခန္ဓာကိုယ်ရဲ့ ဇီဝဖြစ်စဉ်တွေဟာ စိတ်ခံစားမှုအတက်အကျပေါ်မူတည်ပြီး ထူးဆန်းဖွယ် လိုက်လံပြောင်းလဲတတ်ကြတယ်။ စိတ်စေတသိတ်ရဲ့စေစားမှုနောက်ကို ခန္ဓာကိုယ်က လိုက်လံလှုပ်ရှားပေးနေရတယ်။
တချို့ရောဂါတွေမှာစိတ်ရဲ့ခံစားမှုက အရေးကြီးတဲ့အပိုင်းမှာ ပါလာတယ်။စားတာသောက်တာ၊နေတာထိုင်တာ ဝတ်တာစားတာကအစ ပူတာအေးတာလဲ ဒီစိတ်ကပဲ သိတာမဟုတ်လား။သွားချင်လာချင်၊ ပျော်ချင်ပါးချင်တာလဲ ဒီစိတ်ပဲ။စိတ်ဆိုးဒေါသထွက်တာလဲဒီစိတ်ပဲ။ ထိန်းချုပ်ချင်ပေမဲ့ ထိန်းရခက်တာလဲ ဒီစိတ်ပဲ။

တိုင်းရင်းဆေးပညာမှာတော့ ကံ၊စိတ်၊ဥတု၊အာဟာရ မျှတဖို့ အရေးကြီးတယ် လို့ဆိုတယ်မလား။အနောက်တိုင်းဆေးပညာမှာလဲ ရုပ်ပိုင်းဆိုင်ရာတင်မက စိတ်ပိုင်းဆိုင်ရာမှာပါ ကျန်းမာသူကိုမှ well-being ကျန်းမာခြင်းအစစ်အမှန်လို့ ပြောင်းလဲသတ်မှတ် ထားကြပြန်တယ်။
 တချို့က လူမှုဆက်ဆံရေးမှာပါ ပြည့်စုံဖို့လိုအပ်သေးသတဲ့။
 ပြဿနာက စိတ်ဆိုတာ လေနှင်ရာ လွင့်ရတဲ့ တိမ်တိုက်လိုမဟုတ်လား။အပြောလွယ်ပြီး အလုပ်ခက်တာထဲမှာ သူကထိပ်ဆုံးက။ စိတ်ညစ်စရာတွေ့ရင် ပျော်အောင်နေဖို့လွယ်တာမှမဟုတ်တာ။ပြဿနာက သူတို့ရဲ့ခံစားမှုပေါ်လိုက်ပြီးကိုယ်တွင်းအင်္ဂါ ဇီဝဖြစ်စဉ်တွေ ပြောင်းလဲတတ်ကြတယ်။

တချို့တွေမှာ ပုံမှန်ထက် ထိလွယ်ခိုက်လွယ်တာပဲ။ အင်္ဂလိပ်လိုတော့ irritate လို့ သုံးကြပါတယ်။ သူက သိပ် irritate ဖြစ်တာပဲဆို စိတ်ဆိုးလွယ်၊ ဒေါသထွက်လွယ် သူတွေကို ပြောတဲ့စကားပါ။ ထိလွယ်၊ခိုက်လွယ်၊ခံစားလွယ်သူပေါ့။အလားတူ ဒီလိုလူတွေမှာ စိတ်ခံစားမှုကြောင့် ခန္ဓာကိုယ်တွင်း အစာချေဖျက်ပေးတဲ့ အူလမ်းကြောင်းမှာ လုပ်ငန်းဆောင်တာအချို့ ပြောင်းလဲလာတတ်ပါတယ်။

ဒါမျိုးကို irritable bowel လို့ ခေါ်ပါတယ်။ ဒီဆေးပညာယူဆပုံ အသုံးအနှုံးကို ၁၉၅၀ခုနှစ်ထုတ် rocky mountain ဆေးပညာဂျာနယ်မှာ စတင်သုံးစွဲခဲ့ပါတယ်။ နောက်ပိုင်းမှာ တွေ့ရှိလာတဲ့ လက္ခဏာရပ်တွေစုစည်းပြီး irritable bowel syndrome (IBS)လို့ခေါ်ဝေါ်သုံးစွဲလာကြပါတယ်။
spastic colon လို့လည်း အသိများကြပါတယ်။

တချို့ရောဂါတွေမှာ ဆေးပညာရှင်တွေအဖို့ သူငယ်တန်း စာတွေကျေညက်ဖို့လည်း အရေးကြီးသေးတယ်။ မှတ်ရလွယ်စေဖို့ အင်္ဂလိပ်အက္ခရာ ပြန်သင်ရတယ်။IBSရောဂါလက္ခဏာအတွက်တော့ ရှေ့ဆုံး ဗျည်းလေးလုံး သိဖို့ လိုအပ်လာတယ်။A-abdominal pain ဗိုက်နာတာ၊B-bloating ရင်ပြည့်ရင်ကယ်၊C-constipation ဝမ်းချုပ်စေတာ၊D-diarrhoea ဝမ်းသွားချင်တယ်၊တချို့မှာ ချုပ်လိုက် သွားလိုက်ဖြစ်နေနိုင်တယ်။ အဓိကလက္ခဏာလေးခုအပြင် တခြားလက္ခဏာတွေလဲ ဖြစ်တတ်သေးတယ်။ ပျို့ချင်အန်ချင်တယ်၊လေချင်တက်မယ်၊ဝမ်းသွားပြီးတိုင်း ဝမ်းကျန်သလို ခံစားရတယ်၊ ဗိုက်ဖောင်းပြီး တင်းနေမယ်။ဝမ်းသွားရင် အကျိအချွဲပါလာတယ်။လမ်းကြောင်းနဲ့ မဆိုင်တဲ့ ဟိုနား၊ဒီနား ကိုက်တာ၊မောပန်းချင်၊အားအင်ကုန်ခန်း၊ဆီးအိမ်တင်းပြီး ဆီးသွားချင်စိတ်များတာတွေဟာ စိတ်ခံစားမှုအလိုက်ဖြစ်တတ်တယ်။

အများအားဖြင့် ဒီရောဂါဖြစ်သူရဲ့ ၆၀ရာနှုန်းလောက်က စိတ်ဖိစီးမှုများသူ၊စိတ်ကျသူ၊ စိတ်လှုပ်ရှားလွယ်သူတွေ ဖြစ်ကြတယ်။ စိတ်ခံစားမှုပြောင်းလဲလွယ်တဲ့ အမျိုးသမီးတွေမှာ ၂ဆခွဲလောက် ပိုမိုဖြစ်တတ်ကြတယ်။ လူပျို၊အပျိုပေါက်အရွယ်မှ လူကြီးပိုင်းဝင်စ အရွယ်၂၀-၃၀ကြား တွေမှာ စတင်တွေ့ရတယ်။ နောက်ပိုင်း စိတ်ခံစားမှုအလိုက် ပေါ်လိုက်ပျောက်လိုက်ဖြစ်တတ်ကြတယ်။တချို့ ဖြစ်မှန်းမသိ ဖြစ်သူလည်းမနည်းလှဘူး။ လူကို ကြီးကြီးမားမား ဒုက္ခပေးတာလဲ မရှိတတ်ဘူး။ဒါ့ကြောင့် disease ရောဂါလို့အမည်မတပ်နိုင်ပဲ syndrome လက္ခဏာလို့ အမည်တပ်ထားတယ်။ အင်္ဂလန်မှာ ၅ယောက် ၁ယောက် တွေ့ရတယ်။ဘရာဇီး၊မက္ကဆီကိုဖက်မှာ ပိုတွေ့ရတယ်။ နောက်ပိုင်းနှစ်တွေမှာ ရောဂါလက္ခဏာခံစားရသူ ပိုမိုများလာတယ်။ suicidal ကိုယ့်ဘာသာ သတ်သေနှုန်းလည်း တဖြည်းဖြည်း မြင့်တက်လာတယ်။

ဖြစ်စေတဲ့ အဓိကအကြောင်းရင်းဟာ စိတ်ဖိစီးမှု၊စိတ်သောကကြောင့် စိတ်ဓာတ်ကျတာကို bowel အူလမ်းကြောင်းက လွန်လွန်ကဲကဲ တုံ့ပြန်လို့ ဖြစ်ကြတယ်။ ဖြစ်သူစုစုပေါင်းရဲ့ ထက်ဝက်ကျော်ဟာ စိတ်ကြောင့် ဖြစ်ပေါ်စေတယ်။ရောဂါပိုးဝင်၊ဝမ်းပျက်ဝမ်းလျှောဖြစ်ပြီးနောက် တချို့လည်း ဒီရောဂါစဖြစ်လာတယ်။၂၀ ရာနှုန်းလောက်ရှိမယ်။ အစားအသောက်၊အနေအထိုင်တွေနဲ့လဲ ဆိုင်တယ်လို့ သီအိုရီတွေက ဆိုတယ်။ serotonin ရဲ့ လုပ်ဆောင်မှုကလည်း အရေးကြီးကဏ္ဍအနေနဲ့ ပါဝင်လာတယ်။ အူရဲ့ပုံမှန်လုပ်ဆောင်မှုဟာ ပြောင်းလဲလာတယ်။bowel ဆိုတဲ့စကားလုံးမှာ အူသိမ်၊အူမကြီး နှစ်မျိုးလုံးပါဝင်ကြတယ်။အူသိမ်ရဲ့ တာဝန်က ဝင်လာတဲ့အစားအသောက်ထဲက အာဟာရစုပ်ယူဖို့။ အူမကြီးက စွန့်ပစ်ဖို့။ အာဟာရစုပ်ယူရတဲ့ အူသိမ်ဟာ ၂၂ပေလောက်ရှည်တယ်။သေးသေးနဲ့ ရှည်ရှည်။အမျိုးသမီးတွေမှာ ၂၃ပေ ကျော်လောက်ရှိတယ်။ ခန္ဓာဗေဒအရဆိုရင် အမျိုးသမီးတွေ အူတိုတတ်တာ လုံးဝမမှန်ဘူး။စွန့်ပစ်ဖို့တာဝန်ယူထားရတဲ့ အူမကြီးဟာ ၅ပေ လောက်ရှိတယ်။ တိုတို တုတ်တုတ်နဲ့ အလုပ်ပြီးအောင်လုပ်ရတယ်။ဒီအလုပ်တွေပုံမှန်မလုပ်တဲ့အခါ ဟိုမရောက်ဒီမရောက် လေထိုးလေအောင့်နဲ့ လူကိုဒုက္ခရောက်စေတယ်။နာတာ၊တင်းတာအပြင် လေမထွက်တာကလည်း ခံရခက်စေတယ်။ စိတ်ဖိစီးမှု၊ စိတ်လှုပ်ရှားမှုမရှိရင် ရောဂါ လက္ခဏာတွေလည်း ပျောက်သွားတယ်။ ပုံမှန် အကောင်းတိုင်း ပြန်ဖြစ်သွားတယ်။

သွေးစစ်၊ဆီးစစ်၊ဓာတ်မှန်ရိုက်ရုံနဲ့ ဒီရောဂါမှန်း မသိနိုင်ပါ။ တခြားရောဂါမဟုတ်မှန်းတော့ သိနိုင်ပါတယ်။exclusion method တခြားရောဂါ ကြီးကြီးမားမားမရှိကြောင်း စစ်ဆေးပြီး IBS လို့ သိရှိနိုင်တယ်။တခြားဆင်တူတဲ့ ရောဂါတွေ မနည်းလှဘူး။ရောဂါစစ်စစ် မဟုတ်လို့ စစ်ဆေးရခက်ပါတယ်။ရောဂါ မဟုတ်တဲ့အတွက် ဖြစ်တဲ့လက္ခဏာကို ကုသရတယ်။ ဝမ်းပိတ်သူတွေအတွက် ဝမ်းပျော့ဆေး၊ ဝမ်းနုတ်ဆေးတွေ ပေးရတတ်တယ်။ magnesium trisilicate၊lactulose၊ ispaghula fibreတွေ သောက်သုံးပေးရတယ်။ soluble fibreအမျှင်ဓာတ်ကို ထည့်ပေးရတယ်။ ဈေးကွက်မှာ ispaghula fibre နဲ့ lactulose နှစ်မျိုးပေါင်းကို Livoluk fibre နာမည်နဲ့ ရရှိနိုင်ပါတယ်။အရပ်ပြော တရုတ်ဝမ်းပျော့ဆေး ပန်းရောင်လုံးတွေ သုံးဖို့ စိတ်မကူးစေချင်ပါ။ဓာတ်ခွဲခန်းတွေမှာ အရောင်ဆိုးဆေးအတွက် အသုံးချတဲ့ဓာတ်တမျိုးဖြစ်ပြီး အခန့်မသင့်ရင် ဆီးအိမ်ကင်ဆာပါ ဖြစ်ပေါ်တတ်ပါသေးတယ်။ ဝမ်းလျှောသူအတွက် ဝမ်းပိတ်ဆေး၊ဗိုက်နာဗိုက်အောင့်ရင် antispasmodic ဆေးတွေနဲ့ သက်သာတတ်ပါတယ်။လေထိုးလေအောင့် ရင် semithicone၊ charcoal စတာတွေကို ဆရာဝန်က ညွန်ပါမယ်။serotonin နဲ့ဆိုင်တဲ့ ဆေးအချို့ လိုကောင်းလိုမယ်။amitriptyline ၊nortriptyline စတာတွေ ရေရှည်သုံးရတတ်တယ်။ သိသိသာသာ သက်သာသူများကြတယ်။ဘေးထွက်ဆိုးကျိုးနဲ့တော့ ပြန်ချိန်ရတယ်။ ဘယ်ဆေးမဆို ဆရာဝန်ညွှန်ကြားမှသာ သောက်သုံးရတယ်။

ရောဂါလက္ခဏာသက်သာစေဖို့ ဆိုရင်
-ရေများများသောက်ပေးပါ။
-အမျှင်ဓာတ်ပါတာ များများစားပေးပါ။
-ဗိုက်နာရင် ရေနွေးအိတ်(သို့) ပုလင်းတင်ပေးနိုင်တယ်။
-လိုအပ်တဲ့ သောက်ဆေးတွေကို ဆရာဝန်ညွှန်ကြားချက်နဲ့သာ သောက်သုံးရပါမယ်။
-နေ့စဉ် ကိုယ်လက်လေ့ကျင့်ခန်း အနည်းဆုံး နာရီဝက်၊ တပတ် ၅ရက် လုပ်ဆောင်သင့်တယ်။
-ယောဂ၊ထိုက်ချိ၊ရေကူး၊ကိုယ်လက်လှုပ်ရှားမှု ပုံမှန်လုပ်ဆောင်ခြင်းဟာ စိတ်ခံစားမှုကိုအကျိုးရှိစေတယ်။
-တရားထိုင်ခြင်းအကျိုးကို အနောက်တိုင်းဆေးပညာက တော်တော်အသိမှတ်ပြုလာတယ်။ စိတ်နဲ့ပတ်သက်တဲ့ရောဂါတွေအတွက် အကောင်းဆုံးကုသနည်း တခုဖြစ်ပါတယ်။
-အစားအသောက် ဆင်ခြင်ပါ။အပူအစပ်၊ကော်ဖီ၊လက်ဖက်ရည်၊ဘီယာ၊အရက်ရှောင်ပါ။
-ကစီဓာတ်၊အဆီအဆိမ့် လျှော့စားပါ။ပူလွန်း၊အေးလွန်းတာလည်း မကောင်းဘူး။
-လက်တို့စ်၊ဖရူးတို့စ်ပါတာ ရှောင်ကြဉ်သင့်တယ်။နွားနို့၊ဒိန်ချဉ်၊အချိုရည် ရှောင်ကြဉ်ပေးရတယ်။
-ပျော်ပျော်ပါးပါး နေထိုင်ပါ။ အကောင်းဖက်က ရှုမြင်ပါ။ စိတ်ဖိစီးမှုကင်းအောင် တတ်နိုင်သမျှနေထိုင်ပါ။ သက်သာလာပါလိမ့်မယ်။

ဒေါက်တာ အေးမင်းထူး

နားကိုက်ခြင်းအတွက် လွယ်ကူသက်သာ နည်းလမ်းကောင်းများ

 

နားကိုက်ခြင်း(earache) ဟာ နားကိုပိုးဝင်ခြင်းကြောင့် ဖြစ်ရပြီး အလယ်နား(middle ear) မှာ လေတွေနဲ့ပြည့်နေပါတယ်။ ဘက်တီးရီးယားပိုးဝင်တာဖြစ်လို့ နားနာကျင်မှု ဖြစ်ရပါတယ်။ နားထဲမှာ ပုစဉ်း အော်သံလို၊ ၀ီစီမှုတ်သံလို ကြားရပြီး မခံမရပ်နိုင်အောင် ဖြစ်ရပါတယ်။
ဖြစ်ရသော အကြောင်းရင်းများ -
- နားပြွန်ပိတ်ဆို့ခြင်း
- သွားဖုံးတွင် ပိုးဝင်ခြင်း၊ သွားပိုး စားခြင်း
- နားထိခိုက်မှု၊ နားစည်ထိခိုက်မှုဖြစ်ခြင်း
- နားဖာချေး ပိတ်ဆို့ခြင်း
- အဆစ်ရောင်ခြင်း
- အာသီးရောင်ခြင်း
- လည်ချောင်းနာခြင်း၊ ရောင်ခြင်း တို့ပဲ ဖြစ်ပါတယ်။
Tip  1 – ပင်စိမ်းရွက်သတ္တုရည်နှစ် စက်ခန့် နားထဲသို့ ခတ်ပေးပါ။
Tip  2 – ရေကျက်ကျက်ဆူထဲသို့ ကြက်သွန်ဖြူကိုပြုတ်ပါ။ ချေပြီးရင် ဆားအနည်းငယ်နဲ့နယ်ပါ။ ရလာတဲ့ အဖတ်တွေကို ပ၀ါပါးပါးလေးနဲ့ ထုပ် ပြီးနားပေါ်မှာ အုံပေးရင် နားကိုက်ခြင်း သက်သာနိုင်ပါတယ် ။
Tip  3 – နားရောင်ရမ်းမှု ဖြစ်တယ်ဆိုရင် မုန်ညင်းဆီ နှစ်စက်၊ သုံးစက် လောက် ခတ်ပေးရင် ရောင်ရမ်းမှု သက်သာစေပါတယ်။
Tip  4 – ရေနွေးဆူဆူတစ်ခွက်ထဲကို ယူကလစ်ဆီ လက်ဖက်စားဇွန်း တစ် ဇွန်းနဲ့ vicks  တစ်ဇွန်းထည့်ပါ။ ခေါင်းကိုတဘက်နဲ့ပေါင်းပါ။ ခုနက ရေနွေးငွေ့ကို ရှုပေးပါ။ နားထဲက ဖိအားနဲ့ နားထဲမှာအရည်တစ်ခုခု ပိတ်နေရင် ပြန်လည်ကျဆင်းစေပါ တယ်။
Tip  5 – စားသုံးပေးသင့်တဲ့ အသီးများ ထဲမှာ လီမွန်၊ လိမ္မော်၊ စတော်ဘယ်ရီ၊ ဂရိတ်ဖရုနဲ့ သံပရာသီးတွေ ပါဝင် ပါတယ်။
Tip  6  ရောင်ရမ်းခြင်းကို ဂျင်းရည်တစ်စက်နှစ်စက်ခတ်ပေးခြင်းက သက်သာစေနိုင်ပါတယ်။
အခုဖော်ပြထားတဲ့ နည်းလမ်းတွေဟာနားကိုက်ခြင်းအတွက် လွယ်ကူပြီး ထိရောက်တဲ့အပြင် ဘေးထွက် ဆိုးကျိုးလည်းနည်းပါးတဲ့အတွက် ဖော်ပြပေးလိုက်ရပါတယ်။

သက်ကို
ref: ANI

တစ်နေ့တာလိုအပ်သော အာဟာရများ

Photo-ကိုကြည်နိုင်

(၁) ပိုတက်ဆီယမ်
တစ်နေ့တာလိုအပ်ချက်- ၄.၆ ဂရမ်
ငှက်ပျောသီးတစ်လုံးတွင် ပါဝင်သော ပိုတက်ဆီယမ် – ၀.၄ ဂရမ်
အကျိုးကျေးဇူး – သွေးပေါင်ပုံမှန်ဖြစ်စေရန် ထိန်းပေးသည်။ သားသမီး ထွန်းကားစေရန် အထောက်အကူဖြစ်စေပြီး ကြွက်သားနှင့် နဗ်ကြောစွမ်းရည်တိုးတက်စေသည်။
ငှက်ပျောသီး၊ နို့၊ အာလူး၊ ထောပတ်သီးတို့တွင် ပေါများစွာပါဝင် သည်။

(၂) မဂ္ဂနီဆီယမ်
တစ်နေ့တာလိုအပ်ချက် – ၄၀၀ မီလီ ဂရမ်
မက်မွန်သီး တစ်အောင်စတွင်ပါဝင်သော မဂ္ဂနီဆီယမ်ပမာဏ – ၈၀ မီလီဂရမ်
မဂ္ဂနီဆီယမ်ဓါတ်ချို့တဲ့ခြင်း သည် အရိုးပါးရောဂါ (osteoporosis) ၊ဆီးချိုရောဂါ၊ သွေးတိုးရော ဂါများ၊ ကြွက်တက်သည့်ပြဿနာ များနှင့် ဆက်စပ်လျက်ရှိသည်။ ဟင်းနုနွယ်၊ ပဲမျိုးစုံနှင့် အခွံမာသီးအစေ့ များတွင် ပေါများစွာပါဝင်သည်။

(၃) ဗိုက်တာမင်အေ
တစ်နေ့တာလိုအပ်ချက် – ၅၀၀ IU
မုန်လာဥနီဆယ်လုံးတွင် ပါဝင်သော ဗိုက်တာမင်အေပမာဏ – ၁၃၈၀၀ IU
အမြင်အာရုံ၊ ကိုယ်ခံအားနှင့် တစ်ရှူးကြီးထွားခြင်းကို အထောက်အပံ့ဖြစ်စေသည်။ အာလူး၊ မုန်လာဥနီ၊ ဟင်းနုနွယ်၊ ပန်းဂေါ်ဖီများတွင် အဓိကပါဝင်သည်။

(၄) ကယ်လ်ဆီယမ်
တစ်နေ့တာလိုအပ်ချက် – ၁၀၀၀ မီလီဂရမ်
နို့ရှစ်အောင်စတွင် ပါဝင်သော ကယ်လ်ဆီယမ်ပမာဏ – ၂၉၉ မီလီဂရမ်
သွားနှင့်အရိုးများကိုခိုင်မာစေသည်။ ကြွက်သားလုပ်ငန်းကောင်းမွန်စေပြီး
 နှလုံးခုန်နှုန်းနှင့်သွေးဖိအားပုံမှန်ဖြစ်စေရန် ထိန်းသိမ်းပေးသည်။ နို့ထွက်ပစ္စည်း၊ ဆာမွန်ငါး၊
ကိုက်လန် ရွက်၊ ပန်းဂေါ်ဖီတို့တွင် အဓိကပါဝင် သည်။

သီဟ
Source:WebMD
Health Updates Journal