အံ့ဖွယ် အစွမ်းထက်တဲ့ ရှားစောင်းလက်ပတ်

ဒီနေ့မြန်မာ့အသံမှာလာတဲ့ယဉ်တကိုယ်မယ် လေးပြောသွားသလိုပဲ ရှားစောင်းလက်ပတ်လေးအကြောင်းကို သူပြောတာထက် အသုံးဝင်ကြောင်းလေးကိုသူငယ်ချင်းတို့ကိုပြောပြပေးချင်ပါတယ်။ လူတိုင်းအလှအပကိုမြတ်နိုးကြမယ်လို့ထင်ပါတယ်။ ရှားစောင်းလက်ပတ် ရဲ့ ဂျယ်လီလိုဖြစ်နေတဲ့ အသားတုန်တုန်ကလေးတွေကို မျက်နှာမှာအသာလိမ်းပေး မယ်ဆိုရင်မျက်နှာပေါ်မှာ ဖြစ်တတ်တဲ့ အမဲကွက်တွေ နေလောင်တာတွေကိုကာကွယ်ပေးပါတယ်။

အသားအရေ ခြောက်တာလည်းမဖြစ်တော့ဘူးပေ့ါ။ မိန်းကလေးတွေအများစုဟာမိတ်ကပ်ကိုလိမ်းတတ်ကြပါတယ် မနက်ပိုင်းလိမ်းပြီးလို့ မိတ်ကပ်ကြောင့်အသားအရေးမပျက်စီးရအောင် ညနေအိမ်ပြန်ရောက်တဲ့အခါ(သို့)ညအိပ်ယာဝင်ခါနီး မျက်နှာသစ်ပြီးတဲ့အခါ ရှားစောင်းလက်ပတ်ဂျယ်လီလေးကို မျက်နှာအနှံ့လိမ်းပေးပြီး မိနစ်(၂၀)လောက်မှာ ရေအေးနဲ့ မျက်နှာပြန်သစ်ပေးမယ် ဆိုရင် မျက်နှာပေါ်မှာ ဖြစ်တတ်တဲ့ ဝက်ခြံဖုပေါက်တာ၊ နေကြောင့်အသားအရေလောင်တာ ခြောက်တာတို့ကိုမဖြစ်အောင်ကာကွယ်ပေးပါတယ်။ နောက်ပြီး ရေနွေးပူလောင်တာ၊မီးပူလောင်တာတို့ဖြစ်တဲ့အခါမှာလည်း ဖြစ်ဖြစ်ချင်းရှားစောင်းလက်ပတ်ကိုရေနဲ့သန့်သန့်ဆေး၊ နှစ်ခြမ်းခွဲပြီးအပူလောင်တဲ့ဒါဏ်ရာပေါ်ကိုကပ်ပေးပြီးမကြာခဏရှားစောင်းလက်ပတ်လဲလှယ်ပေးမယ်ဆိုရင် ဒါဏ်ရာဟာအပူဖူ(အရည်ကြည်ဖု) ဖြစ်မလာတော့ပဲခဏအတွင်းသက်သာမှာဖြစ်သလိုနဂိုအသားအရေအတိုင်း ပြန်ရမှာဖြစ်ပါတယ်။

ရှားစောင်းလက်ပတ် ယိုလို့ပြောရမလား ချက်ဆေးလို့ပြောရမလား လုပ်ပြီး စားလို့လည်းရပါသေးတယ် ။အဲဒါကတော့ ရှားစေ

ာင်းလက်ပတ်ရယ်၊ ထန်းလျက်အမဲရယ်၊ မန်ကျည်းသီးမှည့်ရယ်ရောကြိုရတာပါ။ တချို့ကတော့ စမုံမျိုး(၅)ပါးထည့်ကြပါတယ်။ကျွန်မကတော့ အလွယ်ပဲ ကြိုစားဖြစ်တာပါ စမုံမျိုး(၅)ပါး မထည့်ဖြစ်ပါဘူး။ ရှားစောင်းလက်ပတ်ကတစ်ဆ၊မန်ကျည်းသီးတစ်ဆကိုထန်းလျက်က နှစ်ဆထည့်ရမှာပါ။ အရင်ဆုံးအပင်ကခူးလာတဲ့ ရှားစောင်း လက်ပတ်ကို ရေအေးနဲ့သန့်နေအောင်ဆေးရပါမယ် ပြီးတော့ ကျိတ်စက်ကလေးနဲ့တစ်ချောင်းချင်းကျိတ်ပေးရပါတယ်။ ဒါမှမဟုတ်ရင်လည်းဓါးနဲ့ပါးပါးလေးလှီးပေးရင်လည်းရပါတယ် ကျိတ်စက် ဆိုတော့မြန်တာပေ့ါနော။ ထန်းလျက်ကိုလည်းရေနည်းနည်းနဲ့ကြိုထားရပါမယ်။ မန်ကျည်းသီးကိုတော့ ရေအေးနည်းနည်းနဲ့ စိမ်ပြီးပွနေအောင်ထားရပါမယ်။ပြီးမှ မျည်ကျည်းသီးကို အနှစ်တွေပဲရအောင် ဇကာကလေးနဲ့တိုက်ချပေးရပါတယ်။ပွနေတဲ့မန်ကျည်းသီးကို ဒီအတိုင်းထည့်လည်းရပါတယ်။ ကျွန်မကတော့ အနှစ်ကလေးတွေပဲရအောင်ဇကာလေးနဲ့ တိုက်ချတာပါ။ကြိုထားတဲ့ ထန်းလျက်ကို အအေးခံပြီး ရေစစ်နဲ့စစ်ပေးရပါမယ်ဘာကြောင့်လဲဆိုတော့ ထန်းလျက်မှာအမှိုက်ကလေးတွေ သဲလေးတွေပါနေတတ်တာကြောင့်ပါ။ ပြီးရင်အဲဒီ(၃)မျိုးကို ဒန်အိုးသန့်သန့်ထဲပေါင်းထည့်ပြီး ကြိုလို့ရပါပြီ။ ကြိုနေရင်းနည်းနည်းပြစ်လာပြီဆိုရင်တော့ ဆက်တိုက်မွှေပေးရပါမယ်။ ထန်းလျက်ပါတာကြောင့် မီးတူးတတ်တယ်လေ။ ရေတွေခန်းသွားခါနီးမှာ တော့ ဆားသင့်တော်ယုံ လောက်ထည့်ပြီးမွှေပေးရပါတယ်။

ရေလည်းမကျန်၊တအားစေးကပ်သွားတာလဲမဟုတ်ပဲ သင့်တော်တဲ့အနေအထားထိထားပြီး အအေးခံထားလိုက်ပါ။ ပြီးရင် ပုလင်း(သို့)ဗူးထဲထည့်ပြီး ညနေစာနဲ့ ဝေးတဲ့ ညအိပ်ခါနီးအချိန်မှာ အဲဒီရှားစောင်းလက်ပတ်ယိုကို စားပေးမယ်ဆိုရင် ဆီး၊ဝမ်း၊လေ မှန်ပြီး အသားအရေစိုပြေမှာဖြစ်ပါတယ်။ နောက်ပြီး ဆံပင်ကျွတ်ခြင်း ၊ဗေါက်ထခြင်းကိုတော့ မိမိခေါင်းလျော်တဲ့အခါမှာ မိမိအသုံးပြုတဲ့ရှန်ပူ နဲ့အတူရောလျော်ရင် ဗေါက်ထတာဆံပင်ကျွတ်တာကနေကင်းဝေးပြီး ပျော့ပျောင်းလှပတဲ့ဆံပင်ကလေးကို ရရှိမှာဖြစ်ပါတယ်။ အဲဒါကတော့ မိမိခေါင်းလျော်ရည်ထည့်မည့် ဖလားဒါမှမဟုတ် ဇလုံကလေးပေ့ါ အဲဒီအထဲကို ရှားစောင်းလက်ပတ်ရဲ့ဂျယ်လီကလေးတွေပဲရအောင်အပေါ်ယံကအစိမ်းဖတ်ကလေးကို ဓါးနဲ့ အသာခွာယူပြီး ဂျယ်လီလိုအသားကလေးတွေကို မိမိအသုံးပြုတဲ့ ဘီးကလေးနဲ့ သာသာကလေး ခြစ်ယူပါ။ ပြီးရင်မိမိအသုံးပြုမယ့် ခေါင်းလျော်ရည်ထည့်ထားပြီးမိနစ်၃၀ခန့်ထားပေးပါ။ ခေါင်းလျော်တဲ့အခါ ရောမွှေလိုက်ပါ လျော်တဲ့အခါမှာ ဦးရေကိုလက်နဲ့ဖွဖွသာကုတ်ပါ။ ခဏပေါင်းထား သလိုဖြစ်အောင် ဖွဖွကုတ်ပေးပါ။ ၅မိနစ် ၁၀ မိနစ်လောက် ထားပြီး ရေနဲ့လျော်ပေးမယ်ဆိုရင် သင့်ဆံပင်ဟာ နူးညံ့ပြီး ဗေါက်ကင်းတဲ့သူဖြစ်မှာပါ။ ဆံပင်သားဟာလည်း နှစ်ခွမဖြစ်တော့ပါဘူး။ နောက်ထပ်အသုံးဝင်တာရှိပါသေးတယ် ။အဲဒါကတော့ ရှားစောင်းလက်ပတ်သတ္တုရည်ကိုသောက်သုံး ခြင်းပါပဲ အဲဒါကတော့ ကိုယ်အတွင်းကကလီစာတွေအတွက် သိပ်ကောင်းတဲ့ဆေးရည်ပါတဲ့။ အဲဒါကိုဂျပန်နိုင်ငံကထုတ်လုပ်နေပြီလို့သိရပေမယ့် ဆေးရည်ကြိုနည်းကိုအတိအကျမသိသေးတဲ့အတွက် နောက်မှဆက်လက်ဖော်ပြပေးပါ့မယ်လို့ ..........နော်။ အထက်ကဖော်ပြပေးခဲ့တာတွေကတော့ ကျွန်မလက်တွေ့ မို့ပါ။ ကျွန်မ သင်တန်းတခုတက်ရတုန်းက ကျွန်မဆံပင်က တင်ပါးဖုံးခါနီးအထိရှည်ပါတယ်။ သင်တန်းမှာက ဆံထုံး မထုံးမနေရဆိုတော့ ဆံပင်ကို ခေါက်ရပါတယ်။ သူများလို တစ်ပတ်လျှိုလည်းမထုံးတတ်ပါဘူး ။အဲဒါကြောင့် ပိုက်အုတ်နဲ့ပဲ မရမက ခေါက်ထုံးရတာဆိုတော့ခေါက်ထားတဲ့အရာကနေဆံပင်တွေကျိုးကုန်ပါတယ်

 တော်တော်လည်းပျက်စီးကုန်ပါတယ်။ ရေမကောင်းတာလဲပါတာပေါ့နော်။ အဲဒါကြောင့်ဆံပင်ကိုကျော်လည်အထညှပ်လိုက်ရပါတယ် ။ အဲဒီနောက်မှာမှ ရှားစောင်းလက်ပတ်နဲ့လျော်ရတယ်ဆိုတာကိုသိပြီးလျော်ဖြစ်တာပါ။ ရှားစောင်းလက်ပပ်သတ္တုရည်ပြုလုပ်နည်းနှင့်အခြားနည်းများ ရှားစောင်းလက်ပပ်အရွက်ကို အရင်းကနေ ဓါးထက်ထက်နဲ့ဖြတ်ပါ။ တစ်ယောက်စာအတွက်ပဲဆိုရင်တော့ လေးရွက်၊ငါးရွက်လောက်အနည်းဆုံး ဖြတ်ယူပါ။ အရွက်ငယ်လေးတွေကိုမဖြတ်ပဲအပင်မှာပဲချန်ထားခဲ့ပါ။ ရေစင်စင်ဆေးပြီးဆူးတွေနဲ့ထိပ်ဖျားကို ဖြတ်ပစ်လိုက်ပါ။ ၁။ ဓါးနဲ့ပါးပါးလှီးပြီး သစ်သီးဖျော်ရည်စက်နဲ့မွှေပါ။ ၂။ ပိတ်စပါးသန့်သန့်နဲ့ အရည်ညှစ်ပါ။ ရှားစောင်းလက်ပပ်ရည်ကို အိုးသန့်သန့်တစ်လုံးနဲ့ ခံယူပါ။ ၃။ ရှားစောင်းလက်ပပ်ရည်ကို မီးဖိုပေါ်တင်ပြီး မိနစ်၃၀ ခန့်ကြာအောင်ကျိုပါ။ ဆူလာတဲ့အခါမှာ အမြှုပ်တွေတက်လာပါလိမ့်မယ်။ တက်လာတဲ့ အမြှုပ်တွေကို ခပ်ထုတ်ပစ်ပါ။ အမြှုပ်တွေဟာ ဖန်တဲ့အရည်တွေပဲဖြစ်ပါတယ်။ အဲဒါကြောင့် အမြှုပ်တွေကိုကုန်အောင်ခပ်ထုတ်ရတာပါ။ ၄။ ပျားရည်(သို့မဟုတ်) သကြားသန့်သန့်သင့်ရုံလောက်ကို ကြိုက်နှစ်သက်တဲ့အရသာဖြစ်အောင်ထည့်ပြီး သမအောင်မွှေပေးပါ။ အအေးခံထားပြီး ရေခဲသေတ္တာထဲထည့်သိမ်းထားနိုင်လျှင် ပိုကောင်း ပါတယ်။ သွေးချို၊ဆီးချို ရှိသူများ အတွက်ကတော့ အချိုမထည့်သင့်ပါဘူး။ သဘာဝအတိုင်းသောက်တာပိုကောင်းပါတယ်။ ရှားစောင်လက်ပပ်သတ္တုရည်ကို နေ့စဉ် ကြွေဇွန်းကြီး ၁ဇွန်းနှုန်းဖြင့် သုံးကြိမ်သောက်သင့်ပါတယ်။ ရှားစောင်းလက်ပပ်ရည်ကို ဒီအတိုင်းပဲထားမယ်ဆိုရင် သူ့ထဲမှာပါဝင်တဲ့ အောက်ဇားလစ်အက်ဆစ် Oxalic Acid တွေက ဓါတ်ပြောင်းသွားတတ်ပါတယ်။ ဒါကြောင့်ရေခဲသေတ္တာမရှိသူများ နှစ်ရက်စာလောက်သာကျိုချက်သောက်လျှင်ကောင်းပါတယ်။ နှစ်ရက်ထက်ပိုမထားသင့်ပါဘူး။ ရှားစောင်းလက်ပပ်အမှုန့်ပြုလုပ်နည်း ရှားစောင်းလက်ပပ်အရွက်ကို သန့်စင်အောင်ဆေးပြီး ဆူးတွေနဲ့ထိပ်ချွန်တွေကို ဖယ်ပြီး ပါးနိုင်သလောက်ပါးအောင်လှီးပါ။ ပါးလေကောင်းလေဖြစ်ပါတယ်။ လှီးထားတဲ့ရှားစောင်းလက်ပပ်အဖတ်လေးတွေကိုဝါးနဲ့လုပ်ထားတဲ့ဆန်ကောထဲမှာဖြန့်လှန်းပါ။ တစ်ရက်နဲ့မခြောက်ရင် နှစ်ရက်၊ သုံးရက်စသည်ဖြင့်လုံး၀ ခြောက်သွားအောင်လှန်းပါ။ နှစ်ရက်၊သုံးရက်ကြာတဲ့အခါရှားစောင်းလက်ပပ်တွေလုံး၀ ခြောက်သွားပြီဆိုရင် ဆုံထဲမှာထည့်ပြီး ထောင်းပါ။ မှုန့်မှုန့်ညက်ညက် လိုချင်တယ်ဆိုရင်တော့ဆန်ကာချပေးရုံပါပဲ။ ရှားစောင်းလက်ပတ်အခြောက်မှုန့် သောက်နည်းကတော့ လက်ဖက်ရည်ဇွန်းတစ်ဇွန်းကို ရေနွေးတစ်ခန်ခွက်နဲ့ရောပြီး တစ်နေ့နှစ်ကြိမ်၊သုံးကြိမ်သောက်ပါ။ ရှားစောင်းလက်ပပ်အမှုန့်ပြုလုပ်ဖို့အချိန်မရသူတွေအတွက် ရှားစောင်းလက်ပပ် အခြောက်ဖတ် အတိုင်း ရေနွေးဆူဆူထဲခတ်ပြီးရေနွေးကြမ်းသောက်သလိုသောက်သုံးနိုင်ပါတယ်။

 သောက်ရတာခက်တယ်ထင်ရင်တော့ပျားရည် လေးနည်းနည်း ထည့်သောက်ပါ။ သွေးချို၊ဆီးချိုရှိ သူများအတွက်ကတော့ပျားရည်မထည့်သင့်ပါဘူး။ပျောက်ကင်းကာကွယ်နိုင်တဲ့ရောဂါများကတော့ အစာအိမ်ပြည်တည်နာနဲ့ အစာအိမ်နဲ့ပတ်သက်တဲ့ရောဂါ၊ ဆီးချို၊သွေးချို၊ အသည်း၊သွေးတိုးရောဂါ အစရှိသည်တို့ကိုကာကွယ်ပျောက်ကင်းနိုင်ပါတယ်။ မှတ်ချက် ၊ ဆရာမောင်မောင်လှိုင်ဘာသာပြန်ဆိုရေးသားတဲ့ အံ့ဖွယ် အစွမ်းထက်တဲ့ ရှားစောင်းလက်ပပ်သတ္တုရည်စာအုပ်မှ စုစည်းတင်ပြခြင်းဖြစ်ပါတယ်။ သူငယ်ချင်းတွေကိုလည်း သိစေချင်တဲ့အတွက် ရေးတတ်သလိုရေးထားတာကြောင့် စာလုံးအမှားပါရင်ခွင့်လွှတ်ပါနော်။ ( ခေါင်းလျော်ရည်နဲ့ ရှားစောင်းလက်ပတ်ရောသုံးနည်းကိုပြောပြပေးခဲ့တဲ့တောင်ကြီးက ညီမငယ် နီလာကိုလည်းအထူးကျေးဇူးတင်ပါတယ်။ အခုလက်တွေ့လည်း လျော်ပြီး ဆံပင်တွေပြန်ရှည်နေပါပြီလို့ .........) ကမ ္ဘာသစ်မှကူးယူတင်ပြသည်

http://sspont.blogspot.com/2012/03/blog-post_23.html မှကူးယူဖော်ပြသည်။

အသားအရည်အတွက် အကောင်းဆုံး ရှားစောင်းလက်ပတ်

နေလောင်ဒဏ်တွေအတွက် အကောင်းဆုံးကုသမှုကတော့ ရှားစောင်းလက်ပတ်ပဲဖြစ်ပါတယ်။

ရှားစောင်းလက်ပတ်ကို လွန်ခဲ့တဲ့ရာစုနှစ်ပေါင်းများစွာ ကတည်းက အသုံးပြုခဲ့ကြတာဖြစ်ပြီး နေလောင်ဒဏ်တွေအတွက်တော့ အကောင်းဆုံးကုထုံးပဲဖြစ်ပါတယ်။ ဒါ့အပြင်ဒီထက်ပိုပြီး အသုံးဝင်တဲ့အတွက် ရှားစောင်းလက်ပတ်ကို ဂျယ်လီပုံစံ၊ အသားအရည်ထိန်းသိမ်းမှု ကုန်ပစ္စည်းတွေအပြင် ရှားစောင်းလက်ပတ်ဖျော်ရည်တွေအဖြစ် အမျိုးမျိုး ထုတ်လုပ်ရောင်းချနေတဲ့ လုပ်ငန်းတွေလည်း အများကြီး ပေါ်ပေါက်နေပြီဖြစ်ပါတယ်။

မိတ်ကပ်ဖျက်ဆေး

ယုံချင်ယုံ၊ မယုံချင်နေ..ရှားစောင်းလက်ပတ်ကို မိတ်ကပ်ဖျက်ဆေးအဖြစ် အသုံးပြုနိုင်ပါတယ်။ မိတ်ကပ်ဖျက်မယ့် ဝါဂွမ်းလုံးလေးပေါ်မှာ ရှားစောင်းလက်ပတ်အနည်းငယ်ထည့်ပြီး မျက်နှာပေါ်ကို ဖြည်းဖြည်းချင်း သုတ်လိမ်းပွတ်တိုက်ပြီး မိတ်ကပ်တွေကို ဖျက်ပစ်နိုင်ပါတယ်။

သဘာ၀ အရေးအကြောင်းပျောက်ဆေး

၂၀၀၉ ခုနှစ်က ပြုလုပ်ခဲ့တဲ့ လေ့လာချက်အရ ရှားစောင်းလက်ပတ်အနှစ်က အရေးအကြောင်းတွေကို လျော့နည်းစေနိုင်ပြီး အရေပြားရဲ့ ကျုံ့နိုင်ဆန့်နိုင်တဲ့ စွမ်းအားကို ပိုပြီးတိုးတက်စေနိုင်တယ်လို့ သိရှိရပါတယ်။

ကြာရှည်ခံ မျက်ခုံးမွေးနဲ့ မျက်တောင်ကော့ဆေး

မျက်ခုံးမွေးဆွဲတံ၊ မျက်တောင်ကော့ဆေး စုတ်တံကို ရိုးရိုးရှင်းရှင်းလေးပဲ ရှားစောင်းလက်ပတ်အနှစ်ထဲကို နှစ်လိုက်ပြီးမှ မျက်ခုံးမွေးဆွဲမယ်၊ မျက်တောင်ကော့မယ်ဆိုရင်တာ့ တစ်နေ့တာလုံး စွဲစွဲမြဲမြဲနဲ့ လှပနေမှာဖြစ်ပါတယ်။

အပူလောင်ခြင်းများ သက်သာစေရန်

ဝက်ခြံအထွက်များတဲ့ အသားအရည်မျိုးအတွက်သာမက ယားယံတာတွေ၊ အပူလောင်ဒဏ်ရာတွေကိုလည်း သက်သာစေပြီး နီရဲယောင်းရမ်းမှုတွေကိုပါ သက်သာပျောက်ကင်းစေနိုင်ပါတယ်။

ခံတွင်းသန့်ဆေး

၂၀၁၄ ခုနှစ်က လေ့လာချက်အရ ရှားစောင်းလက်ပတ်က ခံတွင်းနဲ့ပတ်သက်ပြီးလည်း အကျိုးကျေးဇူးတွေ ရှိကြောင်းသိရှိရပါတယ်။ သွားဖုံးယောင်ခြင်း၊ အပူကန်ခြင်း၊ သွားဖုံးသွေးယိုခြင်းတွေကိုလည်း ပျောက်ကင်းသက်သာစေပါတယ်။

( Michelle )

Ref : Womanshealth

သင့်ရဲ့ ဆီးအရောင်က ပြောပြနေတဲ့ သင့်ရဲ့ ကျန်းမာရေးအကြောင်း

လူတွေရဲ့ ကျန်းမာရေးလက္ခဏာတွေဟာ နည်းအမျိုးမျိုးနဲ့ ပြသလျက်ရှိနေပါတယ်။ သင့်ရဲ့ ခန္ဒာကိုယ်ကနေထွက်ရှိတဲ့ အညစ်အကြေးတစ်မျိုးဖြစ်တဲ့ ဆီးဟာဆိုရင်လည်း ကျန်းမာရေးအခြေအနေတွေကို ရောင်ပြန်ဟပ်ပြသလျက်ရှိနေတယ်လို့ သိရပါတယ်။ urinecolors.com ကနေ သုတေသနပြုလုပ်ထားမှုအရ ဆီးအရောင်ဆယ်မျိုးရဲ့ တစ်မျိုးစီကနေ ပြောပြနေတဲ့ ကျန်းမာရေး အခြေအနေတွေကို လေ့လာကြည့်ရအောင်။

၁. အကြည်ရောင်

သင့်ရဲ့ ဆီးဟာ အရောင်မပါရှိဘဲ အရောင်ကြည်လေးဖြစ်နေရင်တော့ သင့်ရဲ့ ကျန်းမာရေးဟာ ကောင်းမွန်တယ်လို့ အဓိပ္ပာယ်ရပါသတဲ့။ သင့်ရဲ့ ဆီးက ကြည်လင်လေလေ ကျန်းမာရေးက ပိုကောင်းနေလေဖြစ်တယ်လို့လည်း ဖော်ပြထားပါတယ်။ ဒီအခြေအနေဟာဆိုရင်တော့ ရေများများသောက်မှသာဖြစ်လေ့ရှိပေမယ့်လည်း ရေမသောက်ဘဲ အကြည်ရောင်ပေါက်နေရင်တော့ ဆီးချိုရောဂါရဲ့ လက္ခဏာဖြစ်တယ်လို့လည်း သိရပါတယ်။

၂. အဝါဖျော့ဖျော့အရောင်

ဆီး အဝါဖျော့ဖျော့အရောင်ဟာဆိုရင်တော့ သင့်ရဲ့ ခန္ဒာကိုယ်မှာ ရေဓာတ်အလုံအလောက်ရှိတယ်ဆိုတာကို ဖော်ပြပြီး အညစ်အကြေးသိပ်ပြီး စွန့်ထုတ်ဖို့ မရှိဘူးဆိုတဲ့ လက္ခဏာတစ်ရပ်ဖြစ်တယ်လို့ သိရပါတယ်။

၃. အဝါရောင်တောက်တောက်

အဝါရောင်တောက်တောက်ဆီးအရောင်ဟာဆိုရင်တော့ သင့်ကိုယ်မှာ ဗီတာမင် B တွေ များပြားနေတဲ့ လက္ခဏာတစ်ရပ်ဖြစ်တယ်လို့ သိရပါတယ်။

၄. အဝါရောင်ညစ်ညစ်

ဒါကတော့ သင်ရေသိပ်မသောက်ဖြစ်တာကို ပြသနေတာပါ။ သင့်ရဲ့ ကိုယ်မှာ ရေဓာတ်အလုံအလောက်မရှိတဲ့အခါမှာ ကိုယ်ထဲက အညစ်အကြေးတွေကို ရေနည်းနည်းနဲ့သာ သန့်စင်ပေးနိုင်တာကြောင့် အရောင်ကလည်း ပိုညစ်နေတာဖြစ်တယ်လို့ သိရပါတယ်။ ဒီလိုဆိုရင်တော့ သင်ရေများများသောက်သင့်နေပါပြီ။

၅. အညိုရောင်

ဆီးအညိုရောင်ကတော့ ကျန်းမာရေးအတွက် သိပ်မကောင်းဘဲနဲ့ ဆီးထဲမှာ သွေးအနည်းငယ်ပါဝင်ချင်တဲ့ လက္ခဏာဖြစ်ပါတယ်။ အသည်းနဲ့ ကျောက်ကပ်ရောဂါတစ်မျိုးမျိုးဖြစ်နေတဲ့ လက္ခဏာတစ်ရပ်လည်းဖြစ်နိုင်သလို အညစ်အကြေးစွန့် အဖွဲ့အစည်းမှာ ပြဿနာတစ်ခုခုဖြစ်နေတဲ့ လက္ခဏာတစ်ရပ်ဖြစ်တယ်လို့ သိရပါတယ်။

ဒီလို ဆီးအညိုရောင်ပေါက်တာဟာဆိုရင်တော့ သင့်ရဲ့ ကြွက်သားတွေကို အလွန်အကျွံ အလုပ်လုပ်ခိုင်းလို့ အရောင်ပြောင်းတာလည်း ဖြစ်နိုင်ပြီး ကြွက်သားတွေ အလွန်အကျွံ အလုပ်လုပ်ချိန်မှာ ထွက်လာတဲ့ မိုင်ယိုဂလိုဘင်ဓာတ်ဟာ ဆီးကို အညိုရောင်ပြောင်းပေးနိုင်လို့ ဖြစ်တယ်လို့လည်း သိရပါတယ်။

၆. အစိမ်းရောင်

သင့်ဆီးအရောင်ဟာ အစိမ်းရောင်ပေါက်နေရင်တော့ ဒါဟာ ဘီယာအသောက်လွန်တာမျိုး ဒါမှမဟုတ်ရင်တော့ အစားအစာထဲမှာ ပါဝင်တဲ့ ဆိုးဆေးတစ်မျိုးမျိုးနဲ့ ဓာတ်မတည့်မှုတွေကြောင့် ဖြစ်ပေါ်လာရတာဖြစ်တယ်လို့ သိရပါတယ်။ ဆီးအစိမ်းရောင်ဖြစ်ပေါ်ရတာဟာဆိုရင်တော့ သည်းခြေရည်တစ်ခုခု အမှားအယွင်းရှိတာ ဒါမှမဟုတ်ရင် ဝမ်းလျှောချင်လို့ လက္ခဏာပြတာဖြစ်တယ်လို့လည်း သိရပါတယ်။

၇. အပြာရောင်

ဆီးအပြာရောင်ဖြစ်နေလို့တော့ စိုးရိမ်စရာမရှိပါဘူး။ ဒါဟာဆိုရင်တော့ အစားအစာတွေနဲ့ ဆေးဝါးတွေမှာ ပါဝင်တဲ့ ဆိုးဆေးတွေကြောင့် အဖြစ်များလေ့ရှိတာဖြစ်တယ်လို့ သိရပါတယ်။ သင်စားလိုက်တဲ့ အရာရာတစ်ခုခုကြောင့်သာ ဆီးက အပြာရောင်ဖြစ်လေ့ရှိတာဖြစ်တယ်လို့လည်း သိရပါတယ်။

၈. လိမ္မော်ရောင်

ဆီးအရောင်က အခုလို လိမ္မော်ရောင်ဖြစ်နေပြီဆိုရင်တော့ ရေဓာတ်က သင့်ခန္ဒာကိုယ်မှာ တစ်အားကို လိုအပ်နေတဲ့ အခြေအနေဖြစ်နေပါပြီ။ တစ်ခါတစ်လေ အစားအစာအကူအပြောင်းမှာလည်း ဒီလို အရောင်ဖြစ်နေတတ်ပြီး ရက်ဆက်ဖြစ်လာပြီဆိုရင်တော့ ဆရာဝန်နဲ့ သွားရောက် တိုင်ပင်တာက ကောင်းမွန်မှာပါ။

၉. ပန်းရောင် သို့မဟုတ် အနီရောင်

ဒါဟာ သင့်ရဲ့ အနီရောင်မုန်လာဥအစားများလို့လည်း ဖြစ်နိုင်သလို ဆီးထဲမှာ သွေးပါတာကြောင့်လည်း ဖြစ်နိုင်ပါတယ်။ ဆီးထဲမှာ သွေးပါတာဟာ ဆီးလမ်းကြောင်းမှာ ကျောက်တည်နေတဲ့ ပြဿနာရဲ့ လက္ခဏာတစ်ခုလည်း ဖြစ်နိုင်ပြီး နာကျင်မှုနဲ့ မအီမသာဖြစ်မှုတွေနဲ့လည်း တွဲပြီး ဖြစ်ပွားနိုင်ပါတယ်။

ကျောက်ကပ်နဲ့ ဆီးအိမ်ကင်ဆာကလည်း ဆီးထဲသွေးပါမှုကို ဖြစ်ပွားစေနိုင်ပါတယ်။

၁၀. အနက်ရောင်

ဆေးမည်းမည်းတွေ အသောက်များလို့ အခုလိုအနက်ရောက် ပေါက်တာဖြစ်နိုင်ပြီး ကျန်းမာရေးအခြေအနေတစ်ခုခုရဲ့ ပြင်းထန်တဲ့ လက္ခဏာလည်း ဖြစ်နိုင်ပါတယ်။

( Paing A K )

#သစ်ထူးလွင်(ကျန်းမာရေး)

#health.thithtoolwin.com

နုပျိုလှပတဲ့ အသားအရည်ပိုင်ရှင်ဖြစ်စေဖို့ နည်းလမ်းအသွယ်သွယ်

ဆဲလ်အသေများ ခွာချခြင်း

ပိုပြီးနုပျိုငယ်ရွယ်တဲ့ အသားအရည်ကိုပိုင်ဆိုင်ဖို့ ပထမဆုံးလုပ်ရမှာကတော့ ဆဲလ်အသေတွေကို ခွာချပစ်ဖို့ပါပဲ။ မျက်နာပေါ်က ဆဲအသေတွေနဲ့ နေလောင်ဒဏ်ကြောင့် အသားအရည်ပျက်စီးမှုတွေကို အရင်ဆုံး ဖယ်ရှားပစ်ရမှာဖြစ်ပါတယ်။ Alpha-hydroxyl ပါဝင်တဲ့ မျက်နှာသစ်ဆေးတွေက အသားအရည်အသစ်ဖြစ်စေဖို့ အကောင်းဆုံးပါပဲ။

မျက်နှာကို တင်းရင်းစေမယ့် ပေါင်းတင်မျက်နှာဖုံးများ

တင်းရင်းစေတဲ့ မျက်နှာပေါင်းတင်းဆေးတွေဟာ အရေးအကြောင်းတွေကို လျော့နည်းစေပြီး ပိုမိုနုပျိုတဲ့အသွင်ကို ရရှိစေမှာဖြစ်ပါတယ်။ မျက်နှာပေါင်းတင်ပြီးခါစမှာ မိတ်ကပ်အလှပြင်ပစ္စည်းတွေ အသုံးပြုမယ်ဆိုရင် အချိန်ကြာကြာ ပိုမိုလှပနေမှာကို တွေ့ရမှာဖြစ်ပါတယ်။

ရေဓါတ်ထိန်းသိမ်းခြင်း

မိမိအသားအရည်ကို နေ့စဉ်နေ့တိုင်း ရေဓါတ်ဖြည့်တင်းပေးဖို့ မမေ့ပါနဲ့။ နှစ်ပေါင်းများစွာ ဖြတ်သန်းလာပြီးတဲ့နောက်မှာ မိမိရဲ့အသားအရည်မှာ အဆီဓါတ်တွေ တဖြည်းဖြည်းလျော့နည်းလာမှာဖြစ်ပါတယ်။ ဒါကြောင့် အသားအရည်မှာ လိုအပ်တဲ့စိုပြေမှုကို ထိန်းသိမ်းထားနိုင်ဖို့က အရေးကြီးပါတယ်။

နေလောင်ခြင်းတွေ မဖြစ်စေဖို့ ရှောင်ကြဉ်ခြင်း

နေရောင်ခြည်တွေကို မိမိအရေပြားနဲ့ တိုက်ရိုက်ထိတွေ့စေခြင်းကို ရှောင်ကြဉ်ဖို့လိုပါတယ်။ မနက် ၁၀ နာရီကနေ ၄ နာရီကြား အပြင်ထွက်ဖို့ ရှိတယ်ဆိုရင် နေလောင်ဒဏ်ကာကွယ်တဲ့ လိုးရှင်းတစ်ခုခု လိမ်းဖို့ လိုပါတယ်။ ပြီးရင်လည်း ၂နာရီကြား သို့ ၃ နာရီကြား တစ်ကြိမ်ဆီ ပုံမှန်လေး ပြန်လိမ်းပေးဖို့လည်း မမေ့ပါနဲ့။

မိတ်ကပ်အရည်ပုံစံ သုံးစွဲခြင်း

အသက်ကြီးလာတာနဲ့အမျှ အသားအရည်တွေဟာလည်း တဖြည်းဖြည်း ပျက်စီးလာပါတယ်။ ဒါကြောင့် အမှုှုန့်ပုံစံမိတ်ကပ်ဖောင်ဒေးရှင်းတွေက အရည်ပုံစံမိတ်ကပ်ဖောင်ဒေးရှင်းတွေနဲ့ အသက်ကြီးတဲ့သွင်ပြင်ကို ဖြစ်ပေါ်စေတဲ့အတွက် မိတ်ကပ်အရည်ပုံစံကို သုံးစွဲသင့်ပါတယ်။

နှုတ်ခမ်းနီ

အရောင်ရင့််တဲ့ နှုတ်ခမ်းနီတွေကို အသုံးပြုပါ။ ဒါက မိမိကို ပိုမိုနုပျိုစမတ်ကျ စေမှာဖြစ်ပြီး ငယ်ရွယ်တဲ့မျက်နှာသွင်ပြင်ကို ရရှိစေနိုင်ပါတယ်။

( Michelle)

#သစ်ထူးလွင်(ကျန်းမာရေး)

#health.thithtoolwin.com

Ref: proladiestips

ငါးစားသုံးမှုများခြင်းက အသက်ရှည်စေနိုင်

Unicode

အသက်ကြီး သူတွေမှာ ငါးနဲ့ ပင်လယ်စာများများ စားသူတွေဟာ အဲ့ဒီအစားအစာတွေကို အစားနည်း သူတွေထက် အသက်ပိုရှည်နိုင်တယ်လို့ လေ့လာမှုအရ တွေ့ရှိခဲ့ပါတယ်။ ငါးမှ ရ ရှိတဲ့ အိုမီဂါ-၃ ဖက်တီးအက်စစ် အဆင့် မြင့်မားစွာ ရရှိသူတွေဟာ အိုမီဂါ-၃ အ ဆင့် နည်းစွာ ရရှိသူတွေထက် အကြောင်း ကြောင်းကြောင့် သေဆုံးနိုင်ခြေ ၂၇ ရာ ခိုင်နှုန်းနဲ့ နှလုံးရောဂါကြောင့် သေဆုံး နိုင်ခြေ ၃၅ ရာခိုင်နှုန်း လျော့နည်းတယ် လို့ တွေ့ရှိထားပါတယ်။

အမေရိကန်မှ သုတေသီတွေက အသက် ၆၅ နှစ်ကျော် သူတွေကို ၁၆ နှစ်ကြာ လေ့လာမှုပြုလုပ် ခဲ့ပါတယ်။ ဆယ်လ်မွန်၊ တူနာ၊ ငါးသေတ္တာ၊ ငါးသလောက်နဲ့ ငါးကွမ်းရှပ်လို မျိုးငါးတွေမှာပါဝင်တတ်တဲ့ အိုမီဂါ-၃ ဖက်တီးအက်စစ်တွေ သွေးထဲမှာ မြင့်မားစွာ ရှိသူတွေဟာ သွေးထဲမှာ အဆင့်နည်းစွာ ရှိသူတွေထက် ပျမ်းမျှအားဖြင့် ၂ ဒသမ ၂နှစ် အသက်ပိုရှည် တယ်လို့ ဆိုပါတယ်။

အိုမီဂါ- ၃ ထဲမှာပါဝင်တဲ့ DHA ဟာ နှလုံးသွေးကြောရောဂါကြောင့် သေဆုံး နိုင်ခြေ နည်းပါးတာနဲ့ သိသိသာသာ ဆက်စပ်မှုရှိပြီး EPA ဟာ နှလုံးတိုက်ခိုက် ခံရတာကြောင့် သေဆုံးနိုင်ခြေ နည်းပါး တာနဲ့ ဆက်စပ်မှုရှိကာ DPA မှာမူ လေ ဖြတ်တာကြောင့် သေဆုံးနိုင်ခြေနည်းပါး တာနဲ့ သိသိသာသာ ဆက်စပ်မှုရှိတယ် လို့ သုတေသီတွေက ဆိုပါတယ်။ 

Zawgyi

အသက္ႀကီး သူေတြမွာ ငါးနဲ႔ ပင္လယ္စာမ်ားမ်ား စားသူေတြဟာ အဲ့ဒီအစားအစာေတြကို အစားနည္း သူေတြထက္ အသက္ပိုရွည္ႏုိင္တယ္လုိ႔ ေလ့လာမႈအရ ေတြ႕ရွိခဲ့ပါတယ္။ ငါးမွ ရ ရွိတဲ့ အုိမီဂါ-၃ ဖက္တီးအက္စစ္ အဆင့္ ျမင့္မားစြာ ရရွိသူေတြဟာ အုိမီဂါ-၃ အ ဆင့္ နည္းစြာ ရရွိသူေတြထက္ အေၾကာင္း ေၾကာင္းေၾကာင့္ ေသဆံုးႏုိင္ေျခ ၂၇ ရာ ခုိင္ႏႈန္းနဲ႔ ႏွလံုးေရာဂါေၾကာင့္ ေသဆံုး ႏုိင္ေျခ ၃၅ ရာခုိင္ႏႈန္း ေလ်ာ့နည္းတယ္ လို႔ ေတြ႕ရွိထားပါတယ္။

အေမရိကန္မွ သုေတသီေတြက အသက္ ၆၅ ႏွစ္ေက်ာ္ သူေတြကို ၁၆ ႏွစ္ၾကာ ေလ့လာမႈျပဳလုပ္ ခဲ့ပါတယ္။ ဆယ္လ္မြန္၊ တူနာ၊ ငါးေသတၱာ၊ ငါးသေလာက္နဲ႔ ငါးကြမ္း႐ွပ္လုိ မ်ဳိးငါးေတြမွာပါဝင္တတ္တဲ့ အုိမီဂါ-၃ ဖက္တီးအက္စစ္ေတြ ေသြးထဲမွာ ျမင့္မားစြာ ရွိသူေတြဟာ ေသြးထဲမွာ အဆင့္နည္းစြာ ရွိသူေတြထက္ ပ်မ္းမွ်အားျဖင့္ ၂ ဒသမ ၂ႏွစ္ အသက္ပိုရွည္ တယ္လုိ႔ ဆုိပါတယ္။

အုိမီဂါ- ၃ ထဲမွာပါဝင္တဲ့ DHA ဟာ ႏွလံုးေသြးေၾကာေရာဂါေၾကာင့္ ေသဆံုး ႏုိင္ေျခ နည္းပါးတာနဲ႔ သိသိသာသာ ဆက္စပ္မႈရွိၿပီး EPA ဟာ ႏွလံုးတုိက္ခုိက္ ခံရတာေၾကာင့္ ေသဆံုးႏုိင္ေျခ နည္းပါး တာနဲ႔ ဆက္စပ္မႈရွိကာ DPA မွာမူ ေလ ျဖတ္တာေၾကာင့္ ေသဆံုးႏုိင္ေျခနည္းပါး တာနဲ႔ သိသိသာသာ ဆက္စပ္မႈရွိတယ္ လုိ႔ သုေတသီေတြက ဆုိပါတယ္။ 


( Paing A K )

#သစ္ထူးလြင္(က်န္းမာေရး)
#health.thithtoolwin.com


Ref : Goodhealth