မိုးကြိုးပစ်ခြင်းဖြင့် ဖုန်းအားအပြည့် သွင်းနိုင်သည့် နည်းလမ်း Nokia စမ်းသပ်

ဆောက်သမ်တန် တက္ကသိုလ်မှ ပညာရှင် အချို့တို့သည် မိုးကြိုးပစ် သည့် ဖြစ်စဉ်အတု တစ်ခုကို ဖန်တီးပြီး Nokia ဖုန်းတစ်လုံး၏ ဘက်ထရီကို အားဖြည့်နိုင်ခဲ့ပြီး ဖြစ်သည်။

မိုးကြိုးပစ်ခြင်းဖြင့် ဖုန်းအားအပြည့် သွင်းနိုင်သည့် နည်းလမ်း Nokia စမ်းသပ်
ဗြိတိန်နိုင်ငံမှ သုတေသီများသည် မိုးကြိုးပစ်ပြီး ဖုန်းအားသွင်းမည့် နည်းလမ်း သစ် တစ်ခုကို စမ်းသပ်နေကြောင်း သိရှိရသည်။ ယင်းနည်းပညာ အောင်မြင် ပါက အကျိုးကျေးဇူး အနေဖြင့် ဖုန်းတစ်လုံးကို စက္ကန့်ပိုင်းပင် မကြာသည့် မျက်စိတစ်မှိတ်စာ အချိန်အတွင်း အားဖြည့် ပြီးစီးသွားစေမည် ဖြစ် သည်။ ဆောက်သမ်တန် တက္ကသိုလ်မှ ပညာရှင် အချို့တို့သည် မိုးကြိုးပစ်သည့် ဖြစ်စဉ်အတု တစ်ခုကို ဖန်တီးပြီး Nokia ဖုန်းတစ်လုံး၏ ဘက်ထရီကို အားဖြည့်နိုင်ခဲ့ပြီး ဖြစ်သည်။ ၎င်းတို့သည် Transformer တစ်လုံးကို အသုံးပြုကာ AC ဓာတ်အားလိုင်း တစ်ခုကို ဗို့(၂၀၀၀၀၀)ထိ မြှင့် တင်ခဲ့ကြသည်။ ထို့နောက် ယင်းလျှပ်စစ်အားကို (၁၁)လက်မအရွယ် လေ ဟာ နယ် တစ်ခုကို ဖြတ်သန်းစေကာ မိုးကြိုးပစ်မှု ဖြစ်စဉ်တု တစ်ခုကို ဖန်တီးခဲ့ခြင်း ဖြစ်သည်။

ထိုအချိန်တွင် ဖြစ်ပေါ်နေသော အပူ၊ အလင်းနှင့် ဓာတ်အားပမာဏတို့သည် သဘာဝအတိုင်း ကောင်းကင်ယံတွင် ဖြစ်ပေါ်နေတတ်သည့် လျှပ်စီးမိုးကြိုး များနှင့် တူညီနေမည်ဟု သိရသည်။ လူသားတို့ ဖန်တီးထားသည့် အဆိုပါ လျှပ်စီးမိုးကြိုးကို Nokia 925 ဖုန်းတစ်လုံးတွင် ဓာတ်အားဖြည့်သွင်း ရန် အောင်အောင်မြင်မြင် အားသွင်းနိုင်ခဲ့သည်။ ဓာတ်ခွဲခန်းတွင် ဖန်တီးထုတ်လုပ်သော မိုးကြိုးတုကို ဖုန်းဘက်ထရီထဲ ချက်ချင်း လွှဲပြောင်းပေးလိုက်ခြင်းဖြင့် ချက်ချင်း အားအပြည့် ဖြစ်သွားကြောင်းလည်း သိရသည်။

"မိုးကြိုးပစ်တယ် ဆိုတာက ကျွန်တော်တို့အတွက် ကြောက်စရာ ဖြစ်စဉ် တစ်ခုပါပဲ။ သဘာဝရဲ့ အားကောင်းပြီး အံ့ဩစရာ စွမ်းအားတစ်ခု လည်း ဖြစ်ပါတယ်။ ဒါပေမဲ့ ဆောက်သမ်တန် တက္ကသိုလ်က သုတေသီတွေနဲ့ Nokiaရဲ့ ပညာရှင်တွေကတော့ ခပ်ဆိုးဆိုး သတ္တဝါကြီးကို ယဉ်ပါးအောင် ကိုင်တွယ်နိုင်သူတွေပါ။ သူတို့ဟာ ဓာတ်ခွဲခန်းမှာ ဖန်တီးတဲ့ မိုးကြိုးပစ်မှု ဖြစ်စဉ်တစ်ခုနဲ့ Nokia ဖုန်းတစ်လုံးကို အောင်အောင်မြင်မြင် ဓာတ်အားသွင်းပြခဲ့ပါတယ်။ ဒီနည်းပညာ စမ်းသပ်မှုဟာ ကမ္ဘာပေါ်မှာ ပထမဆုံးပါပဲ"ဟု Nokia Conversations Blogမှ ဖီးလ်ဘီက ပြောကြားခဲ့သည်။

ဆောက်သမ်တန် တက္ကသိုလ်မှ နီးလ်ပယ်လ်မာက ပြွန်ငယ်နှစ်ခုကြား ထားရှိသည့် လေဟာနယ်တွင် အလွန်အားပြင်းသည့် လျှပ်စစ်ဗို့အားကို ဖြတ်သန်းစေကာ လျှပ်စစ်မိုးကြိုး အတုကို ဖန်တီးယူကြောင်း ရှင်းပြခဲ့သည်။ ထိုမိုးကြိုးလျှပ်စီးသည် သွယ်တန်း ချိတ်ဆက်ထားသည့် ဖုန်းဘက်ထရီကို တစ်စက္ကန့် မပြည့်မီ အချိန်အတွင်း အားပြည့်သွားစေခဲ့သည်။ "Nokiaရဲ့ ဘက်ထရီ ပတ်လမ်းစနစ်ဟာ ဆူညံသံ ထုတ်လွှင့်မှုကို ထိန်းချုပ်ထားနိုင်တဲ့အတွက် ကျွန်တော်တို့ အံ့ဩမိပါတယ်။ ဘက်ထရီက အောင်အောင်မြင်မြင် အားသွားပြီးသား ဖြစ်သွားတယ်"ဟု ပယ်လ်မာက ပြောဆိုခဲ့သည်။

၎င်းက ဆက်လက်၍ "ဒီတွေ့ရှိမှုအရ ကျွန်တော်တို့ဟာ လေထဲမှာ ဖြတ် သန်းစေတဲ့ လျှပ်စစ်စီးကြောင်း တစ်ခုနဲ့ ဖုန်းတွေ၊ တခြားကိရိယာတွေကို အားသွင်းနိုင်မယ် ဆိုတာကို သက်သေထူနိုင်ခဲ့ပါပြီ။ ပြီးတော့ သဘာဝရဲ့ စွမ်းအားတွေဖြစ်တဲ့ မိုးကြိုးပစ်မှုနဲ့ သူ့ရဲ့ လျှပ်စစ်စွမ်းအင်တွေကို ပိုပြီးနားလည်စေဖို့ ကြီးကျယ်တဲ့ ခြေလှမ်းတစ်ခု စတင်နိုင်ခဲ့တာပါ"ဟုလည်း မှတ်ချက်ပြုခဲ့သည်။ မိုးကြိုးပစ်မှုသည် ကောင်းကင်နှင့် မြေပြင်ကြား သဘာဝအတိုင်း မျှခြေအဖြစ် တည်ရှိနေသည့် တည်ငြိမ် လျှပ်စစ်စွမ်းအင်ကို တိမ်ထုများ နှောင့်ယှက်မှုကြောင့် ဖြစ်ပေါ်လေ့ရှိသည်။

ယခုစမ်းသပ်အောင်မြင်မှုသည် အနာဂတ်ကာလ မိုဘိုင်းလ်ဖုန်းများအတွက် ပိုမိုလျင်မြန်စွာ ဓာတ်အားဖြည့်နိုင်မည့် စနစ်သစ်တစ်ခု တီထွင်နိုင်ရေး မျှော် လင့်ချက် ဖြစ်လာသော်လည်း လက်တွေ့ အကောင်အထည်ဖော်ရန် အဆင့်များစွာ လိုအပ်ချက်များစွာ ရှိနေဦးမည်ဟု သိရသည်။ Nokia၏ အရောင်းဌာန အကြီးအကဲ ခရစ်ဝက်ဘာကမူ ယခုနည်းလမ်းကို အတုခိုး မစမ်းသပ်ကြရန် သတိပေးထားသည်။ ၎င်းက "ဒီလိုစမ်းသပ်ချက်မျိုးကို အိမ်မှာ ကိုယ့်ဖာသာ လုပ်ကြည့်တာမျိုးကို လုံးဝ ရှောင်ကြဉ်ပါလို့ ကျွန်တော်တို့ အလေးအနက် အကြံပေးချင်ပါတယ်"ဟု ပြောဆိုသွားသည်။

Planet Myanmar Network

ဗီယက်နမ်ဗိုလ်ချုပ်ကြီး ဗိုငုယင်ဂီရပ် Vo Nguyen Giap

ဗီယက်နမ်ဗိုလ်ချုပ်ကြီး ဗိုငုယင်ဂီရပ် Vo Nguyen Giap / PHOTO-Aung Zin Latt

ကမ္ဘာကျော် စစ်သေနင်္ဂဗျူဟာရှင်ကြီးတွေထဲမှာ တစ်ယောက်အပါဝင်ဖြစ်တဲ့ ဗီယက်နမ်ဗိုလ်ချုပ်ကြီး ဗိုငုယင်ဂီရပ် Vo Nguyen Giap (ဘီဘီစီမြန်မာပိုင်းကတော့ ဗိုငွင်ဇပ် လို့ အသံထွက်ပါတယ်) ဟာ မနေ့ညက ကွယ်လွန်သွားခဲ့ပါတယ်။ ကွယ်လွန်ချိန်မှာ သူဟာ အသက် ၁၀၂ နှစ်ရှိပါပြီ။

သူဟာ ဗီယက်နမ်တွေရဲ့ ဖက်ဆစ်ဂျပန်တော်လှန်ရေး၊ ပြင်သစ်နယ်ချဲ့တော်လှန်ရေး နဲ့ ဗီယက်နမ်ပေါင်းစည်းရေး စစ်ပွဲတွေမှာ ဗီယက်နမ်ပြည်သူ့တပ်မတော်ကို ဦးဆောင်ခဲ့သူဖြစ်ပြီး နိုင်ငံရေးခေါင်းဆောင် ဗီယက်နမ်ပြည်သူတွေရဲ့ အချစ်တော် ဦးလေးဟို ခေါ် ဟိုချီမင်းနဲ့ အတွဲညီညီနဲ့ ဆိုရှယ်လစ် သမ္မတ ဗီယက်နမ် နိုင်ငံတော်ကြီးကို ထူထောင်ခဲ့သူပါ။ ခေတ်လက်နက်တွေနဲ့ စနစ်တကျ တပ်စွဲထားတဲ့ ပြင်သစ်တို့ရဲ့ ဒိန်ဗင်ဖူး ခံတပ်ကို ဗီယက်မင်းတွေ အနိုင်ယူသိမ်းပိုက်နိုင်ခဲ့တာဟာ ဗိုလ်ချုပ်ကြီး ဂီရပ်ရဲ့ ပြောင်မြောက်တဲ့ စစ်ရေး အစီအမံကြောင့်ပါပဲ။

ဗီယက်နမ်ဟာ ဂျပန်၊ ပြင်သစ်၊ အမေရိကန်နဲ့ တရုတ် ဆိုတဲ့ ကမ္ဘာ့စစ်အင်အားကြီး စစ်တပ်တွေကို မိမိတို့မြေပေါ်မှာ အနိုင်ယူနိုင်ခဲ့တဲ့ တစ်ခုတည်းသော အာဆီယံနိုင်ငံဖြစ်ပြီး ဒီစစ်ပွဲကြီး ၄ ပွဲစလုံးမှာ ဗီယက်နမ်တွေရဲ့ ပြည်သူ့စစ် စစ်သေနင်္ဂဗျူဟာကို ဦးဆောင်ချမှတ်ခဲ့သူက ဗိုလ်ချုပ်ကြီး ဂီရပ်ပါ။

ထူးခြားတာက ဒီစစ်သေနင်္ဂဗျူဟာရှင်ကြီးဟာ စစ်ပညာကိုစနစ်ကျ လေ့ကျင့်သင်ယူခဲ့တာမျိုး မရှိခဲ့ပဲ နိုင်ငံရေး စီးပွားရေးနဲ့ ဥပဒေပညာရပ်တွေနဲ့ ဘွဲ့ရခဲ့ပြီး စာရေးဆရာ အပျော်တမ်းဂျာနယ်လစ် အလယ်တန်းကျောင်းမှာ သမိုင်းသင်တဲ့ ကျောင်းဆရာတစ်ဦးသာ လုပ်ခဲ့သူဖြစ်ခြင်းပါပဲ။ ကမ္ဘာ့အင်အားကြီး စစ်တပ်ကြီး ၄ ခုကို ယှဉ်ပြိုင်အနိုင်ယူခဲ့တဲ့ ဗီယက်နမ်တွေရဲ့ နာမည်ကျော် ပျောက်ကြားပြည်သူ့စစ် သေနင်္ဂဗျူဟာကို သူဟာ သမိုင်းထဲက နပိုလီယံရဲ့ စစ်ပွဲများအကြောင်းကိုလေ့လာရင်း ဆွန်ဇူးရဲ့ စစ်ရေးအနုပညာကို လေ့လာရင်း အောင်အောင်မြင်မြင် ထုတ်ဖေါ်ခဲ့သူပါ။

စစ်ရေးအမြင်ဆိုတာ စစ်သားမှာမှ ရှိတာမဟုတ်ကြောင်း ဗိုလ်ချုပ်ကြီးဂီရပ်က သက်သေပြခဲ့ပါတယ်။



Aung Zin Latt (Facebook)

ထားဝယ်သည် လူမျိုးတစ်မျိုးဖြစ်သည်

ဆရာ ဇော်သူရ

၂၇.၉.၂၀၁၃ရက်က တနင်္သာရီတိုင်းဒေသကြီးအစိုးရအဆောက်အဦးမှာ လွှတ်တော်ဥက္ကဌကြီးဦးစီးပြီး ဆွေးနွေး ပွဲတစ်ခုလုပ်ပါသည်။ ပြည်သူ့လွှတ်တော် ဥပဒေကြမ်းကော်မတီက ရေးဆွဲထားတဲ့ တိုင်းရင်းသားလူမျိုးများ၏ အခွင့်အရေးကာကွယ်စောင့်ရှောက်သည့် ဥပဒေကြမ်းကို ဆွေးနွေးကြပါသည်။
ပါတီများ၊ ၈၈မျိုးဆက်၊ တိုင်းဒေ သကြီးလွှတ်တော်အမတ်တွေ၊ တရားသူကြီးချုပ်၊ ရှေ့နေချုပ်၊ ဥပဒေချုပ်တွေသာမက ထွေ/အုပ်ဝန်ထမ်းတွေ၊ အစိုးရအဖွဲ့တွေ၊ လူထုအခြေပြုအဖွဲ့တွေတက်ရောက်ဆွေးနွေးခဲ့ကြပါသည်။

ဒီဥပဒေကြမ်း အခန်း(၁) ပုဒ်မ(၂) အပိုဒ်(င)မှာ တိုင်းရင်းသားလူမျိုးများဆိုသည်မှာ ပြည်ထောင်စုသမ္မတမြန်မာ နိုင်ငံတော်ကို ပင်ရင်းနိုင်ငံအဖြစ်သတ်မှတ်၍ စဉ်ဆက်မပြတ်နေထိုင်ခဲ့သော ကချင်၊ ကယား၊ ကရင်၊ ချင်း၊ ဗမာ၊ မွန်၊ ရခိုင်၊ရှမ်းလူမျိုးများနှင့် ယင်းတို့၏ မျိုးနွယ်စုများကို ဆိုသည်။ ယင်းစကားရပ်တွင် နိုင်ငံသားပြုခွင့်ရသူများ နှင့် ဧည့်နိုင်ငံသားများ မပါဝင်။ ဟု ဖော်ပြထားပါသည်။

ကျွန်တော်တို့ ထားဝယ်လူမျိုးတွေ တိုင်းရင်းသား ဟုတ်မဟုတ် စဉ်းစားကြည့်ပေါ့။

နိုင်ငံတကာအဖွဲ့အစည်းတွေရဲ့ ဒေသခံတိုင်းရင်းသားဆိုတဲ့သတ်မှတ်ချက်ကိုလည်း
 လေ့လာစေချင်ပါသည်။
ILO ၏ အဆိုအရ နိုင်ငံတစ်နိုင်ငံရှိ အခြားသောလူမှုအဖွဲ့အစည်းများနှင့် မတူညီသော လူမှုရေး၊ ယဉ်ကျေးမှု၊ စီးပွါးရေးအခြေအနေရှိသည့်အပြင် ကိုယ်ပိုင် ဓလေ့ထုံးတမ်းများ၊ ဥပဒေများကို ကျင့်သုံးနေထိုင်သည့် လူများ ဟု ဖော်ပြသည်။
ထို့ပြင် နိုင်ငံ၏ နယ်နမိတ်အတွင်း နိုင်ငံသားများအဖြစ်သတ်မှတ်ခြင်းခံထားရသည့် နေထိုင်သူ များမှ ဆင်းသက်ပေါက်ဖွါးလာသူများဖြစ်ပြီး ပထ၀ီဒေသအလိုက် ကိုယ်ပိုင်ယဉ်ကျေးမှု၊ လူမှု ရေး၊ စီးပွါးရေး နှင့် နိုင်ငံရေး ဆောင်ရွက်နေသော လူများကို ဒေသခံတိုင်းရင်းသားများ (သို့)
 ဌာနေတိုင်းရင်း သားများဟု ဆိုပါသည်။

ပညာရှင်တစ်ဦး၏ လေ့လာမှု ( Mortinez Cobo study )အရ လူမျိုးတစ်ဦး၏ ကိုယ်ပိုင်သမိုင်းကြောင်း၊ ရှေးအစဉ်အဆက်နေထိုင်ရာဒေသ၊ လူမျိုးတစ်ခုအဖြစ်သတ်မှတ်ခြင်း၊ ယခုအချိန်တိုင် ယင်းသတ်မှတ်ချက်များ တည်ရှိနေသေးခြင်းစသော အချက်များကို ဖော်ပြထားပါတယ်။

အများအားဖြင့် ဒေသခံတိုင်းရင်းသားများ(သို့) ဌာနေတိုင်းရင်းသားများဖြစ်ကြောင်းကို အောက်ဖော်ပြပါ အချက်အလက်များဖြင့် သတ်မှတ်နိုင်ပါသည်။
(၁) နိုင်ငံတစ်ခု၏နယ်မြေအတွင်း နှစ်ပေါင်းများစွာ (သို့)အစဉ်အဆက်လက်ခံထားပြီး ယခုအချိန်တိုင် တည်ရှိနေသော နိုင်ငံသားအဖြစ်လည်းကောင်း၊ လူမျိုးတစ်မျိုးအဖြစ်လည်းကောင်း သတ်မှတ်ခံထားရသူများမှ ဆင်းသက်ပေါက်ဖွါးလာသူများ၊
(၂) ပထ၀ီအနေအထားအရ ကိုယ်ပိုင်ဒေသအဖြစ်သတ်မှတ်ခံရပြီး ယင်းဒေသအတွင်းနေထိုင်သူများ၊
(၃) ကိုယ်ပိုင်သမိုင်းကြောင်းရှိခြင်း၊
(၄) ကိုယ်ပိုင်ဓလေ့ထုံးတမ်း၊ ယဉ်ကျေးမှုနှင့် စီးပွါးရေးလုပ်ငန်းများရှိခြင်း။
  *******************************************************************

ထားဝယ်သည် သီးခြားနယ်မြေဖြစ်သည်။

ပထ၀ီအနေအထား
ထားဝယ်ဟူသည် လူမျိုးကို လည်းကောင်း၊ ဒေသကိုလည်းကောင်း ရည်ညွှန်းခေါ်ဆိုသော အမည်ဖြစ်သည်။ အများအားဖြင့် ထားဝယ်ဒေသဆိုသည်မှာ ထားဝယ်ခရိုင်ကို ဆိုလိုပါသည်။ ထားဝယ်ခရိုင်သည် တနင်္သာရီတိုင်းဒေသကြီးအတွင်းတည်ရှိပါသည်။
ထားဝယ်ခရိုင်သည် ဧရိယာစတုရန်းမိုင် ( ၅၄၀၇.၀၉ )မိုင် ကျယ်ပြီး အရှေ့ဘက်တွင် ထိုင်းနိုင်ငံ၊ အနောက်ဘက်တွင် ဘင်္ဂလားပင်လယ်၊ မြောက်ဘက်တွင် မွန်ပြည်နယ် နှင့် တောင်ဘက်တွက် မြိတ်ခရိုင်တို့က ၀န်းရံထားသည်။
ထားဝယ်ခရိုင်ကို ထားဝယ်မြို့နယ်၊ရေဖြူမြို့နယ်၊သရက်ချောင်းမြို့နယ်၊ လောင်းလုံးမြို့နယ်နှင့်
 မေတ္တာ မြို့နယ်ခွဲ၊ကလိန်အောင်မြို့နယ်ခွဲတို့ဖြင့် ဖွဲ့စည်းထားတယ်။မိုင်(၁၂၀)ကျော်ရှည်သော ထားဝယ်မြစ်တည်ရှိပြီး ယင်းမြစ်ဝှမ်းဒေသတွင် ထားဝယ်လူမျိုးများ အခြေချနေထိုင်ကြပါသည်။
၂၀၁၂ခုနှစ် ထားဝယ်ခရိုင်ပြန်တမ်းအရ ထားဝယ်ခရိုင်အတွင်း လူဦးရေ (၈)သိန်းခန့်နေထိုင်ကြ၏။

အစောဆုံး ထားဝယ်ဒေသအပိုင်းအခြားကို စမ္ဗူဒီပဥဆောင်းကျမ်း ( ၂ ၊၂၊ ၁၆၃၈ ) အရ
အရှေ့ကိုလားသော် ထားရိုက်က ကျသည့်မြစ် ( တနင်္သာရီမြစ်)
တောင်ကိုလားသော် တနင်္သာရီမြေနှင့် ကျောခိုင်း ( ပြည်ခြားကျေးရွာ)
အနောက်ကိုလားသော် ရှင်သူငယ်မော် မောင်းမကန် အနောက်ပင်လယ်
မြောက်ကိုလားသော် ငှက်ရိုးတော ( မလွဲတောင် )
ဟူ၍ ဖော်ပြပါသည်။ ယခုခေတ် ထားဝယ်ခရိုင်ဖွဲ့စည်းပုံ ခန့်ကျယ်ဝန်းပါသည်။

(၁)အလောင်းစည်သူမင်းလက်ထက် ပြည်ထောင်(၂၀)ရှိသည့်အနက် စစ်သည်အင်အား(၂)သိန်းပြုရ သည့်တိုင်းပြည်အဖြစ်လည်းကောင်း၊ (၂)မှန်နန်းရာဇ၀င်ဟံသာဝတီဆင်ဖြူရှင်လက်ထက်ပြည်ကြီး(၅၀)စာရင်းတွင်ဒါးဝယ်ဟူ၍ လည်းကောင်း၊
(၃) ကောဇာသက္ကရာဇ် ( ၁၁၃၀ခု) (ခရစ် ၁၇၃၈နှစ်)ကုန်းဘောင်ခေတ်ဆင်ဖြူရှင်မင်းရေးထိုးခဲ့သော ပုဂံရွှေစည်းခုံ ထီးတော်တင်ကျောက်စာပါ ပြည်ကြီး(၁၈)ပြည်တွင် ဒ၀ယ်ပြည်ဟူ၍ လည်းကောင်း၊ စသည်ဖြင့် တိုင်းကြီးပြည်ကြီးအဖြစ် ဖော်ပြခဲ့ပါတယ်။

ထားဝယ်တိုင်းရင်းသားများသည် အသက်မွေးဝမ်းကြောင်းမှုအတွက် ကုန်သွယ်လယ်လုပ်၊ ယာခုတ်၊ ဥယျာဉ်စိုက်ခြင်း၊ ငှက်သိုက်၊ဆီအုန်း၊ သီဟိုဠ်စေ့၊ ရာဘာ၊ကြိမ်၊ရေလုပ်ငန်းနှင့် သတ္ထုတွင်းလုပ်ငန်းများကို လုပ်ကိုင်ကြ၏။

ထားဝယ်သည် လူမျိုးတစ်မျိုးဖြစ်သည်။

ထားဝယ်တိုင်းရင်းသားများသည် တိဗက်ဗမာအုပ်စုမှ မြန်မာလူမျိုးအုပ်စုဝင်ဖြစ်တယ်။ မြန်မာတို့နှင့် ကိုးကွယ်ယုံကြည်မှု ဓလေ့ ယဉ်ကျေးမှု ၀တ်စားဆင်ယင်မှုတို့တွင် တူညီကြသည်။
 ရှေးဗမာဟန်ကို ထိန်းသိမ်း ခဲ့ကြ၏။

အာဒိကပ္ပကျမ်း တွင်
သက်နှင့်ရခိုင်၊ နှိုင်းပြိုင်တောင်သူ၊ ပြူ ကမ်းယံယော၊ ထားဝယ်နှောက၊ မျိုးသတ္တ ဟုဖော်ပြ၏။
လောကဟိတရာသီကျမ်း တွင်
လူမျိုး(၁၀၁)ပါးစာရင်းအရ မြန်မာ(ရ)မျိုး
(၁) မြန်မာ၊ (၂)ပြူ၊ (၃)ကမ်းယံ၊ (၄)ယော၊ (၅)ရခိုင်၊ (၆)တောင်သူ၊ (၇)ထားဝယ်ဟုလည်း ဖော်ပြထားသေး၏။

မြန်မာမင်းအုပ်ချုပ်ပုံစာတမ်း(ဒုတိယပိုင်း) တွင်
 မြန်မာ(၇)မျိုးစာရင်း (မူကွဲ ၅ မျိုး ရှိ၏)
၁။ မုံ့ရွေးဆရာတော်အမှတ်အသား
(၁)ဗြဟ္မာသက်၊ (၂)ရခိုင်၊ (၃)ထားဝယ်၊ (၄)ပြရယ်၊ (၅)တောင်သူ၊ (၆)မြုံသက်၊ (၇) ကမ်းယံ။
၂။ ဘေးရွှေတောင်ဝန်မင်းကြီး မဟာမင်းထင်ရာဇာ အမှတ်အသား
(၁)ဗြဟ္မာသက်၊ (၂)ရခိုင်၊ (၃)ထားဝယ်၊ (၄)ပြော့၊ (၅)တောင်သူ၊ (၆)ပြူသက်၊ (၇) ကမ်းယံ။
၃။ ဘေးငစဥ့်ကူး ထောင်အင်းစား အသုံးစာရေး မဟာမင်းလှသင်္ခယာ အမှတ်အသား
(၁)မြန်မာကြီး(ရခိုင်)၊ (၂)မြန်မာငယ်(ပြူ)၊ (၃)ထားဝယ်၊ (၄)ပရယ်၊ (၅)တောင်သူ၊
(၆)ပြုံးသက်၊ (၇) ကမ်းယံ။
၎။ နိုင်ငံခြားဝန်ထောက်မင်းအမှတ်အသား
(၁)မြန်မာ၊ (၂)ရခိုင်၊ (၃)ထားဝယ်၊ (၄)မြုံ၊ (၅)တောင်သူ၊ (၆)ပြူ၊ (၇) ကမ်းယံ။
၅။ စဗ္မူတံဆိပ်နှင့် စွယ်စုံကျော်ထင်အဖြေအရ
(၁)မြန်မာ၊ (၂)ရခိုင်၊ (၃)ထားဝယ်၊ (၄)ထရသ်၊ (၅)တောင်သူ၊ (၆)ပြော့၊ (၇) ကမ်းယံ။ ဟု ဖော်ပြတယ်။

ကရင်ပြည်နယ် ဘားအံမြို့တွင် ကျင်းပသော
 (၁၈)ကြိမ်မြောက် ပြည်ထောင်စုနေ့ ( ၁၉၆၅ခုနှစ် ) ပြည်ထောင်စုနေ့အခမ်းအနားလမ်းညွှန်စာအုပ်မှ တိုင်းရင်းသား(၆၉)မျိုးစာရင်းတွင် (၃၇)ဗမာထားဝယ်လို့ဖော်ပြတယ်။

၁၉၉၈ခုနှစ် ပြန်ကြားရေးဝန်ကြီးဌာနအဆိုအရ မြန်မာ ( ၉)မျိုးမှာပါတယ်။

 နိုင်ငံခြားသားပညာရှင် ( ဒေါက်တာအဲလီဇဘက်မိုး၊ လန်ဒန်တက္ကသိုလ်)နှင့် နိုင်ငံသား ပညာရှင်၊သုတေ သီများ၏ လေ့လာတွေ့ရှိ ချက်များအရ ထားဝယ်ဒေသ ( ထားဝယ်ခရိုင် ) အတွင်း ကျောက်ခေတ်သစ်၊ ပျူခေတ်၊ ပုဂံခေတ်မှစတင်ကာ သမိုင်းတစ်လျောက် သမိုင်းဦးမှယနေ့တိုင်အောင် လူနေထိုင်ရာဒေသဖြစ်တယ်။
ထားဝယ်လူမျိုးများတွင် ကိုယ်ပိုင်ယဉ်ကျေးမှု၊ ဓလေ့ထုံးတမ်းများရှိသည်။ ကိုယ်ပိုင်နက္ခတ်၊ တာရာရှိသည်။
ထားဝယ်ဒေသရှေးရိုးရာအကများမှာ (၁)ရမ်းအက၊ (၂)ဒိန်း(ယိန်း)အကနှင့် အိုးစည်အကဆိုပြီး ရှိခဲ့တယ်။ ယခုအခါ ပျောက်ကွယ်လုလုဖြစ်နေသော ထားဝယ်ရိုးရာ ရမ်းအကကို ထားဝယ်ကျေးလက်ဒေသ အချို့တွင် နတ်ပွဲများတွင်သာတွေ့ရှိနိုင်တယ်။ ထားဝယ်ရိုးရာရေအိုးရွက်အကကို ပြည်ထောင်စုနေ့အခမ်း အနား များနှင့် သင်္ကြန်ကာလများတွင် ကပြလေ့ရှိတယ်။
ထားဝယ်ရိုးရာတေးများကို မြန်မာလိုဒိန်းဟုဆိုသည်။
ထားဝယ်တိုင်းရင်းသားများက ဒီးချင်းဟုခေါ်ပါ တယ်။

အခြေခံပညာကျောင်းသုံးစာအုပ်များတွင် ထားဝယ်တေး၊ ကျေးလက်ရိုးရာတေး၊ ထားဝယ်ဒိန်းသံဟု ဖော်ပြတယ်။ ယင်းဒီးချင်းများနှင့် တွဲဖက်တီးရသောခတ် မိချောင်းစောင်း၊ တယောများလည်းရှိတယ်။ ရှေးမင်းများလက်ထက်တွက်ထားဝယ်တေး၊ထားဝယ်အကဟူ၍ဖော်ပြတယ်။ ထားဝယ်တိုင်းရင်သားများပြောဆို နေကြသောထားဝယ်စကားကိုဒေသိယစကားအဖြစ် ပညာရှင်များက သတ်မှတ်တယ်။ ထို ဒေသိယစကားတွင် ပေါရာဏ၊ မြန်မာ၊ရှမ်း၊ မွန်စကားများရောစပ်လျက်ရှိတယ်။ သို့ရာတွင် မည်သည့် လူမျိုးများနှင့်မျှ မဆက်စပ် သော ထားဝယ်စကားစစ်စစ် စကားလုံးများလည်းတွေ့ရတယ်။
ထို့ပြင် ထားဝယ်ဒေသအတွင်း ရှေးကျသည့် နတ်ကိုးကွယ်မှု၊ မွေးဓလေ့၊ သေဓလေ့၊ မင်္ဂလာဆောင် ဓလေ့များ ပြုမူဆောင်ရွက်နေဆဲဖြစ်တယ်။ ထားဝယ်ဒေသအတွင်း ဘာသာရေးပွဲတော်များ၊ လူမှုရေးပွဲတော် များ၊ ရိုးရာဓလေ့ပွဲတော်များ ကျင်းပလေ့ရှိတယ်။
ထို့ကြောင့် ထားဝယ်သားတို့သည် မြန်မာနိုင်ငံအတွင်းနှစ်ပေါင်များစွာ နေထိုင်ရှင်သန်ခဲ့သည့် တိုင်းရင်းသားလူမျိုးတစ်မျိုးဖြစ်ပြီး ကိုယ်ပိုင်နယ်မြေ၊ ဒေသ၊ ကိုယ်ပိုင်ယဉ်ကျေးမှု၊ ဓလေ့ထုံးတမ်းများရှိသည့် မြန်မာနိုင်ငံသားများဖြစ်တယ်။
သို့ဖြစ်ပါ၍ ထားဝယ်ဒေသ ( ထားဝယ်ခရိုင် ) အတွင်း နေထိုင်ကြသော ထားဝယ်များသည် ဒေသခံတိုင်းရင်သားများ(သို့) ဌာနေတိုင်းရင်းသားများဖြစ်ကြပါတယ်။
                                                                                      ဆရာဇော်သူရ

ဇရာအိုနဲ့ ဆီးကျိတ်ရောင် ရောဂါ

အမျိုးသားတွေဟာ အမျိုးသမီးတွေနဲ့မတူတဲ့ ကွဲပြားမှုတွေ ရှိကြတာ ပြောဖို့လိုမယ် မထင်ပါဘူး။ ငယ်ရွယ်စဉ် မသိသာသေးပေမယ့် အပျိုဖော်၊ လူပျိုပေါက် ဝင်ပြီးတဲ့နောက်မှာတော့ ပိုမိုသိသာထင်ရှား လာတယ်။အသံအနေအထား စတင်ပြောင်းလဲလာတယ်။ အမွှေးအမျှင်တွေ ပေါက်ရောက်လာတယ်။အတွေးအခေါ်၊ အမူအကျင့်၊ ကိုယ်နေဟန်ထား ပြောင်းလဲလာတယ်။ ကွဲပြားချက်တွေထဲမှာ အမျိုးသားတွေမှာသာ ပါရှိတဲ့ ဆီးကျိတ်ကလည်း တခုပါ။ အသက်ကြီးလေ ပိုမိုသိလေ ဆိုချင်ကြသူတွေအတွက် ဆီးကျိတ်က ဥပမာကောင်းတခု ဖြစ်ပါလိမ့်မယ်။ အသက်ကြီးသူများဟာ ဆီးကျိတ်အကြောင်းပိုသိလာသလို ဝေဒနာတွေ ခံစားလာရတယ်။ဆီးကျိတ်ရောင်ခြင်းက အသက်ငါးဆယ်ကျော် ခြောက်ဆယ်အရွယ် အမျိုးသားတွေကို ဒုက္ခကောင်းကောင်းပေးတတ်ပါတယ်။
အသက်ခြောက်ဆယ်ကျော် အမျိုးသားတွေရဲ့ ထက်ဝက်ခန့်ဟာ ဆီးကျိတ်ရောင်ရောဂါ ဖြစ်တတ်ကြပေမယ့် ဖြစ်သူစုစုပေါင်းရဲ့ ၁၀ရာခိုင်နှုန်းခန့်သာ ဆေးကုသဖို့ လိုတယ်ဆိုတဲ့ အချက်က စိတ်သက်သာစေပါတယ်။ ဆီးကျိတ်ရောင်တယ်လို့ အလွယ်ပြောကြပေမယ့် ဆီးကျိတ်ကြီးတယ် ဆိုတာကမှ အမှန်တရားနဲ့ ပိုမိုနီးစပ်ပါတယ်။ ဆေးပညာအခေါ်အဝေါ်အရကို benign prostatic hyperplasia (BPH)လို့ ဆိုတာကိုး။ hyperplasia ဆိုတာက ဆဲလ်တွေ ပုံမှန်ထက်များပြားလာပြီး ကြီးထွားတယ် ဆိုတဲ့အဓိပ္ပါယ်မျိုး သက်ရောက်ပါတယ်။ ဆီးကျိတ်ရောင်တယ်ဆိုရင်ပဲ BPH ကို ရည်ညွန်းမှန်း နားလည်ကြပါတယ်။


ဆီးကျိတ်ဆိုတာ ဘာလဲ။
--------------------------
ဆီးကျိတ်ဟာ ဆီးအိမ်ရဲ့အောက်ဖက် ကပ်လျက်မှာတည်ရှိပြီး ဆီးပြွန်ကို ဝန်းရံထားတယ်။ ဆီးအိမ်နဲ့ တဆက်တည်းဖြစ်တဲ့ ဆီးသွားပြွန်ဟာ ဆီးကျိတ်ကို ဖြတ်သန်းပြီး သွားရတယ်။ အမျိုးသားတွေမှာသာ ပါရှိပြီး ပုံမှန်အရွယ်အစားအားဖြင့် သစ်ကြားသီး(သို့) ကွမ်းသီးလုံးခန့်သာ ရှိပါတယ်။ ဆီးကျိတ်ဟာ အသက်ကြီးလာတာနဲ့အမျှ တဖြည်းဖြည်း ထူပြီးရောင်လာတယ်။ အရွယ်အစားဟာ ပုံမှန်ထက် နှစ်ဆ၊ သုံးဆခန့်ရှိတဲ့အခါမှာ ရောဂါလက္ခဏာ စတင်ပြသတော့တယ်။ နောက်ဆုံးမှာ သူဝန်းရံထားတဲ့ ဆီးပြွန်ကို ညှစ်တဲ့အခါ ဆီးကောင်းကောင်း မသွားနိုင်တော့ဘဲ ဒုက္ခပေးတော့တယ်။ အများအားဖြင့် ရောဂါလက္ခဏာစတင်ပေါ်ပေါက်မှသာ သတိထားမိတတ်ကြတယ်။ ဆီးကျိတ်ဟာ လူပျိုပေါက်အရွယ်မှာ တကြိမ်၊ အသက်သုံးဆယ်ကျော်အရွယ်မှာ တကြိမ် စုစုပေါင်း နှစ်ကြိမ် ကြီးထွားပါတယ်။ အသက်သုံးဆယ်ကျော်အရွယ်က စတင် ကြီးထွားတဲ့ ဆီးကျိတ်ဟာ အသက်ငါးဆယ်ကျော်ခန့်မှသာ ရောဂါလက္ခဏာ သိသာထင်ရှားကြတယ်။

ဆီးကျိတ်ရောင်တာ ဘာကြောင့်ဖြစ်သလဲ။
--------------------------------------------
ဖြစ်စေတဲ့အကြောင်းရင်းကို အတိအကျ မသိသေးပါ။ သီအိုရီများ၊ ယူဆချက်များအရ အသက်အရွယ်ကြီးရင့်၍ ဆီးကျိတ်ကြွက်သားများ ထူလာခြင်းကြောင့် ဖြစ်ပေါ်စေသလို ဟော်မုန်းဓာတ် ပြောင်းလဲမှုကြောင့် ဖြစ်ပေါ်စေပါတယ်။ အမျိုးသား ဟော်မုန်း တက်စတိုစတီရုန်း(testosterone) ပြောင်းလဲမှုကြောင့် ဖြစ်ပေါ်စေသည်ဟု လက်ခံထားသည်။ဟော်မုန်းဓာတ်နှင့်ဆိုင်သော သောက်ဆေးများပေးသောအခါ ဆီးကျိတ်ကြီးထွားမှုကို သိသာစွာလျော့နည်းစေသည်။ ထို့ပြင် အစားအသောက်၊ အနေအထိုင်နှင့်လည်း ဆက်စပ်မှုရှိပြန်သည်။

ဆီးကျိတ်ရောင်ခြင်းရဲ့ လက္ခဏာတွေက ဘာတွေလဲ။
--------------------------------------------------------
တဖြည်းဖြည်း ကြီးထွားလာတဲ့ ဆီးကျိတ်ဟာ ဆီးပြွန်ကို ဖိညှစ်ပြီး ပိတ်ထားတဲ့အတွက် ဆီးတွေဟာ ဆီးအိမ်ထဲ ပြန်ရောက်ပြီး ရောဂါလက္ခဏာတွေ စတင်ခံစားရပါတယ်။ ဒါ့အပြင် ဆီးအိမ်အထွက်မှာ ဖိညှစ်ထားတဲ့အတွက် ဆီးအိမ်ကို တင်းစေတဲ့ အပြင် ဆီးကောင်းကောင်းမသွားနိုင် ဖြစ်ရတယ်။ လက္ခဏာရပ်တွေကို ခြုံကြည့်ရင်
- ဆီးအိမ်တင်းတာ၊
-ဆီးကောင်းကောင်းသွားမရတာ၊
-ဆီးသွားပြီးတိုင်း ဆီးကျန်တာ၊
-အရင်ကထက် ပိုညှစ်ရတာ၊
-ညှစ်တဲ့အခါ ဆီးလုံးပိုသေးတာ၊
-ဆီးကအဝေးမရောက်တာ၊
-ဆီးမထိန်းနိုင်တာ၊
-မကြာခဏဆီးသွားချင်စိတ်ပေါ်တာ၊
-ဆီးသွားပြီးခါနီးရင် တစက်စက်ကျတာ၊
-သွားချင်စိတ်ရှိပေမယ့် တော်တော်နဲ့မထွက်တာ၊
-အရင်ကထက် ဆီးအကြိမ်ရေတွက် ပိုများတာ စ တာမျိုးတွေ ဖြစ်နိုင်ပါတယ်။ ကုသမှုမရှိရင် ရောဂါလက္ခဏာတွေဟာ ပိုပိုပြီးဆိုးလာတတ်ပါတယ်။ နောက်ပိုင်းမှာ နောက်ဆက်တွဲဆိုးကျိုးတွေပါ လိုက်လာတော့တယ်။ ဆီးလမ်းကြောင်းပိုးဝင်ခြင်း၊ဆီးအနည်ထိုင်ခြင်းမှတဆင့် ဆီးအိမ်ကျောက်တည်ခြင်း၊ဆီးမထုတ်နိုင်ခြင်း၊ နောက်ဆုံး ကျောက်ကပ် ပျက်ဆီးခြင်းတို့ကြောင့် အသက်သေဆုံးသည်အထိ ဖြစ်နိုင်ပါတယ်။ ဒါ့ကြောင့် ရောဂါလက္ခဏာ ပေါပေါက်လာတာနဲ့ အမြန်ဆုံး ဆရာဝန်နဲ့တိုင်ပင်ပြီး ဆေးကုသမှုခံယူသင့်ပါတယ်။

ဘယ်လိုအချိန်မှာ ကုသမှုခံယူရမလဲ။
---------------------------------------
အမျိုးသားများဟာ အသက် ငါးဆယ်ကျော်တာနဲ့ ဆီးကျိတ် ရောဂါဖြစ်နိုင်သူများ အဖြစ်သတ်မှတ်ပါတယ်။ ဒါ့ကြောင့် အသက်ငါးဆယ်ကျော်လျင် ရောဂါလက္ခဏာမရှိပေမယ့် တနှစ်တခါ ဆေးစစ်သင့်ပါတယ်။ တခါတရံ ဆေးစစ်ရင်း မတော်တဆ တွေ့တာမျိုးလည်း ရှိတတ်ပါတယ်။ ကြိုသိတဲ့အခါ ဆေးစား ဆေးသောက်ရုံနဲ့ သက်သာသွားတတ်ပါတယ်။ ရောဂါသိပ်ဆိုးလာမှ ကုသတဲ့အခါ ခွဲစိတ်ရတာ၊ခြစ်ထုတ်ရတာမျိုး လုပ်ရတတ်ပါတယ်။ ရောဂါလက္ခဏာနဲ့ ဆီးလမ်းကြောင်းပိတ်တဲ့အခြေအနေကို ကြည့်ပြီး ကုသဖို့ သတ်မှတ်ချက်တွေ ရှိပါတယ်။ international prostate symptom score(IPSS) အပြည်ပြည်ဆိုင်ရာ ဆီးကျိတ်လက္ခဏာ သတ်မှတ်ချက်တွေအရ ရောဂါ ကုသင့်၊ မကုသင့် ဆုံးဖြတ်ပါတယ်။
အဆင့်လေးဆင့် သတ်မှတ် ပြဌာန်းပါတယ်။
အဆင့်(၁) ရောဂါလက္ခဏာ မရှိသလို ဆီးလမ်းကြောင်း ပိတ်ဆို့မှု မရှိတဲ့ အဆင့်၊
အဆင့်(၂) ဆီးလမ်းကြောင်းနဲ့ဆိုင်တဲ့ လက္ခဏာတွေရှိပေမယ့် ဆီးလမ်းကြောင်း ပိတ်ဆို့မှုမရှိတဲ့အဆင့်၊
အဆင့်(၃) ဆီးလမ်းကြောင်း ပိတ်ဆို့တဲ့အဆင့်၊
အဆင့်(၄) ဆီးကျိတ်ရောင်တာ ကြာရှည်တဲ့အတွက် နောက်ဆက်တွဲဆိုးကျိုးတွေ ပေါ်ပေါက်လာတဲ့အဆင့်၊
ရောဂါအဆင့်(၁)မှာ ကုသမှုမလိုသေးဘဲ ဆရာဝန်ရဲ့ အနီးကပ်စောင့်ကြပ်မှုနဲ့ အစားအသောက်၊ အနေအထိုင် ဆင်ခြင်ဖို့သာ လိုအပ်ပါတယ်။ ဆေးစစ်မှုကို အချိန်မှန်မှန် လုပ်သင့်ပါတယ်။
အဆင့်(၂)မှာ ရောဂါလက္ခဏာသက်သာအောင် ဆေးပေးမှုတွေ လိုအပ်ပါတယ်။
အဆင့်(၃)မှာ ဆီးလမ်းကြောင်းပိတ်ဆို့တဲ့အတွက် ခွဲစိတ်ပြီး ဖြတ်ထုတ်တာ၊ ခြစ်ပစ်ရတာ၊heat အပူစွမ်းအင်ပေးကုသတာ၊ waveနဲ့ ကုသတာ၊ ethanolအရည်ထိုးထဲ့ပြီး အသားကို ရှုံ့စေတာ စသဖြင့် အမျိုးမျိုးအဖုံဖုံပေးပြီး ကုသကြပါတယ်။
အဆင့်(၄)မှာ နောက်ဆက်တွဲဆိုးကျိုးတွေဝင်ရောက်လာတဲ့အတွက် ခွဲစိတ်ဖြတ်ထုတ်ဖို့ လိုအပ်ပါတယ်။ ဆီးအိမ်ကျောက်တည်တာ၊ နောက်ဆုံးကျောက်ကပ် အလုပ်မလုပ်တာတွေထိပါလာပြီဖြစ်လို့ အသက်အန္တရာယ် စိုးရိမ်ရတဲ့အတွက် မလုပ်မဖြစ်လုပ်ရမယ်လို့ အကြံပြုထားပါတယ်။

ဘယ်လိုကုသနည်းတွေနဲ့ ကုသသလဲ။
-----------------------------------------
အဆင့် (၂) ကစပြီး ကုသဖို့ လိုအပ်ပါပြီ။ ဆီးကျိတ်ဆေးပေးတဲ့အခါ လက္ခဏာတွေကို သက်သာစေတဲ့ alpha blocker သောက်ဆေး အမျိုးအစားနဲ့ ဆီးကျိတ်အရွယ်အစားကို သေးငယ်စေတဲ့ 5-alpha reductase inhibitor ဆေးတွေကို အဓိက အသုံးပြုကြပါတယ်။ ပထမဆေးအမျိုးအစားက ဆီးကျိတ်ကြွက်သားတွေနဲ့ ဆီးအိမ်ကြွက်သားတွေကို ပြေလျှော့စေပြီး ရောဂါလက္ခဏာကို သက်သာစေပါတယ်။ tamsulosin,alfuzosin,prazosin,doxazosin,terazosin စတဲ့ဆေးတွေကို အသုံးပြုကြပါတယ်။ tamsulosin နဲ့ alfuzosin တို့က ဆီးကျိတ်အတွက် အဓိကအသုံးပြုတဲ့ဆေးတွေ ဖြစ်ပါတယ်။ testosterone ကျားဟော်မုန်းက DHT(dihydrotesterone) ကို ပြောင်းလဲပေးတဲ့ အင်ဇိုင်းဓာတ်(5alpha- reductase)ကို တားမြစ်စေခြင်းကြောင့် ဆီးကျိတ်ရဲ့အရွယ်အစားကို သေးငယ်စေပါတယ်။ finasteride,dutasteride စတဲ့ဆေးတွေကို ၆လမှ တနှစ်ထိ သောက်သုံးတဲ့အခါ ဆီးကျိတ်အရွယ်အစားကို ၄ပုံ ၁ပုံခန့် လျှော့ကျစေတယ်လို့ ဆိုပါတယ်။ သို့သော် အဆိုပါဆေးများဟာ ရေရှည်သောက်သုံးဖို့ လိုအပ်သလို side effect ဘေးထွက်ဆိုးကျိုးတွေလဲ ပိုမိုခံစားရတတ်ပါတယ်။ ပန်းသေပန်းညှိုးအတွက် အသုံးပြုသော sildenafil,ကြွက်သားများပျော့ပျောင်းစေသည့် tolterodine တို့ကိုလည်း သုံးစွဲသူက သုံးကြသည်။ဆီးကျိတ်မှာ အဆိုပါသောက်ဆေးများအပြင် herbal တိုင်းရင်းဆေးများကိုလည်း အသုံးပြုတတ်ကြပါတယ်။ အသုံးအများဆုံးနှင့် နာမည်အကျော်ကြားဆုံးတိုင်းရင်းဆေးမှာ saw palmetto (မြန်မာအခေါ် ဆေးထန်းပင်သီး ) ဖြစ်သည်။ ဆေးထန်းပင်သီးမှ ထုတ်သည့် အဆီအနှစ်သည် ရောင်ရမ်းခြင်းကိုကျဆင်းစေသည့်အပြင် ဆီးကျိတ်အရွယ်အစားကိုပါ သေးငယ်စေသည်။ သို့သော် အမေရိကား FDA ကမူ လက်မခံသေးဘဲ ထပ်မံစမ်းသပ်စစ်ဆေးမှုတွေပြုလုပ်သင့်သည်ဟု သတိပေးထားသည်။ အခြားတိုင်းရင်းဆေးများစွာကိုလည်း ဆီးကျိတ်အတွက် အသုံးပြု ကြသည်။
အဆင့်(၃) ရောဂါအတွက် ဆီးလမ်းကြောင်းပိတ်ဆို့မှုကို သက်သာစေသည့် ဆီးကျိတ်အတွင်းနံရံကို ဖြတ်ထုတ်ပစ်သည့် TURP(transurethral resection of prostate ) ခွဲစိတ်နည်းကို အသုံးပြုကြသည်။အခြားနည်းများမှာ စွမ်းအင်လှိုင်းသုံး၍ကုသခြင်း(transurethral microwave therapy)၊အပူပေးကုသခြင်း(transurethral needle ablation)၊ laser နှင့် ကုသခြင်း၊ ethanol ထိုးထဲ့၍ ကုသခြင်း၊ စသဖြင့် အမျိုးမျိုး ကုသနိုင်သည်။

ဘယ်လိုနေထိုင်စားသောက်ဖို့ လိုသလဲ။
-------------------------------------------
ဆေးမလိုသေးသူတွေဟာ အနေအထိုင်၊ အစားအသောက် ဆင်ခြင်ရုံနဲ့ သက်သာတတ်ပါတယ်။
-ဆီးသွားချင်စိတ် ပေါ်တာနဲ့ ဆီးသွားထားပါ။
-အရက်၊ကော်ဖီ ရှောင်ကြဉ်သင့်တယ်။အထူးသဖြင့် ညပိုင်းတွေမှာ ပိုမိုသတိထားရတယ်။
-တကြိမ်ထဲနဲ့ ဗိုက်တင်းအောင် ရေအဝ မသောက်ပါနဲ့။ နဲနဲစီခွဲပြီး မကြာခဏ သောက်သုံးသင့်တယ်။
-ညမအိပ်ခင် နှစ်နာရီအတွင်း ရေသောက်ခြင်းမှ ရှောင်ကြဉ်ပါ။
-အေးတဲ့ရာသီဥတုက ဆီးသွားစေတဲ့အတွက် နွေးနွေးထွေးထွေး နေပါ။
-ကိုယ်လက်လှုပ်ရှား အားကစားကို ပုံမှန်လုပ်ဆောင်သင့်တယ်။
-အအေးမိနှာစေး ပျောက်ဆေးတွေကို သတိနဲ့သောက်သုံးသင့်တယ်။
-တင်ပဆုံကြွက်သားလေ့ကျင့်ခန်း(kegel exercise) က ဆီးကျိတ်ရောဂါအတွက် သင့်တော်တယ်လို့ ဆိုပါတယ်။
-မကြာခဏစိတ်လှုပ်ရှားခြင်း၊ စိတ်ဖိစီးမှုများခြင်းက ဆီးသွားချင်စိတ်ကို ပိုမိုဖြစ်ပေါ်စေလို့ သတိထားသင့်တယ်။
ရှောင်ကြဉ်သင့်တဲ့အစားအစာတွေက အဆီအဆိမ့်များတဲ့ အစားအစာတွေ၊ကစီဓာတ်များတဲ့ အစားအစာ၊ ထောပတ်၊ချီးစ်၊မာဂျရင်း၊ ကော်ဖီ၊ အရက်၊ ဘီယာ၊ ဆေးလိပ် စတာတွေ ဖြစ်ပါတယ်။
စားသုံးသင့်တဲ့ အစားအစာတွေက ဟင်းသီးဟင်းရွက်၊ သစ်သီးဝလံ၊ ငါး၊ ပန်းသီး၊ စပျစ်သီး၊ ဖရုံသီး၊ ကြက်သွန်နီ၊ ပဲပုတ်၊ လက်ဖက်စိမ်းရွက်(စို၊ခြောက်)စသည်တို့ ဖြစ်ပါတယ်။ omega3 ပါတဲ့ အစားအသောက်၊ဆေးဝါးတွေကို သောက်သုံးသင့်တယ်။ ဝမ်းမချုပ်စေဖို့တော့ အထူးဂရုပြုသင့်တယ်။ နောက်ဆုံးအနေနဲ့ ဆေးဝါးတွေကို ဆရာဝန်ခွင့်ပြုချက်နဲ့သာ သောက်သုံးသင့်ကြောင်း အကြံပေးပါရစေ။


ဒေါက်တာ အေးမင်းထူး
ဆေးပညာဆိုင်ရာဆောင်းပါးများhttps://www.facebook.com/HealthArticles2013

Irritable bowel syndrome(IBS)ခံစားမှုရဲ့ စေ့ဆော်ရာ အူလမ်းကြောင်းလှုပ်ရှားမှု ရောဂါ

လူ့ခန္ဓာကိုယ်ရဲ့ ဇီဝဖြစ်စဉ်တွေဟာ စိတ်ခံစားမှုအတက်အကျပေါ်မူတည်ပြီး ထူးဆန်းဖွယ် လိုက်လံပြောင်းလဲတတ်ကြတယ်။ စိတ်စေတသိတ်ရဲ့စေစားမှုနောက်ကို ခန္ဓာကိုယ်က လိုက်လံလှုပ်ရှားပေးနေရတယ်။
တချို့ရောဂါတွေမှာစိတ်ရဲ့ခံစားမှုက အရေးကြီးတဲ့အပိုင်းမှာ ပါလာတယ်။စားတာသောက်တာ၊နေတာထိုင်တာ ဝတ်တာစားတာကအစ ပူတာအေးတာလဲ ဒီစိတ်ကပဲ သိတာမဟုတ်လား။သွားချင်လာချင်၊ ပျော်ချင်ပါးချင်တာလဲ ဒီစိတ်ပဲ။စိတ်ဆိုးဒေါသထွက်တာလဲဒီစိတ်ပဲ။ ထိန်းချုပ်ချင်ပေမဲ့ ထိန်းရခက်တာလဲ ဒီစိတ်ပဲ။

တိုင်းရင်းဆေးပညာမှာတော့ ကံ၊စိတ်၊ဥတု၊အာဟာရ မျှတဖို့ အရေးကြီးတယ် လို့ဆိုတယ်မလား။အနောက်တိုင်းဆေးပညာမှာလဲ ရုပ်ပိုင်းဆိုင်ရာတင်မက စိတ်ပိုင်းဆိုင်ရာမှာပါ ကျန်းမာသူကိုမှ well-being ကျန်းမာခြင်းအစစ်အမှန်လို့ ပြောင်းလဲသတ်မှတ် ထားကြပြန်တယ်။
 တချို့က လူမှုဆက်ဆံရေးမှာပါ ပြည့်စုံဖို့လိုအပ်သေးသတဲ့။
 ပြဿနာက စိတ်ဆိုတာ လေနှင်ရာ လွင့်ရတဲ့ တိမ်တိုက်လိုမဟုတ်လား။အပြောလွယ်ပြီး အလုပ်ခက်တာထဲမှာ သူကထိပ်ဆုံးက။ စိတ်ညစ်စရာတွေ့ရင် ပျော်အောင်နေဖို့လွယ်တာမှမဟုတ်တာ။ပြဿနာက သူတို့ရဲ့ခံစားမှုပေါ်လိုက်ပြီးကိုယ်တွင်းအင်္ဂါ ဇီဝဖြစ်စဉ်တွေ ပြောင်းလဲတတ်ကြတယ်။

တချို့တွေမှာ ပုံမှန်ထက် ထိလွယ်ခိုက်လွယ်တာပဲ။ အင်္ဂလိပ်လိုတော့ irritate လို့ သုံးကြပါတယ်။ သူက သိပ် irritate ဖြစ်တာပဲဆို စိတ်ဆိုးလွယ်၊ ဒေါသထွက်လွယ် သူတွေကို ပြောတဲ့စကားပါ။ ထိလွယ်၊ခိုက်လွယ်၊ခံစားလွယ်သူပေါ့။အလားတူ ဒီလိုလူတွေမှာ စိတ်ခံစားမှုကြောင့် ခန္ဓာကိုယ်တွင်း အစာချေဖျက်ပေးတဲ့ အူလမ်းကြောင်းမှာ လုပ်ငန်းဆောင်တာအချို့ ပြောင်းလဲလာတတ်ပါတယ်။

ဒါမျိုးကို irritable bowel လို့ ခေါ်ပါတယ်။ ဒီဆေးပညာယူဆပုံ အသုံးအနှုံးကို ၁၉၅၀ခုနှစ်ထုတ် rocky mountain ဆေးပညာဂျာနယ်မှာ စတင်သုံးစွဲခဲ့ပါတယ်။ နောက်ပိုင်းမှာ တွေ့ရှိလာတဲ့ လက္ခဏာရပ်တွေစုစည်းပြီး irritable bowel syndrome (IBS)လို့ခေါ်ဝေါ်သုံးစွဲလာကြပါတယ်။
spastic colon လို့လည်း အသိများကြပါတယ်။

တချို့ရောဂါတွေမှာ ဆေးပညာရှင်တွေအဖို့ သူငယ်တန်း စာတွေကျေညက်ဖို့လည်း အရေးကြီးသေးတယ်။ မှတ်ရလွယ်စေဖို့ အင်္ဂလိပ်အက္ခရာ ပြန်သင်ရတယ်။IBSရောဂါလက္ခဏာအတွက်တော့ ရှေ့ဆုံး ဗျည်းလေးလုံး သိဖို့ လိုအပ်လာတယ်။A-abdominal pain ဗိုက်နာတာ၊B-bloating ရင်ပြည့်ရင်ကယ်၊C-constipation ဝမ်းချုပ်စေတာ၊D-diarrhoea ဝမ်းသွားချင်တယ်၊တချို့မှာ ချုပ်လိုက် သွားလိုက်ဖြစ်နေနိုင်တယ်။ အဓိကလက္ခဏာလေးခုအပြင် တခြားလက္ခဏာတွေလဲ ဖြစ်တတ်သေးတယ်။ ပျို့ချင်အန်ချင်တယ်၊လေချင်တက်မယ်၊ဝမ်းသွားပြီးတိုင်း ဝမ်းကျန်သလို ခံစားရတယ်၊ ဗိုက်ဖောင်းပြီး တင်းနေမယ်။ဝမ်းသွားရင် အကျိအချွဲပါလာတယ်။လမ်းကြောင်းနဲ့ မဆိုင်တဲ့ ဟိုနား၊ဒီနား ကိုက်တာ၊မောပန်းချင်၊အားအင်ကုန်ခန်း၊ဆီးအိမ်တင်းပြီး ဆီးသွားချင်စိတ်များတာတွေဟာ စိတ်ခံစားမှုအလိုက်ဖြစ်တတ်တယ်။

အများအားဖြင့် ဒီရောဂါဖြစ်သူရဲ့ ၆၀ရာနှုန်းလောက်က စိတ်ဖိစီးမှုများသူ၊စိတ်ကျသူ၊ စိတ်လှုပ်ရှားလွယ်သူတွေ ဖြစ်ကြတယ်။ စိတ်ခံစားမှုပြောင်းလဲလွယ်တဲ့ အမျိုးသမီးတွေမှာ ၂ဆခွဲလောက် ပိုမိုဖြစ်တတ်ကြတယ်။ လူပျို၊အပျိုပေါက်အရွယ်မှ လူကြီးပိုင်းဝင်စ အရွယ်၂၀-၃၀ကြား တွေမှာ စတင်တွေ့ရတယ်။ နောက်ပိုင်း စိတ်ခံစားမှုအလိုက် ပေါ်လိုက်ပျောက်လိုက်ဖြစ်တတ်ကြတယ်။တချို့ ဖြစ်မှန်းမသိ ဖြစ်သူလည်းမနည်းလှဘူး။ လူကို ကြီးကြီးမားမား ဒုက္ခပေးတာလဲ မရှိတတ်ဘူး။ဒါ့ကြောင့် disease ရောဂါလို့အမည်မတပ်နိုင်ပဲ syndrome လက္ခဏာလို့ အမည်တပ်ထားတယ်။ အင်္ဂလန်မှာ ၅ယောက် ၁ယောက် တွေ့ရတယ်။ဘရာဇီး၊မက္ကဆီကိုဖက်မှာ ပိုတွေ့ရတယ်။ နောက်ပိုင်းနှစ်တွေမှာ ရောဂါလက္ခဏာခံစားရသူ ပိုမိုများလာတယ်။ suicidal ကိုယ့်ဘာသာ သတ်သေနှုန်းလည်း တဖြည်းဖြည်း မြင့်တက်လာတယ်။

ဖြစ်စေတဲ့ အဓိကအကြောင်းရင်းဟာ စိတ်ဖိစီးမှု၊စိတ်သောကကြောင့် စိတ်ဓာတ်ကျတာကို bowel အူလမ်းကြောင်းက လွန်လွန်ကဲကဲ တုံ့ပြန်လို့ ဖြစ်ကြတယ်။ ဖြစ်သူစုစုပေါင်းရဲ့ ထက်ဝက်ကျော်ဟာ စိတ်ကြောင့် ဖြစ်ပေါ်စေတယ်။ရောဂါပိုးဝင်၊ဝမ်းပျက်ဝမ်းလျှောဖြစ်ပြီးနောက် တချို့လည်း ဒီရောဂါစဖြစ်လာတယ်။၂၀ ရာနှုန်းလောက်ရှိမယ်။ အစားအသောက်၊အနေအထိုင်တွေနဲ့လဲ ဆိုင်တယ်လို့ သီအိုရီတွေက ဆိုတယ်။ serotonin ရဲ့ လုပ်ဆောင်မှုကလည်း အရေးကြီးကဏ္ဍအနေနဲ့ ပါဝင်လာတယ်။ အူရဲ့ပုံမှန်လုပ်ဆောင်မှုဟာ ပြောင်းလဲလာတယ်။bowel ဆိုတဲ့စကားလုံးမှာ အူသိမ်၊အူမကြီး နှစ်မျိုးလုံးပါဝင်ကြတယ်။အူသိမ်ရဲ့ တာဝန်က ဝင်လာတဲ့အစားအသောက်ထဲက အာဟာရစုပ်ယူဖို့။ အူမကြီးက စွန့်ပစ်ဖို့။ အာဟာရစုပ်ယူရတဲ့ အူသိမ်ဟာ ၂၂ပေလောက်ရှည်တယ်။သေးသေးနဲ့ ရှည်ရှည်။အမျိုးသမီးတွေမှာ ၂၃ပေ ကျော်လောက်ရှိတယ်။ ခန္ဓာဗေဒအရဆိုရင် အမျိုးသမီးတွေ အူတိုတတ်တာ လုံးဝမမှန်ဘူး။စွန့်ပစ်ဖို့တာဝန်ယူထားရတဲ့ အူမကြီးဟာ ၅ပေ လောက်ရှိတယ်။ တိုတို တုတ်တုတ်နဲ့ အလုပ်ပြီးအောင်လုပ်ရတယ်။ဒီအလုပ်တွေပုံမှန်မလုပ်တဲ့အခါ ဟိုမရောက်ဒီမရောက် လေထိုးလေအောင့်နဲ့ လူကိုဒုက္ခရောက်စေတယ်။နာတာ၊တင်းတာအပြင် လေမထွက်တာကလည်း ခံရခက်စေတယ်။ စိတ်ဖိစီးမှု၊ စိတ်လှုပ်ရှားမှုမရှိရင် ရောဂါ လက္ခဏာတွေလည်း ပျောက်သွားတယ်။ ပုံမှန် အကောင်းတိုင်း ပြန်ဖြစ်သွားတယ်။

သွေးစစ်၊ဆီးစစ်၊ဓာတ်မှန်ရိုက်ရုံနဲ့ ဒီရောဂါမှန်း မသိနိုင်ပါ။ တခြားရောဂါမဟုတ်မှန်းတော့ သိနိုင်ပါတယ်။exclusion method တခြားရောဂါ ကြီးကြီးမားမားမရှိကြောင်း စစ်ဆေးပြီး IBS လို့ သိရှိနိုင်တယ်။တခြားဆင်တူတဲ့ ရောဂါတွေ မနည်းလှဘူး။ရောဂါစစ်စစ် မဟုတ်လို့ စစ်ဆေးရခက်ပါတယ်။ရောဂါ မဟုတ်တဲ့အတွက် ဖြစ်တဲ့လက္ခဏာကို ကုသရတယ်။ ဝမ်းပိတ်သူတွေအတွက် ဝမ်းပျော့ဆေး၊ ဝမ်းနုတ်ဆေးတွေ ပေးရတတ်တယ်။ magnesium trisilicate၊lactulose၊ ispaghula fibreတွေ သောက်သုံးပေးရတယ်။ soluble fibreအမျှင်ဓာတ်ကို ထည့်ပေးရတယ်။ ဈေးကွက်မှာ ispaghula fibre နဲ့ lactulose နှစ်မျိုးပေါင်းကို Livoluk fibre နာမည်နဲ့ ရရှိနိုင်ပါတယ်။အရပ်ပြော တရုတ်ဝမ်းပျော့ဆေး ပန်းရောင်လုံးတွေ သုံးဖို့ စိတ်မကူးစေချင်ပါ။ဓာတ်ခွဲခန်းတွေမှာ အရောင်ဆိုးဆေးအတွက် အသုံးချတဲ့ဓာတ်တမျိုးဖြစ်ပြီး အခန့်မသင့်ရင် ဆီးအိမ်ကင်ဆာပါ ဖြစ်ပေါ်တတ်ပါသေးတယ်။ ဝမ်းလျှောသူအတွက် ဝမ်းပိတ်ဆေး၊ဗိုက်နာဗိုက်အောင့်ရင် antispasmodic ဆေးတွေနဲ့ သက်သာတတ်ပါတယ်။လေထိုးလေအောင့် ရင် semithicone၊ charcoal စတာတွေကို ဆရာဝန်က ညွန်ပါမယ်။serotonin နဲ့ဆိုင်တဲ့ ဆေးအချို့ လိုကောင်းလိုမယ်။amitriptyline ၊nortriptyline စတာတွေ ရေရှည်သုံးရတတ်တယ်။ သိသိသာသာ သက်သာသူများကြတယ်။ဘေးထွက်ဆိုးကျိုးနဲ့တော့ ပြန်ချိန်ရတယ်။ ဘယ်ဆေးမဆို ဆရာဝန်ညွှန်ကြားမှသာ သောက်သုံးရတယ်။

ရောဂါလက္ခဏာသက်သာစေဖို့ ဆိုရင်
-ရေများများသောက်ပေးပါ။
-အမျှင်ဓာတ်ပါတာ များများစားပေးပါ။
-ဗိုက်နာရင် ရေနွေးအိတ်(သို့) ပုလင်းတင်ပေးနိုင်တယ်။
-လိုအပ်တဲ့ သောက်ဆေးတွေကို ဆရာဝန်ညွှန်ကြားချက်နဲ့သာ သောက်သုံးရပါမယ်။
-နေ့စဉ် ကိုယ်လက်လေ့ကျင့်ခန်း အနည်းဆုံး နာရီဝက်၊ တပတ် ၅ရက် လုပ်ဆောင်သင့်တယ်။
-ယောဂ၊ထိုက်ချိ၊ရေကူး၊ကိုယ်လက်လှုပ်ရှားမှု ပုံမှန်လုပ်ဆောင်ခြင်းဟာ စိတ်ခံစားမှုကိုအကျိုးရှိစေတယ်။
-တရားထိုင်ခြင်းအကျိုးကို အနောက်တိုင်းဆေးပညာက တော်တော်အသိမှတ်ပြုလာတယ်။ စိတ်နဲ့ပတ်သက်တဲ့ရောဂါတွေအတွက် အကောင်းဆုံးကုသနည်း တခုဖြစ်ပါတယ်။
-အစားအသောက် ဆင်ခြင်ပါ။အပူအစပ်၊ကော်ဖီ၊လက်ဖက်ရည်၊ဘီယာ၊အရက်ရှောင်ပါ။
-ကစီဓာတ်၊အဆီအဆိမ့် လျှော့စားပါ။ပူလွန်း၊အေးလွန်းတာလည်း မကောင်းဘူး။
-လက်တို့စ်၊ဖရူးတို့စ်ပါတာ ရှောင်ကြဉ်သင့်တယ်။နွားနို့၊ဒိန်ချဉ်၊အချိုရည် ရှောင်ကြဉ်ပေးရတယ်။
-ပျော်ပျော်ပါးပါး နေထိုင်ပါ။ အကောင်းဖက်က ရှုမြင်ပါ။ စိတ်ဖိစီးမှုကင်းအောင် တတ်နိုင်သမျှနေထိုင်ပါ။ သက်သာလာပါလိမ့်မယ်။

ဒေါက်တာ အေးမင်းထူး

နားကိုက်ခြင်းအတွက် လွယ်ကူသက်သာ နည်းလမ်းကောင်းများ

 

နားကိုက်ခြင်း(earache) ဟာ နားကိုပိုးဝင်ခြင်းကြောင့် ဖြစ်ရပြီး အလယ်နား(middle ear) မှာ လေတွေနဲ့ပြည့်နေပါတယ်။ ဘက်တီးရီးယားပိုးဝင်တာဖြစ်လို့ နားနာကျင်မှု ဖြစ်ရပါတယ်။ နားထဲမှာ ပုစဉ်း အော်သံလို၊ ၀ီစီမှုတ်သံလို ကြားရပြီး မခံမရပ်နိုင်အောင် ဖြစ်ရပါတယ်။
ဖြစ်ရသော အကြောင်းရင်းများ -
- နားပြွန်ပိတ်ဆို့ခြင်း
- သွားဖုံးတွင် ပိုးဝင်ခြင်း၊ သွားပိုး စားခြင်း
- နားထိခိုက်မှု၊ နားစည်ထိခိုက်မှုဖြစ်ခြင်း
- နားဖာချေး ပိတ်ဆို့ခြင်း
- အဆစ်ရောင်ခြင်း
- အာသီးရောင်ခြင်း
- လည်ချောင်းနာခြင်း၊ ရောင်ခြင်း တို့ပဲ ဖြစ်ပါတယ်။
Tip  1 – ပင်စိမ်းရွက်သတ္တုရည်နှစ် စက်ခန့် နားထဲသို့ ခတ်ပေးပါ။
Tip  2 – ရေကျက်ကျက်ဆူထဲသို့ ကြက်သွန်ဖြူကိုပြုတ်ပါ။ ချေပြီးရင် ဆားအနည်းငယ်နဲ့နယ်ပါ။ ရလာတဲ့ အဖတ်တွေကို ပ၀ါပါးပါးလေးနဲ့ ထုပ် ပြီးနားပေါ်မှာ အုံပေးရင် နားကိုက်ခြင်း သက်သာနိုင်ပါတယ် ။
Tip  3 – နားရောင်ရမ်းမှု ဖြစ်တယ်ဆိုရင် မုန်ညင်းဆီ နှစ်စက်၊ သုံးစက် လောက် ခတ်ပေးရင် ရောင်ရမ်းမှု သက်သာစေပါတယ်။
Tip  4 – ရေနွေးဆူဆူတစ်ခွက်ထဲကို ယူကလစ်ဆီ လက်ဖက်စားဇွန်း တစ် ဇွန်းနဲ့ vicks  တစ်ဇွန်းထည့်ပါ။ ခေါင်းကိုတဘက်နဲ့ပေါင်းပါ။ ခုနက ရေနွေးငွေ့ကို ရှုပေးပါ။ နားထဲက ဖိအားနဲ့ နားထဲမှာအရည်တစ်ခုခု ပိတ်နေရင် ပြန်လည်ကျဆင်းစေပါ တယ်။
Tip  5 – စားသုံးပေးသင့်တဲ့ အသီးများ ထဲမှာ လီမွန်၊ လိမ္မော်၊ စတော်ဘယ်ရီ၊ ဂရိတ်ဖရုနဲ့ သံပရာသီးတွေ ပါဝင် ပါတယ်။
Tip  6  ရောင်ရမ်းခြင်းကို ဂျင်းရည်တစ်စက်နှစ်စက်ခတ်ပေးခြင်းက သက်သာစေနိုင်ပါတယ်။
အခုဖော်ပြထားတဲ့ နည်းလမ်းတွေဟာနားကိုက်ခြင်းအတွက် လွယ်ကူပြီး ထိရောက်တဲ့အပြင် ဘေးထွက် ဆိုးကျိုးလည်းနည်းပါးတဲ့အတွက် ဖော်ပြပေးလိုက်ရပါတယ်။

သက်ကို
ref: ANI

Apple ကနေ iPhone လက်ကိုင်ဖုန်း အမျိုးအစား အသစ် ၂ မျိုးကို ဈေးကွက်မှာ မိတ်ဆက်

 

13.09.2013

အမေရိကန်နည်းပညာ ကုမ္ပဏီကြီးတခုဖြစ်တဲ့ Apple ကနေ  iPhone လက်ကိုင်ဖုန်း အမျိုးအစား အသစ် ၂ မျိုးကို  ဈေးကွက်မှာ မိတ်ဆက်လိုက်ပြီဖြစ်ပါတယ်။   iPhone 5C နဲ့  5S ပါ။  ဈေးသက်သက်သာသာနဲ့ ရောင်းမယ့်  iPhone 5C က ပလပ်စတစ်တမျိုးနဲ့ လုပ်ထားတာဖြစ်ပြီး   နောက်ဆုံးပေါ် နည်းပညာမြင့် အမျိုးစားက iPhone 5S  ကတော့  ဖုံးပိုင်ရှင်ကို သူ့ရဲ့ လက်ဗွေရာနဲ့ မှတ်နိုင်တဲ့ ဖုံးမျိုးပါ။

ယှဉ်ပြိုင်မှုသိပ်များလှတဲ့ ဒီ Smartphones တွေရဲ့  နောက်ဆုံးပေါ် အဆင့်မြင့်နည်းပညာတွေကို  အမေရိကန်ပြည်ထောင်စု ကယ်လီဖိုးနီးယား ပြည်နယ်က  ဆက်သွယ်ရေးအင်ဂျင်နီယာ ပါရဂူတဦးဖြစ်တဲ့ ဒေါက်တာဦးစိုးတင့်ကပြောပြပေးထားပါတယ်။

------------------------------------------------------

Unicode

အမေရိကန်နည်းပညာ ကုမ္ပဏီကြီးတခုဖြစ်တဲ့ Apple ကနေ  iPhone လက်ကိုင်ဖုန်း အမျိုးအစား အသစ် ၂ မျိုးကို  ဈေးကွက်မှာ မိတ်ဆက်လိုက်ပြီဖြစ်ပါတယ်။   iPhone 5C နဲ့  5S ပါ။  ဈေးသက်သက်သာသာနဲ့ ရောင်းမယ့်  iPhone 5C က ပလပ်စတစ်တမျိုးနဲ့ လုပ်ထားတာဖြစ်ပြီး   နောက်ဆုံးပေါ် နည်းပညာမြင့် အမျိုးစားက iPhone 5S  ကတော့  ဖုံးပိုင်ရှင်ကို သူ့ရဲ့ လက်ဗွေရာနဲ့ မှတ်နိုင်တဲ့ ဖုံးမျိုးပါ။

ယှဉ်ပြိုင်မှုသိပ်များလှတဲ့ ဒီ Smartphones တွေရဲ့  နောက်ဆုံးပေါ် အဆင့်မြင့်နည်းပညာတွေကို  အမေရိကန်ပြည်ထောင်စု ကယ်လီဖိုးနီးယား ပြည်နယ်က  ဆက်သွယ်ရေးအင်ဂျင်နီယာ ပါရဂူတဦးဖြစ်တဲ့ ဒေါက်တာဦးစိုးတင့်ကပြောပြပေးထားပါတယ်။

အငှားကိုယ်ဝန်ဆောင်ခြင်းလုပ်ငန်း

အိန္ဒိယမှာ ဖြစ်ထွန်းနေတဲ့ စီးပွားရေးလုပ်ငန်းတခုကတော့ အငှားဗိုက်အကျိုးဆောင်လုပ်ငန်းပါ။
ကမ္ဘာအရပ်ရပ်က ကိုယ်ဝန်ဆောင်ဖို့ အခက်အခဲရှိသူ၊ ကလေးမရနိုင်သူအများအပြားဟာ အိန္ဒိယက ဒီလုပ်ငန်းကို ချိတ်ဆက် ကလေးယူနေကြပါတယ်။
သူတို့ကိုယ်တိုင် ကိုယ်ဝန်မဆောင်ဘူး ဆိုတော့ သူတို့ရဲ့ ကိုယ်စား အိန္ဒိယမှာ ရှိတဲ့ အမျိုးသမီးတချို့ကို ကိုယ်ဝန်ဆောင်စေခြင်းပါပဲ။
မွေးလာတာ ရက်ပိုင်းပဲ ရှိသေးတဲ့ သမီးလေး Gabriella
မိဘများက  Rekha Patel, 42 နဲ့ Daniele Fabbricatore, 39တို့ ဖြစ်ပါတယ်။  (Photo: Reuters)

အလုပ်အပ်သူများထဲမှာ လိင်တူစုံတွဲများလည်း ပါတာပေါ့။
လိင်တူတယ်ဆိုမှတော့ ကလေးရဖို့က ဒီနည်းပဲ ရှိပါတော့မယ်။

အခု အိန္ဒိယမှာ နည်းနည်းလေး ဆူညံလာတာက ... ဒီလုပ်ငန်းက ဆင်းရဲတဲ့ အိန္ဒိယအမျိုးသမီးတွေကို  အမြတ်ထုတ်သလို ဖြစ်နေတယ် ဆိုပြီး ငြင်းခုံလာကြတာပါပဲ။
ပြည်ပကနေ ကလေးမွေးလိုသူတွေ အိန္ဒိယကို လာပြီး အငှားဗိုက်ရှာဖွေရ ခက်ခဲစေမယ့် ဥပဒေမျိုး ပြဋ္ဌာန်းရေးလည်း ပါဝင်တာပေါ့။

ဘုံဘေမှာ အခြေစိုက်တဲ့  Surrogacy India ဆိုတဲ့ အကျိုးဆောင်လုပ်ငန်းက အငှားဗိုက်နဲ့ ကလေး ၂၉၅ ယောက် မွေးအောင် ဆောင်ရွက်ပေးခဲ့ပြီးပြီ၊
အများစုက ပြည်ပက လာအပ်တဲ့ဖောက်သည်တွေ ဖြစ်တယ်လို့ ဆိုတယ်။ ၄၀ ရာနှုန်းက လိင်တူစုံမက်မိဘတွေဖြစ်ပါသတဲ့။ ဒါက ၆ နှစ်အတွင်း သူတို့လုပ်ငန်းရဲ့ ကိန်းဂဏန်းတွေပါ။
အဲဒီအကျိုးဆောင်လုပ်ငန်းက Dr. Sudhir Ajja ရဲ့ တွက်ချက်မှုကတော့ ပြည်ထဲရေးဌာနကအကြံပြုထားတဲ့အတိုင်း ဥပဒေ စည်းမျဉ်းစည်းကမ်းတွေ တင်းကျပ်လာရင်
ဒီလုပ်ငန်းကို သေချာပေါက် ထိခိုက်ပါလိမ့်မယ်၊ ပြည်ပက အလုပ်လာအပ်နှုန်းလည်း ကျသွားပါမယ် တဲ့။

အိန္ဒိယမှာ ဒီလုပ်ငန်း အစပြုနေတာ ၁၁ နှစ် ရှိပါပြီ။
အမျိုးသမီးတွေကို အခကြေးငွေပေးပြီး အငှား ကိုယ်ဝန်ဆောင်ခြင်းကို ခွင့်ပြုထားတာ နိုင်ငံ နည်းနည်းလေးပဲ တွေ့ရမှာပါ။
အိန္ဒိယ၊ ဂျော်ဂျီယာ၊ ရုရှ၊ ထိုင်း၊ ယူကရိန်း၊ အမေရိကန်တို့ပါပဲ။ အမေရိကန်ဆိုပေမယ့် တနိုင်ငံလုံးမဟုတ် - ပြည်နယ်တချို့မှာ ခွင့်ပြုပါတယ် တဲ့။

ခွင့်ပြုတဲ့နိုင်ငံနည်းပါးတယ် ဆိုတဲ့ အချက်အပြင် တခြားအကြောင်းအရာတွေလည်း အိန္ဒိယမှာ ရှိနေပါတယ်။
နည်းပညာအတွက်ကုန်ကျစရိတ်နည်းပါး၊ ကျွမ်းကျင်တဲ့ဆရာဝန်တွေရှိ၊ စာရွက်စာတမ်းကိစ္စလိုမျိုး ကြိုးနီစနစ် နည်းပါး၊  ဗိုက်အငှားလိုက်မယ့်အမျိုးသမီးပေါများ ဆိုတဲ့
အချက်တွေကြောင့် အိန္ဒိယကို ဒီလုပ်ငန်းအတွက် နှစ်သက်နေကြတာပါ။

အိန္ဒိယမှာ ဒီလုပ်ငန်းအကျိုးဆောင်ပေးတဲ့ဆေးဘက်ဆိုင်ရာဌာနပေါင်း ၃,ဝဝဝ ရှိမယ်၊ ဒီလုပ်ငန်းကနေ ၀င်ငွေ ဒေါ်လာ သန်း ၄၀၀ ထက်မနည်း ရှိနေပြီ လို့ မနှစ်တုန်းဆီက ထွက်လာတဲ့ လေ့လာချက်တခုက ဆိုပါတယ်။
ကုလသမဂ္ဂ ပါဝင်တဲ့  လေ့လာချက်ဖြစ်ပါတယ်။
ဗြိတိန်၊ အမေရိကန်၊  သြစတေးလျ၊ ဂျပန် စတဲ့ စတဲ့ တိုင်းပြည်တွေက ဒီလုပ်ငန်းအတွက် အိန္ဒိယသွားကြပါတယ်။ အိန္ဒိယမှာ နာမည်အရဆုံးကတော့  Gujarat ပြည်နယ် Anand  မြို့မှာရှိတဲ့ Akanksha  ဖြစ်ပါလိမ့်မယ်။

အငှားကိုယ်ဝန်ကို တကြိမ်မက ဆောင်ပေးတဲ့အမျိုးသမီးတွေလည်း ရှိမှာပဲ။ ၀င်ငွေကလည်း မက်လောက်စရာ ဖြစ်နေတယ် မဟုတ်လား။
ဘယ်လောက်ရသလဲဆို ... အထက်မှာ ရေးခဲ့တဲ့ Anand  မြို့လေးမှာ ဆိုရင် အိမ်တလုံးတောင် ၀ယ်နိုင် ဆိုပဲ။

အိမ်ဝယ်နိုင်တဲ့ငွေပမာဏရရှိဖို့ အမျိုးသမီးတချို့ အငှားကိုယ်ဝန်ဆောင်နေကြတယ်ဆိုပါစို့။
လတ်တလော ဥပဒေထဲမှာတော့ ဒီလိုကိုယ်ဝန်ဆောင်ဖို့ဆိုရင် အသက် ၂၁ နဲ့ ၃၅ အတွင်း ရှိမှ ဖြစ်မယ်၊
ကိုယ်ဝန်ဆောင်ပေးသူကို ကျန်းမာရေးအာမခံချက်  ရှိအောင် လုပ်ပေးရမယ်၊ ဟိုစုံတွဲနဲ့ သူနဲ့ကြား စာချုပ်ချုပ်ရမယ် စသဖြင့် သတ်မှတ်ထားပါတယ် တဲ့။

ဒါကတော့ India Seeks to Regulate Its Booming ‘Rent-a-Womb’ Industry ဆိုတဲ့ သတင်းကို ဖတ်ကြည့်ပြီး ပြန်ပြောပြတာပါ။ ဧရာဝတီသတင်းဌာနရဲ့ အွန်လိုင်း http://www.irrawaddy.org/archives/44962 မှာ ဒီမနက် တက်လာတဲ့သတင်းဆောင်းပါးပါ။ အကျိုးဆောင်လုပ်ငန်းတွေဟာ  အကျိုးဆောင်မွေးမိခင်တွေက ဗိုက်ထဲက သူ့ကလေး မဟုတ်တဲ့ ကလေးကို မေ့ထားဖို့၊ ကိုယ့်ရင်သွေးမဟုတ် - ကိုယ်နဲ့မဆိုင် - အလုပ်သဘောအရ တော်စပ်တဲ့ကလေးလို့ပဲ သဘောထားဖို့ သင်ပေးမယ် ထင်ပါရဲ့။ ဒါမှ နောက်ဆက်တွဲပြဿနာ နည်းမယ်၊ နှစ်သိမ့်ဆွေးနွေးပညာပေးတာမျိုးတွေ လုပ်ရမှာ နည်းပါလိမ့်မယ်။
အင်း ... "သူ့ကလေး မဟုတ်" ဆိုတဲ့စကားလုံးကိုသုံးရတာတော့ အားနာပါရဲ့။

မွေးလာတဲ့ကလေးမှာ မိဘ ၃ ဦး ရှိနိုင်ပါတယ်။
 ကိုယ်ဝန်ဆောင်မိခင်မှာ စိတ်ပိုင်းဆိုင်ရာထိခိုက်မှု ဘယ်လောက်အထိ ရမယ် မသိပါ။ အနည်းနဲ့အများ ရကြပါလိမ့်မယ်။
 ဟိုမိဘနှစ်ပါးကရော ကလေးအပေါ် သားသမီးအရင်းလို ချစ်နိုင်ကြမလား။ အင်း .... ချစ်ကြမယ် ထင်ပါရဲ့။

ကလေးကရော .. ဘာထိခိုက်မှု ရှိမလဲ။
ကလေးဆိုတာ ဗိုက်ထဲမှာ ရှိတုန်းကတည်းက မိခင်နဲ့ ရုပ်ပိုင်းရော စိတ်ပိုင်းပါအဆက်အသွယ်ရှိတယ်လို့ ကြားဖူးပါတယ်။
ကိုယ်ဝန်ဆောင်မိခင်က ဗိုက်ထဲကဒီကလေးကို မွေးပြီးပြီးချင်း ခွဲခွာ ရတော့မယ် ဆိုတာ သိထားတော့ ကိုယ်ဝန်ဆောင်စဉ်ကာလမှာ သူ့ဗိုက်ကို ဗိုက်ထဲက ပိစိလေးကို ဘယ်လို သဘောထားမလဲ။
အဲဒီသဘောထားတွေကြောင့် ကလေးမှာ ဘယ်လို သက်ရောက်မှု ရှိမလဲ။ အင်း... တွေးကြည့်ရင် စိတ်မောစရာ စိတ်ဝင်စားစရာကောင်းလှပါတယ်။
 

မျက်နှာပေါင်းတင်ပြီးလျှင် ဘာလိမ်းရမလဲ

မျက်နှာပေါင်းတင်ပြီး နာရီဝက်ခန့်ကြာမှ toner ကိုလိမ်းပါ။ သို့မှသာ မျက်နှာကို အားဖြည့်မှုပို၍ သက်ရောက်မည်ဖြစ်သည်။

ထို့နောက်မှ moisturize (အစိုဓာတ်ထိန်း ဆေးရည်)၊ eye cream, မျက်နှာခရင်တို့ ကိုတစ်ဆင့်စီ လိမ်းပေးရပါမည်။

Toner ကို မနက်နှင့် ညတိုင်း လိမ်းပေးနိုင်သည်။ လက်နှင့်လိမ်း ခြင်းထက် နူးညံ့သော ဂွမ်းဖတ်ကလေးဖြင့် လိမ်းပေးပါ။

လိမ်းရာတွင် နည်းနည်းချင်းတို့ပေးခြင်းဖြင့် အသားထဲစိမ့်ဝင်မှုပို၍ ရှိစေမည်။
Toner ၏သဘောမှာ အရေးအကြောင်းများကိုပြေ၍ မျက်နှာကို တင်းရင်းစေပြီး အညစ်အကြေးများကို ပယ်ရှားပေးနိုင်သည်ဖြစ်ရာ မျက်နှာပေါင်းတင်ပြီး ကျန်နေသည့် မျက်နှာမှအစအနများကို ဖယ်ရှားပေးနိုင်သည်။

သို့ဖြစ်၍ မျက်နှာပေါင်း မတင်မီ Toner ကိုမလိမ်းဘဲ ပေါင်း တင်ပြီးမှသာ toner ကိုလိမ်းသင့်ပါသည်။

ဒေါန
Health Updates Journal

တစ်နေ့တာလိုအပ်သော အာဟာရများ

Photo-ကိုကြည်နိုင်

(၁) ပိုတက်ဆီယမ်
တစ်နေ့တာလိုအပ်ချက်- ၄.၆ ဂရမ်
ငှက်ပျောသီးတစ်လုံးတွင် ပါဝင်သော ပိုတက်ဆီယမ် – ၀.၄ ဂရမ်
အကျိုးကျေးဇူး – သွေးပေါင်ပုံမှန်ဖြစ်စေရန် ထိန်းပေးသည်။ သားသမီး ထွန်းကားစေရန် အထောက်အကူဖြစ်စေပြီး ကြွက်သားနှင့် နဗ်ကြောစွမ်းရည်တိုးတက်စေသည်။
ငှက်ပျောသီး၊ နို့၊ အာလူး၊ ထောပတ်သီးတို့တွင် ပေါများစွာပါဝင် သည်။

(၂) မဂ္ဂနီဆီယမ်
တစ်နေ့တာလိုအပ်ချက် – ၄၀၀ မီလီ ဂရမ်
မက်မွန်သီး တစ်အောင်စတွင်ပါဝင်သော မဂ္ဂနီဆီယမ်ပမာဏ – ၈၀ မီလီဂရမ်
မဂ္ဂနီဆီယမ်ဓါတ်ချို့တဲ့ခြင်း သည် အရိုးပါးရောဂါ (osteoporosis) ၊ဆီးချိုရောဂါ၊ သွေးတိုးရော ဂါများ၊ ကြွက်တက်သည့်ပြဿနာ များနှင့် ဆက်စပ်လျက်ရှိသည်။ ဟင်းနုနွယ်၊ ပဲမျိုးစုံနှင့် အခွံမာသီးအစေ့ များတွင် ပေါများစွာပါဝင်သည်။

(၃) ဗိုက်တာမင်အေ
တစ်နေ့တာလိုအပ်ချက် – ၅၀၀ IU
မုန်လာဥနီဆယ်လုံးတွင် ပါဝင်သော ဗိုက်တာမင်အေပမာဏ – ၁၃၈၀၀ IU
အမြင်အာရုံ၊ ကိုယ်ခံအားနှင့် တစ်ရှူးကြီးထွားခြင်းကို အထောက်အပံ့ဖြစ်စေသည်။ အာလူး၊ မုန်လာဥနီ၊ ဟင်းနုနွယ်၊ ပန်းဂေါ်ဖီများတွင် အဓိကပါဝင်သည်။

(၄) ကယ်လ်ဆီယမ်
တစ်နေ့တာလိုအပ်ချက် – ၁၀၀၀ မီလီဂရမ်
နို့ရှစ်အောင်စတွင် ပါဝင်သော ကယ်လ်ဆီယမ်ပမာဏ – ၂၉၉ မီလီဂရမ်
သွားနှင့်အရိုးများကိုခိုင်မာစေသည်။ ကြွက်သားလုပ်ငန်းကောင်းမွန်စေပြီး
 နှလုံးခုန်နှုန်းနှင့်သွေးဖိအားပုံမှန်ဖြစ်စေရန် ထိန်းသိမ်းပေးသည်။ နို့ထွက်ပစ္စည်း၊ ဆာမွန်ငါး၊
ကိုက်လန် ရွက်၊ ပန်းဂေါ်ဖီတို့တွင် အဓိကပါဝင် သည်။

သီဟ
Source:WebMD
Health Updates Journal